>



صفحة 1 من 5 12345 الأخيرةالأخيرة
النتائج 1 إلى 6 من 27
  1. #1
    ra3y_v6 غير متصل عضو فعّال جداً
    تاريخ التسجيل
    Jun 2006
    المشاركات
    1,790

    افتراضي (((((((((((((( لا للمجاملات ))))))))))))))


    السلام عليكم ورحمه الله وبركاته ..

    قد يكون الكلام طويل بعض الشي لكنه يتناول مشكله في المنتدى هذي الايام
    بصراحه احترت وين هذا الموضوع لكن اخترت هذا القسم الي اشوفه اكثر قسم فيه حركه من بين كل الاقسام ..
    وطبعا ارجو التثبيت من قبل المشرفين اذا سمحوا :) ..
    موضوعي هو رساله لجميع الاعضاء بدون اي استثناءات او اختصاص حد منكم ..
    موضوعي هو حمله ردود المجاملات ياجماعه الموضوع لا يستهان فيه وبدأت اشوفه ينتشر في بعض الاقسام وبدون اي احراج منتشر في كم قسم عندنا ..
    مايضر العضو اذا كتب رايه في الموضوع او انه يكتب على الاقل شي يدل انه شاف الموضوع .. الردود لبعض الاعضاء مكرره في كل المواضيع تحسس العضو الي كتب الموضوع الفلاني انه جهده راح بدون فايده .. فلان مر عليه وكتب له رد مثل اي موضوع ثاني ..
    شو شعوركم يوم تكتبون موضوع معين و الردود تكون مناقشات واراء عن الي كتبته .. شي يحسس باهتمام الزاير بموضوعك الي كتبته ..
    ثاني شي يصير خلط في المواضيع المواضيع القديمه ترفع والجديده تنزل تحت والزاير يشوف المنتدى اول فكره في راسه بتي انه المنتدى ماتجدد طول هذي الفتره واصلا فيه مواضيع مدسوسه بين هذي المواضيع القديمه..
    وتكرار الشخص الي رد يوحي بموت القسم الفلاني .. مافيه غيره يشارك يعني .. يرد على عشر مواضيع مثلا !!
    هل هذا الشي سببه الحصول على الاشراف .. او التميز ؟ او زياده عدد المشاركات الي اشوف انه مالها داعي بالمره ! .. لو قلنا الحصول على الاشراف ما اظني كثر المشاركات هي سبب ياما حصلنا اعضاء مشاركاتهم في ال 20 الف واصلا كل ردوده مجاملات وشكر ويعطيك العافيه وننتظر جديدك ..
    المنتدى ((لتبادل الخبرات والنقاشات في كل الامور الي يختص بها المنتدى)) هذا اظن سبب ايجادنا لهذا المنتدى الرائع والمحترم والنشط والمعروف بآخر اخباره الحصريه و اجمل مواضيعه بين الاعضاء ..

    عندي رأي وابغي رايكم فيه ..10 ردود شكر في موضوعك ولا رد فيه كل الصراحه وتعبير وجهه نظر القارئ ويسألك عن شي معين تحس انه مجهودك على الاقل عجب شخص و رده عليك اختلف (باللون الاحمر وكبيره) عن ردوده عن باقي الاعضاء ..

    قد اكون اخواني كبرت المسأله .. لكن هذا سبب مثل ماقال عضو من اعضاءنا في المنتدى جزاه الله خير في تباطؤ نمو منتدانا .. طبعا ماننسى اننا في فتره امتحانات ونهايه سنه دراسه او عمليه .. المهم مقبلين على الصيف والنشاطات بتكثر بإذن الله وبيعود المنتدى مثل اول واحسن ..

    ملاحظه : ربي يشهد اني ما اختصيت عضو من الاعضاء الموضوع هذا لصالح المنتدى وارجو تقبله مني كعضو لا كمشرف :) ...

