هذة تجربة حبيت اقدمها للشباب الي لهم رغبه في تركيب الشاشات او اجهزة الملاحه على السياره وكما يعلم الجميع ان في سوق المسجلات يجود العديد من الماركات المشهوره وغير المشهوره

JVC KW-AVX706 جهاز بسيط سهل الإستخدام غني بالمميزات ويعتبر من مسجلات الجيل الحديث يمكن مايكون الأفضل ولكن فيه كل شي تحتاجه بسعر ممتاز وبتقنيه حديثه
الجهاز يتوفر بلونين اسود ورصاصي

مميزات المسجل تشغيل العديد من الملفات الصوتيه وتشمل ايضا الMP3 وامتدادات الأفلام DVD وامتدادات الDIVEX الدي في دي المضغوط والصراحه لم اجد مسجل في السوق يقدر يشغل هذا الإمتداد حيث تقدر تشوف 4 ولا 5 افلام في ديسك واحد اضافه الى الملفات الصوريه حيث تقدر تعرض الصور
plays DVDs, DVD-Rs/RWs, DVD+Rs/RWs, CDs, CD-Rs/RWs, MP3/WMA CDs, JPEG files
ومن المميز ايضا انك تقدر تحط كل الأصوات الي عندك في ديسك DVD حيث بكون عندك عدد كبيييييييير من الملفات في سي دي واحد

من الأشياء المميزه ايضا انك تقدر توصل الجهاز بI-POD
تقدر تركب قطعه استقبال التلفزيون
تقدر توصل كيمره خلفيه
نظام يعدل لك الصوت ويوزعه على السياره دول زون
تقدر توضع فيه SD كارد فيها صور وصوتيات

هذا كل الي اقدر اقوله عن المسجل باختصار وانا انصح فيه واشيد به ايضا

السلبيات الي اشوفها على الجهاز
ان الشاشه مو لمس
الجهاز مزود بنظام ترافيك كونترول مما يخلي الأريل دوم مرفوع عشان يبحث عن الأخبار اول ماتذاع


والحين بالنسبه لجهاز الجارمين
لا يختلف عن اجهزة الجارمين الثانيه ولكن الميز ان الجهاز يتوصل على الشاشة فيكون عندك شاشه عرض كبيره والصراحه الخريطة فيها تفاصيل كثيره والجهاز يعمل بشكل افضل من جهاز الجارمين العادي الي شفته عند احد الشباب التحكم يكون بريموت وسهل وبسيط جدا جدا جدا وحلو الصراحه انصح فيه بشكل قوي

السلبيات
لايمكن تشغيل المسجل عند تشغيل الجارمين يوجد جارمين خاص للكينود يتيح هذه الخاصية ولكن يعيبه سعره المترفع 3500 درهم و3800 ريال

سعر المسجل تقريبا 2700 ريال يمكن ينقص في الإمارات200 درهم
وسهر الجارمين 2200 ريال وفي الإمارات 2000 درهم

اترككم مع الصور وانشاء الله الموضوع ينال اعجابكم

http://www.gulf4cars.com/vb/showthread.php?t=7970