بسم الله الرحمن الرحيم

السلام عليكم و رحمة الله و بركاته


وعدتكم قبل اسبوع بإجراء تجربة قياده لسيارة ساب 93 ايرو 2.8 توربو
و اختلف الاخوه في اي من السيارتين اجرب السبورت سيدان ام المكشوفه

اتصل بي اليوم مندوب المبيعات في الوكاله معتصم عبيد الساعه 10 و نص الصبح علشان يخبرني
ان السياره جاهزه للتجربه

وصلت الساعه 11بالضبط

المهم

وصلت السياره و الي اخترتها هي سبورت سيدان(يا اخوان مكشوفه ما تنفع في ها الجو الخايس)

اول ما وصله ا لامندوب جدام باب الوكاله دعم فيها الرصيف خفيف و انعفصت الزوايد الاماميه

ركبت السياره
السياره يوم ركبتها كانت ماشيه في حدود ال 3200 كيلو بس
يعني يديده توها
عدلت الكرسي و المنضره و ربطت الحزام

و استمتعت بمكيف السياره الرائع بصراحه

هادي ما يطلع صوت و بارد

قلت بسم الله و حطيته عالريوس

اول نقطه كان الزجاج الخلفي للسياره صغير جدا جدا و صعب انك تنظر للخلف منه(شكرا للحساسات)

و بديت المشي

بصراحه كراسي السياره مريحه جدا بحيث اني اول مره فحياتي اسوق سياره صالون الا اني تعودت على السواقه في ثواني

بصراحه سكان السياره كان خفيف لدرجه ما تتصورونها و هذا اكثر الاشياء الي اعجبتني
بدي السياره يعجبني لانه مصنوع من حديد جديد غير معاد تدويره و هو صلب جدا و هاذي ميزة السيارات السويديه

اولا بتكلم عن قوة المحرك:

المحرك طبعا قوي جدا فهو 2800 سي سي مزود بشاحن توربو يعتبر من اكثر انظمة التيربو تطورا في العالم

حيث انه يشتغل على طول اما باقي السيارات يشتغل على عدد دورات محدده

و حلاته يوم تبدل الخير تسمع صوت التيربو

بصراحه ها الصوت يثير فيك الرغبه للضغط على الدواسه اكثر

لولا ان شوارع دبي كانت مزدحمه لكنت قدرت اني اطلع قوة الموتر

لانه فعلا قوي جدا خاصه مع وجود جير تبترونك مع امكانية التبديل من السكان الي يسمونه بعض الناس جير فورميلا 1 او جير فيراري

خاصه يوم تشوف عداد التيربو في الطبلون

شو الخبال

بس فعلا السياره من ناحية القوه اعجبتني خاصه صوت المحرك الي يهدر بطريقه خياليه



فخامة السياره:
بصراحه السياره كان وايد فخمه و مريحه

الي جربتها كانت كرايها جلد بيج مع اسود
و هو احلى لون للداخليه


كرسي السائق يعدل كهربائيا بكل الوضعيات و مع امكانية تخزين 3 وضعيات للكرسي مع المرايا
تطيعيمات الخشب و النيكل جميله و متناسقه في السياره

الكراسي الخلفيه واسعه مع وجود تكييف منفصل

السياره من ناحية الامان فيها الكثير من الانظمه خاصه في الثبات
و تتقاسم هي و فولفو معظم الجوايز المهتمه بالسلامه

يقول المندوب ان لومينا الشكل الجديد اخذت نظام الفرامل من هاذي الساب لانه قوي جدا و ذكي

يتوزع في السياره 10 ايرباجات
و 9 سماعات من نوع بوس

اكثر ما ازعجني في السواقه صوت البريك الي كأنه يوم السياره توها طالعه من الغسيل. . .



للأسف انا ما جربت السياره الا ساعه و ربع تقريبا

و اقدر اعطيكم الخلاصه

اولا الايجابيات
1- المحرك قوي جدا و سريع الاستجابه و صوت التيربو فنان
2-الشكل الخارجي رائع جدا جدا
3-الداخليه مريحه
4-سكان السياره خفيف جدا
5-سماعات السياره اكثر من ممتازه
6-مساحة الدبه واسعه جدا بشكل ما تتخيلونه
7- المكيف كان ممتاز

اما السلبيات الي شفتها في السياره:

1- عدم نزولها بشاشة نافيجيشن
2- الزجاج الخلفي صغير جدا و تصعب الرؤيه منه
3-سعرا لسياره شوي غالي و قطعها يقولون ان سعرها مب غالي لكنه مقبول