    تحياتي

  2. #2
    Sayedco غير متصل عضو فعّال
    تاريخ التسجيل
    Jun 2006
    الدولة
    جزيرة البحرين
    المشاركات
    759

    افتراضي

    أخي راعي الثمانية سلندر ترا جهدك ملحوظ في تطوير المنتدى معنوياً

    و إذا آبي آخذ نفس منهجك في الموضوع ، أقدر أقول إن عدد من المشرفين في المنتدى يردون بالمجاملة و بدون أي رأي في الموضوع

    مثل رد :

    مشكور اخويه على الموضوع ، على الفيديو ، على الصور

    و مثل ، مشكور يالغالي

    وووو ردود كثيرة ، نعم ، آنا تعمدت إني أعطيك في الويه خخخخخ ، بس مثل ما تقول ، بدون مجاملة و بصراحة

    و آنا من أشد الكارهين للردود اللي ما تبين إن الواحد قرا الموضوع أو شاف الفيديو ، على الأقل يقول جملة وحدة إنه الترتيب حلو أو أيييييي شي على الأقل يكون في الموضوع مو بس شكر وبس

  3. #3
    Prelude 4 Life غير متصل مشرف سابق
    تاريخ التسجيل
    Jun 2006
    الدولة
    30
    المشاركات
    2,771

    افتراضي

    اخيييييرا في احد لاحظ؟

    والله حاولت اتكلم في الموضوع اكثر من مرة لكن تعرف حكم القوي على الضعيف

    بعض الاعضاء (بدون ذكر اسماء) للأسف كل ردودهم هي نفسها.... صرت اذا اشوف ان عضو رد على موضوع معين اعرف وش بيكون رده قبل لاأشوف مشاركته!!!


    على العموم جزاك الله خير ياراعي 8 على هالموضوع اللي المفروض من زمان ينطرح :)

  4. #4
    ra3y_v6 غير متصل عضو فعّال جداً
    تاريخ التسجيل
    Jun 2006
    المشاركات
    1,790

    افتراضي

    حياك الله اخوي سيدكو وكثير منا لهم نفس النظره لهذي الردود الي مالها داعي ..
    آنا تعمدت إني أعطيك في الويه خخخخخ ، بس مثل ما تقول ، بدون مجاملة و بصراحة
    بالعكس هذا الي دفعني اني اكتب هذا الموضوع :) .. وهو الصح بعينه ..
    حياك الله اخوي وحياك ويانا :)

  5. #5
    الصورة الرمزية Jaguar R
    Jaguar R غير متصل مشرف سابق
    تاريخ التسجيل
    Jul 2006
    الدولة
    U-A-E
    المشاركات
    6,304

    افتراضي

    الاحظ انه بعض الاعضاء, المشرفين والمراقبين, يردون على الموضوع, لزيادة عدد مشاركاتهم..

    المفروض يكون في وعي وانتباة للردوووود, واصلا عدد الاعضاء الي يردون على المواضيع محدودين, مايتجاوزون ال 20 عضو هم نفسهم الي يشاركون ويردون, مع انه عدد اعضاءالمنتدى قد فاق الــ 2000 عضو... وينهم؟؟؟ ووين مشاركاتهم وردودهم؟؟؟؟؟؟؟؟

  6. #6
    ra3y_v6 غير متصل عضو فعّال جداً
    تاريخ التسجيل
    Jun 2006
    المشاركات
    1,790

    افتراضي

    حياك الله اخوي محمد ولا تستحون منا في اخبارنا عن (أي) ملاحظات تشوفونها في المنتدى والي سويته انا يمكن اي حد يسويه مثلي سواء حد من الاداره او من برع :) ..
    للعلم اخواني .. العضو بريليود هو الي نبهني على هذي النقطه في رساله شخصيه :) ..
    حياك الله وننتظر جديدك ان شاء الله

صفحة 1 من 5 12345 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14