>



صفحة 1 من 4 1234 الأخيرةالأخيرة
النتائج 1 إلى 6 من 20
  1. #1
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي حصريا:تجربة فورد ايدج 2007


    بسم الله الرحمن الرحيم

    السلام عليكم و رحمة الله و بركاته

    بعد طول انتظار

    اطرح تجربتي لفورد ايدج 2007

    و السياره الي جربتها كانت باللون الي يحبه قلبكم




    احمر

    هههههه

    للاسف التجربه تمت للسياره الاقل مواصفات في الخيرات الموجوده

    اول شي ابداه بأهم شي و اكثر شي يهم الخليجيين

    و هو المكيف

    المكيف للاسف

    للاسف الشديد

    كان اسواء مما تتصورون

    مكون من 4 ارقام

    و انا حاطنه على 2 و درجة الحراره 18
    لكن يبقى مب شي

    بس الي عجبني فيه ان صوته اخف من صوت مكيف الاكسبلورر الي يطر الاذن
    مكيف الاكسبلورر ينفخ من الخاطر
    اما هاذا ينفخ على راحته
    و نصيحتي للي بيشترونها ما يطلعون فيها الظهر لاني متأكد انهم بيشغولن المكيف فل و بيهلكونه


    وضعية الجلوس على الكراسي مريحه و هي فعلا فورد

    ما شا الله كراسيها مريحه كانك يالس على موسده

    ادري اني ابالغ بس هي فعلا مريحه و واسعه جدا من داخل

    لكن الكراسي حتى في الفل وضعية تعديلها كهربائيه فقط الاسفل اما الظهر يدوي

    و التعديل كهربائي في الكرسيين الاماميين

    عالعموم ها المشكله مب مثل مشكلة المكيف

    لكن الكراسي فعلا كانت مريحه لاقصى درجه

    كل الكراسي الخلفيه و الاماميه

    راحه تامه في الجلوس
    و الكراسي الخلفيه ايضا تستطيتع طيها بالكامل مع سدح السيت الامامي لمساحه اكبر


    السياره كانت حركتها خفيفه و مرنه
    و هذا يرجع الى ان توزيع الدفع الرباعي فيها اغلبه امامي و الدفع الامامي دائما يكون مرن في المنعطفات و سريع فيها
    لكن عيبه في الخط قليل الثبات
    لككن هاذي مب دفع امامي امامي
    هاذي دفع رباعي امامي
    لكن قيادة السياره جيده
    لكن ما توصل مثل سواقة ال MR-V لكنها افضل بدرجات من شقيقتها الكبيره اكسبلورر

    استجابة السياره سريع و احسن من استجابة الاكسبلورر
    ما حسبت كم تسارعها و انا كنت مشغل المكيف

    لكن كان تسارع لا باس به
    و محركها جدا هادىء
    و صوته ناعم
    احس ان السياره تنفع للحريم اكثر من الشباب كما المورانو

    بالنسبه لابعاد السياره الخارجيه ممتازه

    صوت المسجل سيء
    و يجع ذلك بسبب ان فيها 4 سماعات بس! ! !
    طبعا 6 سي دي FM \AM و يتبدل من السكان
    لكنه قمة السوء
    عاد هاذا بيكون مزعج خاصه للي يهتمون بالصوت


    بس بصراحه السياره جدا مريحه من الداخل اريح من المورانو لكن المورانو مكيفها افضل من الفورد

    طبعا السياره عندنا ما تنزل دي في دي و نافيجيشن
    لكن لو تبغي يركبولك

    و تطلع الشاشه دي في دي و نافيجيشن كامله ب 12 الف
    قالي لو تبغي بنحاول نسولك خصم توصل ب 10 الاف
    و هي نفسها الشاشه الالصليه طبعا
    يعني تطلع الشاشه في فئة الفل اذا سوو لك فيها خصم ب 140 الف او 139 الف

    تصميم السياره رائع و في التجربه وقفتها عند مورانو و قارنت بينهم في الشكل
    كل وحده تتفوق على الثانيه بشي


