>



صفحة 1 من 5 12345 الأخيرةالأخيرة
النتائج 1 إلى 6 من 28
  1. #1
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي تجربة هوندا MR-V 2006


    اليوم سرت غسلت الحبيبه MR-V
    سيارتي المفصله في الشارع

    وديتها الصدف ما شا الله عليهم خللوها تلمع

    حتى من كثر التلميع ودي اقولهم خلاص طيرتو الصبغ (لازم خالد حريه الحين يعطيني فلوس عالدعايه)


    قلت بصورلكم اياها و هي تلمع و بعطيكم انطباعي عن السياره

    خاصه اني تقريبا يوميا استخدمها

    طبعا السياره تختلف اختلاف جذري عن الباجيرو

    الباجيرو ما فيه قومه و سكانه شوي ثجيل و يفتقد للمرونه
    الي مخلي سواقته سهله هو انه قصير

    الهوندا سكانها ريشه
    مرنه في المنعطفات
    قمة الثبات مع انها دفع رباعي امامي
    لكنها في الثبات ما لها مثيل
    عليها قومه ما شا الله

    رائعه بالنسبه لسيارة دفع رباعي متوسطه بمحرك 3.5 لتر

    من 0 الى 100 في 8 ثواني تقريبا

    الي ما يعجبني فيها هو وضعية الجير
    حيث اني متعود اني احط يدي على الجير يوم اسوق لكن يوم اسوقها ما اقدر
    فأضطر احط يدي ورا السكان(مصر انه يمسك الجير)

    بس بعد هذا ما يهم
    ما دامت السواقه ممتعه
    كل شي يهون

    فيها عيب واحد في الخط

    الصوت


    مب صوت الهوا!


    صوت السرعه

    يبدا من سرعة 110 و باقي السيارات 120

    ليش يعني يبدا 110

    ها السالفه ما ادري ليش قهرتني مع انها عاديه

    داخلية السياره :
    داخلية السياره من اجمل ما يكون
    ومرتبه بطريقه جميله جدا
    كراسيها مريسحه للسائق و الراكب
    و الدليل اني دايما يوم بطلع الاهل يقولولي بنطلع بها
    كرسي السائق طبعا فل كهربه كرسي الراكب عادي
    الكراسي الخلفيه تقدر تعل ظهرها و هي واسعه و مريحه لكن في داخلية السياره خاصه في الخلفمشكله عوصه في المكيف
    في الصفه الثانيه ما في مكيف الا تحت و هو دايما يضرب في ركبة الشخص اذا حد كان يالس في
    الوسط.
    و لا توجد مكيفات في السقف
    و الصفه الثالثه ما فيها مكيف ابد! ! !
    و من سلبيات السياره انك في الصيف لو كنت بتطلع طلعه ووياك يهال و اضطريت تيلسهم في الصفه الثالثه بتعاني من كثر ما يقولولك:حر

    من الخارج السياره شكلها مقبول و هي قليلا قبيحه من الخلف و لكن هذ يعكس رحابة كراسي الصفه الثالثه
    لو تقارنه بفورد اكسبورر
    افضل بالف مره

    و هي تختلف عن 2005 قليلا بشكل الاسطابات الاماميه و الخلفيه و الشبك و مصابيح الهالوجين
    و في 2007 تم اضافة قطع كروم في البمبر الخلفي و الامامي و المرايا الجانبيه و دواسات و صدام صغير و تقدر تحطي ها الاضافات في سيارتك 2006 بمبلغ 4500 درهم تقريبا