بصراحه ما اعرف سلبيات وايد في السياره

لانها بشكل عام اعجبتي و اقيمها

15 من 20

طبعا ماصفات المحرك في التجربه

V6 سعته 2.8 لتر توربو
يولد 250 حصان
تسارع السياره من 0 الى 100 في 6.7 ثانيه
السرعه القصوى 250 كلم \سا

السعر 150 الف درهم

و هناك محرك ثاني ما جربته و هو 2.0 لتر توربو يولد 210 احصنه و تساعره في 7.7 ثانيه
اما السعر فهو 135 الف درهم

يعني زيد 15 الف علشان تحصل محرك اكبر و شكل رياضي و داخليه احلى


اخيرا الصور

طبعا الصور مب بالمستوى المطلوب علشان جذه ما صورت وايد صور
لانها بالتيلفون

لكن اتمنى انها تسد الحاجه










الفئه المكشوفه








صور للداخليه باللون الاسود








تابع

الصور المصغرة للصور المرفقة

         

         

__________________

http://uaexlr.googlepages.com/home


مسابقة التصميم 2008

المحرك 2.8 لتر توربو يولد 250 حصان



و هاذي صور السياره الي جربتها






ملاحظه:ما صورت السياره الي جربتها وايد لان الجو كان حاااااااار
اتمنى ان تكون تجربتي المتواضعه قد افادتكم و انا جاهز لاي استفسار او سؤال حول السياره

تحياتي

الصور المصغرة للصور المرفقة

       

__________________

http://uaexlr.googlepages.com/home


مسابقة التصميم 2008

يعطيك الف عافية عالتجربة ..
زين انهم عطوك اياها ساعة وربع .. سيارة رائعة سبق وان جربت فئة الايرو .. سواقتها خيالية جدا ..

الساب من أفضل السيارات من ناحية الامان .... محركها ممتاز 6 سلندر بتيربو ....

ساب من ناحية التصميم والامان توب لكن ليش مامشت عندنا((خصوصا بالسعودية)) ماأدري ليش ....


الله يعطيك العافيه وبانتظار تجارب اكثر ...

__________________

السعودية مايبوا الا كامري

ركب على الساب علامة تويوتا وشوف كيف يشتروها بالهبل



يعطيك الف عافية اخوي C A D I L L A C على التجربة

السيارة شكلها روعة خصوصا والكشف منزل

انا جربت الشكل السابق 2.0 تربو وكان صوت المحرك مزعج نوعا ما داخل السيارة.. مادري تغير هذا الشي في هذا الموديل والا لأ؟

الشكل الداخلي كان ممل في الموديل السابق بس هذي ماشاء الله حلو

مكان مفتاح التشغيل احسه غبي بصراحة... شكلهم مالهم نية يغيروه

__________________


Without deviation from the norm, progress is not possible

تجربة سريعه ولكن موفقة أخوي كادلاك ..

بصراحه ساب مالها سوق في الخليج ، يمكن أكثر اللي يشترونها هم الاجانب الاوروبيين .
أما الخليجيين ما تشوفهم راكبينها الا ناااادرا ً !!

الموتر مواصفاته حلوة ، شكله الخارجي رياضي رائع ، محرك ممتاز ..
السعر غالي جدا جدا !! .. الفخامة الداخليه متوسطه نوعا ما .


يعطيك العافيه أخوي على التجربه الحلوة ، وننتظر جديدك دائما ً .

__________________

__________________

اشكرك على الرد

فعلا سواقتها خياليه
وهي لحد الحين اكثر سياره استمتعت بسواقتها

ما مشت عندنا لان الناس متعودين عالياباني بس
و الوكيل ما عطاها حقها بصراحه
مظلومه


شكرا على الرد

بالنسبه لصوت المحرك كان هادي نسبيا لكن يوم تضغط عالدواسه
متوحش

اما المفتاح فهذا يعتمد على تاريخ الشركه لان كل سياراتها هذا مكان مفتاحها

مشكور

هو صح السعر غالي بس تستاهل
بس العيب سعر البيع


و الله اخوي من ناحية الصور سامحني لان كيمرتي خربانه مثل ما قلت سابقا

بالنسبه للضمان

عليها ضمان 4 سنوات
اما السعر قالي المنتدوب لو تباها نقدر نخصملك من السعر

بس فعلا قرقاش ما عطى السياره حقها

مب مثل الفولفو

__________________

http://uaexlr.googlepages.com/home


مسابقة التصميم 2008

الساب سياراتها حلوة

ومحركاتها ممتازة

لكن سوقها مب ماشي عندنا

جربتها عند واحد من الربع

سواقتها ممتعة

مشكور على التجربة الحلوة

__________________


Mustang GT



...One Year...

مشكور الغالي على التجربة الحلوة وللأسف الساب انظلمت