    و الحين نعرض لكم مواصفات السياره

    السياره طبعا تتوفر بمحرك واحد و هو 3.5 لتر في6 يولد 286 حصان
    مع جير اوتوماتيك 6 غيارات
    طبعا فرامل 4 اقراص مع نظام ABS
    اما العجلات(الرنقات-الجنوط) فيها تتوفر برنقات المنويم مقاس 18
    اما فئة الجلد فهي ايضا المنويم 18 لكنها مصبوغه بالكروم

    بالنسبه للسلامه السياره فيها 4 ايرباج 2 امام و 2 في الخلف على الجوانب او مثل ما يسمونهم ستائر هوائيه

    هذا الي جفته

    ما ادري انا عديت صح ولا لا بس في الكتلوج مكتوب 6

    طبعا السياره ما تتوفر بمصابيح زنون


    و عندكم

    الايجابيات في السياره:
    -المقاعد مريحه جدا
    -السياره مرنه في المنعطفات
    -صوت المحرك هادئ
    -جير مكون من 6 سرعات
    -تصميم العدادات و الجير كلاسيكي و جميل
    -سقف بانوراما (في الفل)
    -مساحة تحميل الامتعه كبيره
    -منفذ لتشغيل مشغل ال MP3 في السياره

    اما السلبيت:
    -مكيف الهواء لا يبرد بالشكل المطلوب
    -صوت المذياع سيء
    -وضعية تعديل الكرسي ليست كهربائيه بالكامل(ياليت فورد كملت جميلها بها الشي)
    -عدم توفر السياره بمصابيح زنون

    السياره طبعا الي جربتها هي اقل فئه بسعر 115 الف
    اما الفل جلد و سقف بانوراما و رنقات كروم و غيرها ب 129 الف
    اما اذا بغيتها مع شاشة دي في دي و نظام ملاحه توصل في حدود 139 او 141 الف
    اما لنكولن MKX فهي فئه وحده و سعرها 155 الف درهم

    هاذي الدفعه حاليا يتوفر منها لون احمر و ابيض كريم و اسود و رمادي معدني و معدني لؤلؤي

    و قريب بتنزل دفعه جديده فيها اللون البرتقالي و الرمادي الفاتح و الكربون و غيرها

    اخيرا

    لو بتسألوني عن رايي

    باخذ اكسبلورر

    و ما يهمني سقف البانوراما
    و طبعا الناس اذواق




    و اخريا السموحه من اخوي فالكون

    لكن الوكاله ما اتصلت بي علشان اخبرك اتي تصور

    لاني مليت الانتظار و سرت و قالي الموظف السياره موجوده بس نسيت اتصلك من الشغل(ما ادري الاخ وزير و لا شو السالفه)

    و ما صورت لان مصور نفس الفئه الي جربتها من قبل داخل الوكاله

    و الحين بحط لكم الصور

    اول شي الالوان المتوفره هي:

    اميستيت داكن معدني



    كريم بروليه


    اسود



    بيوتر معدني


    لؤلؤي ديون معدني


    رمادي سايج فاتح معدني


    نحاسي معدني متوهج


    كربون معدني


    احمر ناري معدني


    و الحين الصور و اكيد بعضكم شافها من قبل




























    و اخيرا

    اسمحولي لعدم تحميل الصور من الموقع علشان الوقت

    و اتمنى ان التجربه تفيدكم
    الصور المرفقة الصور المرفقة   

  2. #2
    تاريخ التسجيل
    Jul 2006
    الدولة
    24
    المشاركات
    1,637

    افتراضي

    مشكور اخوي على التجربه الحلوه ويعطيك العافيه

    السياره حليوه اشوف صار في كلام وايد عليها شكلها حلو ولكن يوم تشوفها من قريب من وجهت نظري تكون وايد عاديه حتى المنافسين يمكن فايقينها الصراحه ابرز شي فيها شكلها الخراجي والرحابه

  3. #3
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    ماشاء الله عليك اخوي وتمت التجربة بسرعه وحلو منك كفيت ووفيت اخوي.

    بخصوص السعر مبالغ فيه جدا ، واكيد لك خيارات اخرى احسن للمواصفات والحجم ، مثل ماتفضلت بشتري اكسلبور او تاهو او يوكن او سعر مقابل حجم والسعر.

    ماادري احسن لنكولن احلى منها بالشكل والمواصفات وبعد سعرها مبالغ فيه.