    في الرمل السياره ابد ابدا ابدا ما تنفع

    و الله كجره

    مره وقفت على جانب طريق الامارات فيها و غرزت

    و انا متعود اوقف هناك ما اغرز بالباجرو

    هوندا يوم صنعت اتقنت

    لكن ليش ما تصنع شي متكامل؟

    يعني هاذي مع ان عليها قومه قويه و خفيفه

    ما تصعد ند الصفصوف الي هو التل القديم الي فعوافي

    الباجيرو عالبراد تصعد مع ان عليها قومه وع

    بس عالعموم انا ما اهتم

    لاني لو دخلت البر بدخل بالباجيرو

    شو المشكله

    يكفي ان السياره 5 نجوم في الامان

    فيها 8 ايرباج

    شوفو السيارات المنافسه كم فيها

    الباجيرو يعتبر منافس و الاكسبلورر يعتبر منافس و الاثنين دائما اسوقهم
    كلهم فيهم 2 بس

    هوندا ابدعت بها السياره بس ناقصنها تكون جاهزه لدخول البر

    يعني انا يوم غرزت فشارع الامارات تبهدلت

    كنت واقف اصلي بس

    عالقول VTM-4 lock

    حطيته عال1 و نسمت التواير و شغلت اللوك هذا و الله يالله اطلعت

    من يومها حرمت ادخل بالسياره الرمل

    يعني الهوندا يوم انتجت سيارة دفع ربااعي انتجت فان للاسف

    لكن بشكل جيب

    كثير من الناس يوم يشوفونها من الخلف يقولون شكلها قبيح
    مع اني اجوفها عاديه




    و اعطيكم السلبيات و الايجابيات الي اجوفها في السياره من الاستعمال اليومي:

    الايجابيات:
    -كراسيها مريحه
    -رحبه من الداخل
    -سكانها خفيف
    -مرنه و تجاوبها سريع جدا
    -سعرها منافس تقريبا
    -محركها قوي و صرفيته ممتازه
    -جودة الصناعه ممتازه مع انها من امريكا
    -الامان ممتاز

    اما السلبيات:
    -عدم توفر مكيف هواء للصفه الثالثه
    -عدم مقدرة السياره على دخول ابسط المناطق الرمليه
    -شكلها شوي لك عليه
    -وضعية الجير


    بالسيارات المنافسه

    باجيرو تكلمنا نها
    اكسبلورر سياره ممتازه لكنها تفتقد لرعة الاستجابه الي في هوندا
    يعني انت تضغط هالدواسه و بعد ثانيه تستوعب السياره و تزيد السرعه

    نيسان باثفايندر ايضا سياره ممتاز لكنها افتقدت الى المرونه في آخر تعديل لها بالشكل
    و لكنها لا تزال افضل من اكسبلورر و هوندا في البر

    برادو سياره قويه في البر و لها شعبيه كبيره بسبب محركها القوي
    و هي تقريبا اكثر السيارات مبيعا في هاذي الفئه في الدوله

    هيونداي فيراكورز هي الوحيده الي ما جربتها من السيارات الي فوق
    لكن باين انها مثل الهوندا في البر لاني يوم شفتها في الوكاله ما شفت فيها دبل
    مثل الاكسبلورر و برادو و باثفايندر
    لكنها مرتبه و فيها محرك حلو 3.8 لتر
    و و تعدلت جودة هونداي فيها وايد
    و هي اول سياره تعجبني من هيونداي حتى الآن

    سعر السياره يوم اشترينها ب 118 و هي فل
    حاليا الفل 2007 ب 120 الف مع اضافات الكروم وها السوالف
    باثفايندر تقريبا تبدا من 120 الف و طالع
    برادو 4.0 بعد ما تقل عن 126 الف
    هونداي فيرا كروز الفل ب 112
    اكسبلورر تقريبا 110
    باجيرو 3.0 تقريبا 90 الف و 3.8 توصل في حدود 130 الف

    و الحين الصور تتكلم


    مقدمة السياره المهيبه و يتضح فيها مصابيح الهالوجين و الشبك الكبير و المقدمه هجوميه


    الموخره و بعض الناس لم تعجبهم.لكنها تعكس الرحابه الداخليه للسياره فالكراسي الصفه الثالثه
    واسعه لكن ما عندهم مكيف

