حصرياً تجربة سيارتي سزوكي سوفت 2007 !!

ســـــزوكــــ swift ــــي · 03:39 PM

السلام عليكم ورحمة الله وبركاته

أولاً أتمنى إنتكم تعذروني إذا خربطت في شي أو إذا كان في شي ناقص
لأنه هذي أول مشاركة لي في المنتدى وأول مرة أكتب عن تجربة سيارة
فـ السموحة منكم

السيارة هي : Suzuki Swift 2007 سيارتي

والموديل الذي يتم تجريبه هنا هو GLX 1500 سي سي
4 أبواب
وأول ما يلفت النظر في سويفت الجديدة هو أنها تجمع بين الجمال والقوة في الشكل

صور المفتاح

السيارة من الداخل مجهزة بأجهزة قياسية و مافيها رقم 1 أو 2 الخ..
المقود ( السكان) فيه أزرار التحكم بالصوت ( + او – و كتم الصوت و تبديل الأغاني و من السيدي إلى الراديو)

الطبلون

طبلون جذاب و يتميز بتصميم عصري

من الداخل

أنا عدلت السيارة من الداخل بدلت القماش بجلد ألماني لونين أسود + برتقالي
فرش الوكاله يكون قماش كحلي و قريباً بسوي السقف مع العواميد شمواه

لو تلاحظون ضيق المساحة الخلفية بس ما حد يركب ورا عندي خخخخخ

الدبة تمشي الحال

تعالوا نشوف المكينه

المكينه 1.5 ليتر
4 سلندر

أنا عدلت تعيلات بسيطة على المكينه ( كهرباء + فلتر مع إنتيك تفصيل SIMOTA )

من برع

السيارة أنا مركبلها سبرنقات H&R مع تنزيلة بسيطة
رنقات 17 إنش G-games (طلبية من إستراليا)
هرن bmw
طقم زينون ألماني

وهذا إهدااااء مني لكم

الإيجابيات

السيارة مريحة للمدينة

شبابيه

قلة صرفية البترول ( فل 45 درهم )

أجمل سيارة هاتشباك

السلبيات

ضيق المساحة الخلفية المخصصة للركاب

المكينة حاكره على الخطووط

بدون تثبيت سرعة

تدخل هوا بعد الـ 120

والسموحة منكم

أخوكم

ســـــزوكــــ swift ــــي

C A D I L L A C · 24-05-2007, 04:51 AM

تبقى خيار افضل من هوندا جاز و تويوتا ياريس

شبابيه اكثر من الثنتين

و سياره رائعه

مره سرت اسال عنها الموظف يكلمني من ورا خشمه

و الله اني اطلع المواصفات منه بالاسأله

حتى من الكرسي ما نش

طلعت من الوكاله منقهر منه

بس الي اعره ان سعرها 50 اضن

او 45

نسيته و الله

فئه وحده

بس مواصفاتها حلوه و شبابيه

و تعديلك على السياره ما شا الله عجيب

الله يهنيك بالموتر

ســـــزوكــــ swift ــــي · 03:33 PM

مشكور أخوية CADILLAC على مرورك

السيارة طلعت علي مع فل بيمة بـ 45.000

وألحينه قيمتها 46.500 بس عندنا في بوظبي إلي في الوكاله ناس ونعم فيهم

سرت مرة عند الوكيل إلي في راس الخيمه حسيت إنه رافع خشمه شوي على شو مادري

وإنشاء الله في الشتاء بسوي موضوع حصري هني ( تركيب كت كامل توربو )

و السموحة منك

grandv8 · 03:39 PM

السلام عليكم ورحمةالله وبركاته

ماشاء الله

تجربة حلوة من سيارتك الخاصة

والله يعطيك خيرها ويكفيك شرها.

بخصوص السيارة

شو المشاكل واجهتك اكثر شي، بخصوص القطع الغيار متوفرة وكم تكلف على الفحص الدوري للسيارة.

صحيح الوكيل خدمتها مب لين هناك.

بسبب حكر الموتر واكيد لاتنسى محرك صغير مب لسرعات عالية

بخصو فلتر الهواء واكيد حسيت الموتر فرق وخاصة اذا عندم قير عادي

ماحولت تركب تيربو عليه.

