السلام عليكم ورحمه الله وبركاته ..
كيف الحال اخواني ان شاء الله طيبين ..
اليوم كانت لي زياره في وكاله الرستماني وزيارتي كانت بالذات عن الانفينيتي g35 سيدان مثل ماتعرفون نزل الشكل اليديد ومالها حس بالمره في الشوارع وهذا السبب الي محيرني بصراحه ..
اولا انطباعي عن الوكاله كان سيء جدا التعامل سيء جدا جدا .. لدرجه انه الموظف يحك راسه ويتصدد يمين ويسار وينش ييب لي كاتلوج وشوي وفر في ويهي ورقه فيها مواصفات السياره ..سألته خير شكلك زهقان ولا شي !
لو اني واحد ماعرف شي عن هذي السياره والمواصفات الي فيها كنت طلعت وتوجهت لوكاله اللكزس الي اتوقع فيها التعامل احسن بوايد !!!!
طبعا السياره واصله من كم شهر ومبيعاتها على كلام الموظف انها ماشيه تمام و الطلب الكبير على اللون الابيض بالذات ..وانا عاجبني اللون الاحمر ..
فيه معلومه حلوه راح تحبونها يمكن اغلبكم يعرفها عن وكاله الرستماني ... السيارات معضمها زايدينها بحدود ال 20 الى 30 حصان !!!!! .. الانفينيتي مثل ماقالي الاخ انها 327 حصان خلونا نقول 330 حصان .. زياده مب طبيعيه وعلى هذا البدي البسيط الي تسارعه 5.4 تقريبا وهي 307 حصان كم بتكون ويا 327 حصان !!!
طبعا الكل عارف انها 6 سلندر ...3.5 لتر ..
الالوان الداخليه المتوفره هي البيج والاسود .. طبعا الداخليتين تتوفران على كلام السيلز مان بالخشب الكروم مش موجود عندنا في الوكاله ..
يتطلب طلب السياره باللون الاحمر تقريبا شهر ونص ... اللون الاسود شهرين .. واللون الابيض المده غير معروفه بسبب كثر الطلب عليها !!! ..
تبادلنا الحديث عن السياره وهل اذا ممكن اني اظيف عليها مواصفات اكثر قالي اذا زادت تقدر تضيف عليها بلوتوث فقطططططططط !!
مواصفاتها معقوله مثل ماتعرفون .. شاشه ملونه ونافيقشين ، mp3 player ، تبديل قير بطريقه الفورميلا والله ماعرف الاسم بالضبط ! المقاعد لها 8 وضعيات لتبديلها .. طبعا المواصفات الي لقيتها في الكاتلوج عباره عن صفحه كامله ولا تحصى ولا تعد وانا ذكرت اهمها ..

السعر .. 133 الف درهم غير قابله للخصم.. نقدر نقول منافسه قويه للكزس is300 ذات ال 228 حصان فقط والمواصفات حدث ولا حرج والسعر 140 الف وفوق !!
وكثير من السيارات مثل الساب ايرو والاودي ايه فور و ووو .. الي حتى لو تفوقت بعض السياره عليها في الراحه او الفخامه الداخليه الا اني ما اتوقع انها تتفوق عليها في قوه المحرك الجبار ذو ال 330 حصان ! ..

هذا تقرير مبسط وان شاء الله لي زياره اخرى لوكاله الرستماني وبحاول اتجنب بو الشباب اللطيف الي ماقصر معانا ..

و أي سؤال نحن حاظرين ..
تحياتي

__________________

اللكزس وصل سعرها "امس" في البحرين صار 150 ألف !

و الإنفنتي من أول ما نزلت إلى الآن نفس السعر = 145 ألف السيدان ، و 155 الكوبيه

الكوبيه باللون الأحمر خطير

__________________

تسلم بو الوليد على هالتقرير البسيط

الصراحة كتبت أكثر من اللي قالة فوزي هذا ما أدري شو كان اسمه
و الموتر الصراحة رووووعة

و التقرير قريب إن شاء الله

__________________





My WebSite: http://ammar.drop.ae

BTW :

__________________

عندنا ب 133 الف والمواصفات كامله تمام ..

حياك الله عمار وان شاء الله التقرير قريب

__________________

السياره ليست منافسه للكزس IS300

منافسه اكثر ل ES350

بس بعد انا اجوفها متفوقه

يكفي انها دفع خلفي و اللكزس دفع امامي

و انا ما احب الاحمر

احب لون دم الغزال الي هو الاحمر لكه يميل للعنابي شوي

و شكرا عالموضوع

بعد ها السياره حلمت اني اسووقها مره! ! !

خخخخخ

بس الي سقتها كانت كوبيه

__________________

http://uaexlr.googlepages.com/home

مشكور أخوي اصبر عليها كم شهر بتشوفها ملينا الشوراع

IS
أخوي ES أكبر ججم من الـ G35 .... الـ G35 منافس قوي للـ IS300

__________________

حياكم الله شباب ..
اخوي جراند بخصوص التقرير هذا تقرير مبسط تقدر تقول مقدمه عن الموضوع الي نشتغل فيه انا واخويه فيراري اينزو .. وان شاء الله لكم المفاجأه الحلوه ..
بخصوص الشكل كننا مستفرين واشكالنا لا بأس بها يعني
يمكن لانه كان شكلنا مب جاد لكن فيه حد منا جاد في الموضوع ان شاء الله ..
انتظروا مني التقرير المفصل ان شاء الله

وسبق اني عملت موضوع عن البيجو 1007 يعني عندي خبره سابقه

__________________

اخوي انت متأكد انها تتوفر بنظام ملاحه؟؟؟؟؟؟؟
لاني رحت مرة الوكالة وقالوا فل اوبشن مايتوفر فيه نظام ملاحه ..واونه المواصفات يقررها المصنع وليس الوكيل ..وهم ما يقدرون يطلبونها بنظام ملاحه

__________________