    صوره جانبيه خلفيه


    صوره جانبيه اماميه


    اوني محترف
    خخخخخ





    التاير و الرنق


    داخية السياره هادئه و جميله
    كرسي السائق افضل من كرسي الاكورد
    من عيوب السياره انها سي دي 1 بس مب 6






    تابع
    الصور المرفقة الصور المرفقة           

  2. #2
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    باقي الصور





    اسرع شي وصلت بالسياره 210 لكن ما سويتها الا مره وحده



    و هاذي صور قديمه لها قبل ايام الباجيرو





    وهاذي صور بعد تعديل الموضوع
    صورتها بعد كتابة الموضوع بمده
    و هي اضافات الكروم في الموديل 2007 و هي بصراحه عجيبه عاللون الاسود








    اتمنى ان يكون الموضوع قد نال على اعجابكم

    و تقبلوا تحياتي

    ملاحظه:تم تعديل الموضوع و ترتيبه و تنسيقه بشكل افضل
    الصور المرفقة الصور المرفقة         

  3. #3
    Prelude 4 Life غير متصل مشرف سابق
    تاريخ التسجيل
    Jun 2006
    الدولة
    30
    المشاركات
    2,771

    افتراضي

    هالسيارة روعة....

    تحس انها صلبة صحيح وانت تسوقها... والمكينة ادائها ناعم واجد

    تسلم على الموضوع ;)

  4. #4
    الصورة الرمزية الهاوي جروب
    الهاوي جروب غير متصل مشرف سابق
    تاريخ التسجيل
    Jun 2006
    الدولة
    28
    المشاركات
    3,900

    افتراضي

    ماشاء الله يعطيك خيرها ويكفيك شرها الصراحه السياره من اروع السيارات وحرام عليك تدخل بيها البر

    كم سعرها اخوي

  5. #5
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    اقتباس المشاركة الأصلية كتبت بواسطة Prelude 4 Life مشاهدة المشاركة
    هالسيارة روعة....

    تحس انها صلبة صحيح وانت تسوقها... والمكينة ادائها ناعم واجد

    تسلم على الموضوع ;)
    كلامك صحيح

    مع ان السياره مصنوعه في امريكا لكنها تتميز بالجوده و تختلف عن بقية سيارات هوندا

    الهاوي جروب

    كنت ادخلها البر ايام المطر

    الحين لو ادخلها بتغرز 100%

    سعرها طال عمرك على هاذيج الايام ب 118 الف

    الحين اضن وصل سعرها 125 الفرق بس 2006 و 2007

    ما اضن تغير فيها شي غير ان هاي ينقال عنها 2007

    لكن 2006 تختلف عن 2005 حتى بالشكل(السطابات و الشبك و الاضائه و غيرها )

  6. #6
    الصورة الرمزية AMG
    AMG
    AMG غير متصل مراقب عام
    تاريخ التسجيل
    Jun 2006
    المشاركات
    13,173

    افتراضي

    مشكور الغالي على التجربة عموما هذي السيارة تعيش ايامها الاخيرة في انتظار الجيل الجديد

صفحة 1 من 5 12345 الأخيرةالأخيرة

المواضيع المتشابهه

  1. هوندا CR-Z Hybrid بتعديل AMS الياباني
    بواسطة AMG في المنتدى أخبار السيارات
    مشاركات: 7
    آخر مشاركة: 27-09-2010, 05:28 AM
  2. مشاركات: 14
    آخر مشاركة: 25-09-2010, 09:04 PM
  3. مطلوب : نيسان باترول 2006 الى 2009 (فتك)
    بواسطة THE PRESTIGE في المنتدى قسم البيع والشراء
    مشاركات: 2
    آخر مشاركة: 20-09-2010, 10:33 PM
  4. تجربة قيادة شفرولية سلفيرادو 2008 Chevrolet Silverado Test Drive
    بواسطة grandv8 في المنتدى تجارب السيارات
    مشاركات: 68
    آخر مشاركة: 19-03-2009, 06:03 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14