الباصات
> > > عمان اربد بقعة صويلح
> > >
> > >
> > > تقريبا ... لا يوجد احد من بيننا لم يستعمل يوما المواصلات العامه
> > > .....
> > >
> > > عندما تجلس في الباص .... توقع ان يجلس بجانبك أي شخص
> > > قد تجلس بجانب طبيب ، مزارع ، مهندس ، طالب عادي ، شخص امي ....
> > > او قد تجلس بجانب استاذ جامعي ...
> > > كل شيئ ممكن في الباص .... الناس سواسيه ....
> > >
> > > مرات ما بيكون جاي ع بالك تحكي ...
> > > بس اللي جنبك فجأه بينطلق لسانه .... وانت بتبتسم ببرود وبينك وبين
> > > حالك ..
> > > ولك اسكت يا ...
> > > هذا فيما لو جلست ... لانه كثيرا من الاوقاتf
>بتكون في الباص عالواقف
> > > ...
> > > طبعا اذا كنت بنت فليس من الممكن انك تطلع بالباص عالواقف .... ليش
> > > ؟؟
> > > والله مش لانه الشباب نخوجيه .... غالبا لانه بيكون الكونترول
عضلنجي
> > > والله معطيه الصحه
> > > مجرد ما يجحرك ... قوم ابو الشباب قعد البنت
> > > بتلاقي نفسك قايم وبكل صدر رحب ....
> > >
> > > عشان هيك لما أي شب يطلع يقعد بالباص بيحاول يقعد بمكان صعب أي بنت
> > > تقومه فيه ...
> > >
> > > مثلا بقعد على البسطه ورا الشوفير ... او بالكرسي الخلفي مع اربع
> > > شباب ...
> > > او الكرسي اللي جنب الشوفير ... هيك بيكون استمتع بالرحله ... ولا
> > > بنت ابوها بتقومه ؟؟
> > >
> > > السؤال اللي بطرحه اغلب الشباب بينهم وبين حالهم ... وهمه بيصرو على
> > > سنانهم من القهر بس مش قادرين يحكوا لانه الكونترول معلم بوجهه موس
> > > من الذان للشفه .
> > >
>السؤال هو : يا ابن الحرام ما انت شايف الباص مليان ليش بتطلع بنات
> > > ... عشان تقعدها مكاني ....
> > >
> > > هاي المشكله
> > > اللي مش راح تنتهي ..
> > >
> > > طبعا هاذا انسى المشاكل والواحد واقف ..
> > >
> > > يعني اذا الباص لف كوربه محترمه بتلاقي المسكين بيترتح باي اشي عشان
> > > ما يوقع ...
> > > واذا دعس بريك فجاه ... يا بتوقع على الارض يا بحضن الكونترول ..
> > > وهذا ما يتمناه الكونترول ...
> > >
> > > ومرات بتكون واقف ... بتبلش تتعود على الوقفه ... بتستقر امورك ..
> > > وبتبدا تحاول تستمتع ...
> > >
> > > فجاه بتسمع صياح الشوفير ... : دوريه اقعد اقعد يا ابو الجوكيت
البني
> > > .... نزل راسك ...
> > > بتضطر انك تقرمز وتوطي راسك كانك عامل عمله ...
> > >
> > > وكل ما بده واحد ينزل لازم تنزل معو ع بين ما ينزل وترجع تطلع مره
> > > ثانيه
>....
> > > ومرات بس تنزل بيكون واحد بده يطلع وفعلا بطلع قبلك وبيقعد عالكرسي
> > > اللي فضي ....
> > > بس ما بتقدر تفتح ثمك ....
> > >
> > > وكلو كوم ولما يبلش الشوفير والكونترول يسولفو مع بعض ويعرطو كوم
> > > ....
> > > حجم هائل من الزناخه ما بتلاقيه بالمحيط الاطلسي ....
> > >
> > > واشي انا مستغرب منو ... الاغاني اللي بيحطوها الشوفيريه بالباصات
> > > ....
> > >
> > > من وين بيجيبوها ؟؟؟
> > >
> > > يعني يا بيحط ربابه وواحد بيجاعر .....
> > > يا اغنيه من سنة الف وتسعميه وخشبه .... من الاغاني اللي كان يسمعها
> > > خفرع ومنقرع ..
> > >
> > > وغير هيك السباقات اللي بتصير بين الشوفيريه ....
> > > يعني الشوفير مستعد يشطب 25 واحد عشان راكب بخمسطعشر قرش ...
> > >
> > > وفيه نكته عالموضوع بتحكي انه فيه شوفيريه باصات ثنين بتسابقوا .
> > > اللي قدام
>شاف راكب
> > > صار يفكر ... اذا وقفتله اللي وراي بسبقني عالمجمع وبيحمل قبلي
> > > واذا ما وقفتله اللي وراي بوقفله وهو اللي بوخذ البريزه ... شو اعمل
> > > شو اعمل ؟؟
> > > احسن حل ادعسه ... وعننننننننننن ...... اخبط !!!!!
> > >
> > >
> > >
> > > بتركيا ... كان كل خمس دقائق ييجي باص ...
> > > كنت اشتري بطاقه بتسمح لي اركب عشر مرات ... كنت اركب واختم البطاقه
> > >
> > > اقعد بمكاني ... ما فيه لا كونترول ولا حدا بيصيح .. فيه سوفت
ميوزيك
> > > ..
> > > الشوفير لا بحكي معك ولا بتحكي معو ...
> > >
> > > بينزل بمحطات معينه .... الباص نظيف من جوا ومستحيل تتعدى سرعته
ستين
> > > وما بيطلع عن السايد تبعو وما بيتجاوز
> > > واحلى اشي انك لما تنزل من الباص الشوفير بيستناك لما تنزل ويسكر
> > > الباب وبعدين بيمشي .. مش زي عنا بتلاقي راسك برا واجرك جوا والباص
> > > ماشي وانت
>يا بتكون قد حالك وبتطلع .. يا اما على صباحك ...
> > >
> > > وبامريكا نفس النظام .. بس هناك انه لما تنزل من الباص بيبتسملك
> > > الشوفير ابتسامه عريضه
> > > وبيقولك ثانك يو فيري ماتش ... هاف ا نايس داي ..
> > >
> > > سبحان الله ... زي شوفيريتنا بالزبط ... : يالله انزل وله
> > >
> > > غير المدافشه ربع ساعه قبل ما تطلع بالازمه .... واذا ما فيه ازمه
> > > استنى نص ساعه عبين ما يعبي الباص ... وزلمه افتح ثمك واحكي مستعجل
> > > ...
> > >
> > > على كل حال ....
> > >
> > > فيه رب كبير .... وكل ظالم اله يوم ....
> > >
> > > وصباح الوطن الجميل ....
> > > صباح الخير يا وطني