    وصحيح انه محرك 6 سلندر ، واحلى مافي الموتر القير سداسي.

    مااظن للرمل واحس انه نازل وايد ويعلق.

    ونتظر جديدك بعد

  4. #4
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    اقتباس المشاركة الأصلية كتبت بواسطة الأنصاري مشاهدة المشاركة
    مشكور اخوي على التجربه الحلوه ويعطيك العافيه

    السياره حليوه اشوف صار في كلام وايد عليها شكلها حلو ولكن يوم تشوفها من قريب من وجهت نظري تكون وايد عاديه حتى المنافسين يمكن فايقينها الصراحه ابرز شي فيها شكلها الخراجي والرحابه
    فعلا هي شكلها عادي تقريبا

    لكن في زوايا يوم تشوفها منها تطلع حلوه

    لكن رحبه من الداخل

  5. #5
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    اقتباس المشاركة الأصلية كتبت بواسطة grandv8 مشاهدة المشاركة
    السلام عليكم ورحمة الله وبركاته

    ماشاء الله عليك اخوي وتمت التجربة بسرعه وحلو منك كفيت ووفيت اخوي.

    بخصوص السعر مبالغ فيه جدا ، واكيد لك خيارات اخرى احسن للمواصفات والحجم ، مثل ماتفضلت بشتري اكسلبور او تاهو او يوكن او سعر مقابل حجم والسعر.

    ماادري احسن لنكولن احلى منها بالشكل والمواصفات وبعد سعرها مبالغ فيه.

    وصحيح انه محرك 6 سلندر ، واحلى مافي الموتر القير سداسي.

    مااظن للرمل واحس انه نازل وايد ويعلق.

    ونتظر جديدك بعد
    فعلا التجربه كانت اول امس و هي سسريعه جدا

    و دققت على اهم الاشياء فيها
    اما بالنسبه للسعر استغرب ان اكسبلورر و هي من نفس الشركه و تقريبا احسن بالمواصفات
    تقاربها بالسعر و اقل بعد
    اكسبلورر تبدا من 95 الف

    بالنسبه للموتر و الجير

    الجير ما شا الله ممتاز و مريح الموتر عالاخير و مخلي اداءها هادىء جدا و جميل
    لكن ما اعتقد تنفع للرمل لان ما فيها حتى اي تجهيز خاص لهذا الشي

    و انا لو كنت مصر ابغي اخذ سياره بهذا الحجم
    الخيار الاول بيكون CR-V من هوندا
    لا مورانو و لا ايدج

    على الاقل سياره يابانيه ممتازه و سعرها جيد
    محركها صغير لكن اداءه مقارب
    و داخليتها منسقه بشكل رائع جدا(اقصد الموديل الجديد)
    و انا كنت باخذ وحده الا انها ما تنفع للبر للاسف

  6. #6
    الصورة الرمزية rami-z
    rami-z غير متصل عضو نشيط جداً
    تاريخ التسجيل
    Jul 2006
    الدولة
    ٢٧
    المشاركات
    236

    افتراضي

    يعطيك الف عافية على التقرير :)

    وضحت لي امور كثيرة
    التعديل الأخير تم بواسطة rami-z ; 11-06-2007 الساعة 01:13 PM

صفحة 1 من 4 1234 الأخيرةالأخيرة

المواضيع المتشابهه

  1. فورد تبني مصنعا للمحركات بالصين
    بواسطة روح زايد في المنتدى أخبار السيارات
    مشاركات: 2
    آخر مشاركة: 27-09-2010, 05:22 AM
  2. فورد فييستا ST + فورد تختبر محركين ECOBOOST جديدين
    بواسطة غريب السيف في المنتدى أخبار السيارات
    مشاركات: 3
    آخر مشاركة: 22-09-2010, 12:39 PM
  3. رسمياً فورد تكشف عن رابتر 4 ابواب SuperCrew
    بواسطة kuwait في المنتدى أخبار السيارات
    مشاركات: 9
    آخر مشاركة: 04-09-2010, 10:51 AM
  4. تقديرا لها أول RS500 رقم PR001 إلى متحف فورد للتراث
    بواسطة Patrol 5.6 VVEL في المنتدى قسم السيارات العام
    مشاركات: 4
    آخر مشاركة: 28-08-2010, 07:42 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14