بما ان الصيف قرب يا اخوان ودنا نفتح موضوع دراسة اللغة في الخارج واتمنى نستفيد من جميع التجارب والخبرات .... بالنسبة لي انا درست عدة مرات في بريطانيا وهذي السنه في ادرس لكن ببلد غير .... فما رأيكم بكندا ؟؟؟ وبالذات مدينة فانكوفر ؟؟ ( اسمع الكثير يمدحونها ) ...
والكل يدلوا بدلوه ..
بالنسبة لدراسة اللغة اشوف نيوزيلاندا بدأت تنافس الدول الثانية ... خصوصا انها تسمح بدخول الخليجي بدون فيزا لمدة 3 شهور ... وتتميز بان الاسعار فيها مناسبة للخليجيين بسبب ان دخل الفرد فيها نفس دخل الفرد الخليجي عكس بريطانيا اللي معدل الدخل فيها عالي وبالتالي المعيشة غالية ....
اخوي uae speed ..
بالنسبة للجامعات ما اقدر افيدك بشئ لأني ممكن اعطيك اسامي جامعات معترف فيها هنا في السعودية ولكن في الامارات مثلا لايعترف بها او العكس ... لكن بشكل عام حاول تبتعد عن لندن قدر الامكان لأنك ان سكنت فيها ماراح تدرس ، ومليانه عرب والجامعات تكون بعيدة عن مركز المدينة والتكلفة عالية ، ممكن تروح مدينة هالل او اوكسفور او بلايموث والاخيرة يمدحون الجو فيها وانصحك ابتعد عن بورنموث ، لي اقارب صارت لهم مشاكل هناك و لطلبة خليجين كذلك ...
واهم شئ ما تطلع من الامارات الا ومعاك شهادة التوفل لأن كل الجامعات ما تقبلك الا بالتوفل وبعضها تشترط درجات عالية جدا ... انا عن نفسي لي اخ يدرس في جامعة هالل في مدينة هالل وحسب النصائح يقول لي الدراسة في بريطانيا كئيبة شوية بسبب طبيعة الانجليز وينصحني بكندا كثير ... وهذا سبب سؤالي عن مدينة فانكوفر بالذات ..
that me ...
نيوزلندا حلوة لكن يعيبها بعض الامور المهمة ، اولا الدولة باردة جدا ولي قريب ذهب الى مدينة كرايس شيرش ومدحها لكن الوقت غالبا بارد جدا ...
من ناحية ثانية الرحلة تأخذ وقت طويل ، خط سير الرحلة على الخطوط القطرية من جدة الى سنغافورة ( 9 ساعات ) ومن هناك الى نيوزلندا ( على ما اعتقد 13 ساعة ) ،، وهذا عيب كبير بالنسبة لي ،، ولايوجد فيها سفارة سعودية ولا اعتقد اي سفارة لأي دولة خليجية ..
وعلى فكرة لو تحسب التكلفة في بريطانيا او نيوزلندا مع اختلاف سعر صرف العملة وباقي العوامل بتلاقي الفرق قليل في النهاية وللعلم فتأشيرة بريطانيا تأخذها خلال يوم واحد وميزتهم ان المعاملة للعرب والسعوديين بشكل خاص ما تغيرت كثير بعد احداث 11 سبتمبر ...
بريطانيا مناسبه بس يعتمد على المكان الي بتروح له لندن اكيد غاليه ومب متعلم انجليزي عدل بس تقدر تروح مناطق ثانيه حلوه مثل ويلز
بس صدقني لو تبي تقدر تتعلم انجليزي في بلادك مب شرط تسافر وتتغرب
اخوي Uae speed تقدر تروح موقع www.ucas.ac.uk وتشوف التخصص والمكان وتقدر تشيك على مستوى الجامعه بهالموقع www.push.co.uk
اخوي الشبابي كندا رائعه كتعلم لغه وسياحه الشباب اثنين منهم الصيف الماضي واحد راح فانكوفر وواحد تورنتو طبعا تورنتو تقدر تقول جوها رائع اكثر بس فانكوفر سياحيه بحته وتورنتو تشتهر بشلالات نياجرا وغيرها كل وحده لها مميزاتها الخاصه طبعا تورنتو ارخص من فانكوفر واذا تحب استفسر لك اكثر عن المعاهد او العائلات الي راح ترتاح معاهم ويكونون محترمين انا حاضر اخوي
انا شخصيا رحت تورنتو سياحه فقط من كم سنه بس قلت لك اثنين من ربعي راحوها الصيف الماضي اخذو لغه مع سياحه خفيفه لمدة ثلاث شهور اذا تحب اجيب لك التكاليف بالتفصيل لها وبعض المعلومات انا حاضر اخوي
__________________
أتمنى الدعاء لهم وهو أضعف الإيمان بإبعاد الشر عنهم
بسم الله الرحمن الرحيم
" ولا تحسبن الذين قتلوا في سبيل الله أمواتا بل أحياء عند ربهم يرزقون "
صدق الله العظيم
مرحبا مليون اخوي الشبابي
عزيزي كندا بلاد جونااااااااااان
وبما اني ادري حاليا بامريكا محلل الفيزا الكندية رايح جيه لحد ماتنتهي فيزتي خخخخ
بصراحة تعامل ولا احلى ناس محرتمة وطيوبين مررره لكن في مناطق يتكلمون اغلبهم يتكلمون الفرنسية ومدينة ترنتو ماانصحك فيها طبعا لانها كلها سعوديين كله بوعراب طال عمرك
كندا ممتاااازة للغة ونيوزلندا برضوا بيني وبينك جبارة برضوا لكن مثل ماقلت بارد مررررررره
واذا تحتاج اي خدمة انا حاضر وموجود ..أعون وأعاون اخوي
Full Mooon ...
الله يعطيك العافية ما تقصر .. لو قررت اروح راح اسألك شوية اسئلة ...
اخوي Prince ...
شاكر لمرورك .. ما ادري ماهو انطباعك عن فانكوفر ؟؟ هل لديك اية معلومات عنها ؟؟
انا مثل ما قلت اخوي شجعني كثير عليها وانا صراحة تحمست و افكر اقدم على الفيزا من الان خصوصا ان عندي ترم صيفي ، والترم الاول من السنة الجاية ماراح احضره ... يعني راح يكون عندي فراغ حدود 3شهور ونص ..
دراسة اللغة في الخارج ........ ( دعوة للنقاش )
العرض العادي