(من واحد من الشباب)

>______________________<
جهاد لماعرفت اقرا المكتوب فوق
بس في الاخر..
1- الحمد لله ما اركب باصات
2- المكان الوحيد اللي استعمل فيه باصات كان في اوروبا و مثل ما قلت الشوفيره ما بيحكوا معا اي حدا و لما تنزل بيقولك ثانك يو سير هاف أنايس داي

__________________

كلمتان خفيفتان على اللسان...حبيبتان إلى الرحمن... ثقلتان في الميزان... سبحان الله و بحمده سبحان الله العظيم..

Dive Ever... Work Never

وأحلى تحية لأحلى شاكوش أزعر

والموضوع يحاكي معاناة المواطن الأردني بالباصات بطريقة ساخرة وممتعة

حياك الله معانا أخوي شاكوش

وتقدير منا لك سوف يتم تثبيت الموضوع لعيونك

وكثر من هالمواضيع حبوب




تحيات الزعيم

__________________

الحميدي

رسالتنا:

تنمية وتطوير اتجاهات الشباب نحو عالم السيارات والارتقاء بهم نحو تجمع شبابي عربي يفضي الى إنشاء تعارف وصداقات وتبادل للخبرات بين الاعضاء.

هدفنا:

الإطلاع على كل ماهو جديد في عالم السيارات وتبادل التجارب والافكار والخبرات لنحصل على الخبرة الكاملة

ههههههههههههههه .. قرآه ممتعه

كيب أت ذات ويي

يسلمو

__________________

EL.3grab@Gmail.com

والله رجعتنا 15 سنة لورا

ماحد بيعرف عن ايش اتكلم الا المغبرين زيي


تسلم على الموضوع الروعة

frsunuae :اهم اشي عرفت تقرا المكتوب...


الزعيم :على راسي انت وتثبيتك لمدة 24 ساعة...


العقرب :على راسي والله...


بريليود :كلنا في الهوا سوا نفختين ثلاث بنطير الغبرة عني وعنك واحلى تحية...

يسلمووو اخويه شاكوش الأزعر على المشاركة

يا هلا وغلا بالشواكيش كلهم

وترى أنا ثبت الموضوع تقريبا 3 أيام مو 24 ساعة

بس أنت اللي كنت مختفي




تحيات الزعيم

__________________

الحميدي

رسالتنا:

تنمية وتطوير اتجاهات الشباب نحو عالم السيارات والارتقاء بهم نحو تجمع شبابي عربي يفضي الى إنشاء تعارف وصداقات وتبادل للخبرات بين الاعضاء.

هدفنا:

الإطلاع على كل ماهو جديد في عالم السيارات وتبادل التجارب والافكار والخبرات لنحصل على الخبرة الكاملة

الله يسلمك وحاضرين لكل الشباب الطيبة

ع راسي يالزعيم...