بالتوفيق لك اخوي ونتظر جديدك ويانا

ra3y_v6 · 24-05-2007, 07:21 PM

كفيت و وفيت اخوي لكن بعض الملاحظات ..
تقدر تشوف المواضيع المطروحه في المنتدى وتقيم السياره على طريقتها وتسوي التجربه ..
يعني فقره لوسائل الراحه وفقره للتسارع وفقره للداخليه وفقره للقير .. وووو ..
طبعا ماعليك زود اخوي بدايه طيبه خصوصا انها بتجربه ..
الله يعطيك خيرها ويفيك شرها ان شاء الله ..
و اوافقك الرأي بأنها اجمل هاتش باك .. لولا محركها المتواضع كنت بقول افضل ..
لكن الغولف r32 متربعه على القمه

..
تسلم مره ثانيه وماتقصر

Mr.K H A L E D · 24-05-2007, 08:58 PM

صراحه جازلي شكلها الخارجي ...
وشكلها الداخلي مرتب...

الله يعطيك من خيرها ويكفيك شرها ..

تسلم أخوي

ســـــزوكــــ swift ــــي · 24-05-2007, 10:03 PM

اقتباس:

المشاركة الأصلية كتبت بواسطة grandv8

السلام عليكم ورحمةالله وبركاته

ماشاء الله

تجربة حلوة من سيارتك الخاصة

والله يعطيك خيرها ويكفيك شرها.

بخصوص السيارة

شو المشاكل واجهتك اكثر شي، بخصوص القطع الغيار متوفرة وكم تكلف على الفحص الدوري للسيارة.

صحيح الوكيل خدمتها مب لين هناك.

بسبب حكر الموتر واكيد لاتنسى محرك صغير مب لسرعات عالية

بخصو فلتر الهواء واكيد حسيت الموتر فرق وخاصة اذا عندم قير عادي

ماحولت تركب تيربو عليه.

بالتوفيق لك اخوي ونتظر جديدك ويانا

مشكور اخويه على مرورك و الموتر ما فيه مشاكل والحمد لله

إلى مرة وحده صادفتني مشكله ليت المكينه ولع عندي و السبب تبديل الفلتر

اما عن الوكيل في بوظبي ما فيه احلى منه قطع الغيار متوفرة في الوكاله و أغلى تشييك شيكته كان بـ 420 درهم

السيارة لو تباها قير عادي لازم تطلبها

ومشروع التيربو قريباً إنشاءالله

ســـــزوكــــ swift ــــي · 24-05-2007, 10:07 PM

اقتباس:

المشاركة الأصلية كتبت بواسطة ra3y_v8

كفيت و وفيت اخوي لكن بعض الملاحظات ..
تقدر تشوف المواضيع المطروحه في المنتدى وتقيم السياره على طريقتها وتسوي التجربه ..
يعني فقره لوسائل الراحه وفقره للتسارع وفقره للداخليه وفقره للقير .. وووو ..
طبعا ماعليك زود اخوي بدايه طيبه خصوصا انها بتجربه ..
الله يعطيك خيرها ويفيك شرها ان شاء الله ..
و اوافقك الرأي بأنها اجمل هاتش باك .. لولا محركها المتواضع كنت بقول افضل ..
لكن الغولف r32 متربعه على القمه

..
تسلم مره ثانيه وماتقصر

ياخوي مشكور على مرورك الكريم و على ملاحظاتك

ومثل ما تشوف هذي اول مشاركة لي
وآسف إذا كان مش مرتب

إنشاءالله بتشوف مواضيع أحلى قريباً

وبعد ما أركب التيربو هات الـ R32 بجرب معاك

ســـــزوكــــ swift ــــي · 24-05-2007, 10:10 PM

اقتباس:

المشاركة الأصلية كتبت بواسطة )"(*الــبرنس*)"(

صراحه جازلي شكلها الخارجي ...
وشكلها الداخلي مرتب...

الله يعطيك من خيرها ويكفيك شرها ..

تسلم أخوي

مشكور اخويه على مرورك و على ردك الجميل

والموتر يفداك هو وراعيه

شاهين · 25-05-2007, 06:16 AM

الصراحة إنك مدلع ذا الصغينونه