بسم الله الرحمن الرحيم

حبيت اعرض بعد التعديلات الجديده على اجريتها على سيارتي على شكل تجربه

طبعا التجربه بتكون على الجيل الجديد من مسجلات JVC سبق عرضت تجربه على الشاشه القديمه ولكن يوم نزلت الشاشه الجديده ما قاومت اني اشتريها

تجربة مسجل jvc وجهاز جارمين GVN 52

طبعا المميزات الي كانت في الشاشه القديمه موجوده في الجديده ولكن في تغيرات كبيره في الموديل الجديد

المميزات القديمه
قدره وضع كرت SD لعرض الصور والصوتيات
قدره توصيل جهاز ال I-POD
قدره اظافه كاميره خلفيه او اي جهاز توصيل مثال نظام ملاحة جارمين

الجيل الجديد يشمل جميع مميزات القديم مع تطورات ابرزها
الشاشه صارت انحف واكبر 7 انج عكس القديم 6.5
صارت بنظام متطور بالمس مميز جدا
منيو جديد وجميل
صار في فتحتين في الخلف وحده خاصه للكيمره وفتحه خاصه لنظام الملاحه
فتحه USB تقدر تعرض عليها افلام او صوتيات او صور
نظام بث القنوات الإذاعيه التلفزيون (( بس مو مسجلي في نوعين الفرق بينهم نظام التلفزيون))
نظام بلوتوث للسياره

طبعا هذه الصور تبرز المنيو الأساسي اختيار الراديو واختيار السي دي و الكرت وUSB و I-POD و المكالمات الجوال و صوتيات الجوال واخيرا التوصيل الإضافي


طريقة عرض الراديو مميزه جدا حيث يعرض لك المحطات مع اساميهم وتلمسهم وتتنقل لهم


المنيو الداخلي حيث تعديل الألوان والثيمات وما الى ذالك


فتحات التوصيل سواء ال I-POD او USB ((في درج السياره))


عرض نظام الملاحه مميز حيث تقدر تستمع للراديو او السي دي وتغير فيهم وانت عارض نظام الملاحه


بالنسبه للبلوتوث مع تلفوني السوني اركسون اقدر اعرض المسجات على الشاشه اقدر اقبل المكالمات من الشاشه اعرض دليل الهاتف اتصل صوتا اقدر اعرض صوتيات التلفون على الشاشه واسمعها باختصار اتصال التلفون على الشاشه يخليك تتحكم في كل التلفون بدون ماتلمسه




يعني هاي كل الي اقدر اقوله عن المسجل بالنسبه لسعره فهو 2700 ريال وقطعه البلوتوث ب500 ريال كل قطع الجي في سي مضمونه لمده سنه الشاشه المزودخ بتلفزيون سعرها 3300 ريال

بالنسبه للتعديلات الإضافيه ركبت الأندر كوت من فته من زيبارت واشيد فيه

واضيا غيرت التواير الي جود هير حصلت عرض حلو اشتري ثلاث تواير والرابع مجاني التواير تصنيع الماني تتحمل سرعه 220 وسعر التاير 660 اضافه الى اني حصلت على عرض من محل كيو تاير حيث حصلت على بطاقه ضمان من جود هير مع ترصيص ورودات مجانيه حتى تتلف الإطارات
الضمانات الي عندي من جود هير وزيبارت وضمان البطاريه

اتمنى ان الموضوع نال رضاكم

الصور المصغرة للصور المرفقة

         

         

صورة السياره

الصور المصغرة للصور المرفقة

 

ما شاء الله مبروك على الشاشة اليديده.

مواصفاتها حلوة بصراحه ، أفضل من الشاشه القديمه وخصوصا شكل المنيو المرتب.

الموضوع مثبت.

__________________

ما شا الله

حلوه الشاشه

بس في حد جربها او هل هي مناسبه للنيسان بترول 2006؟

في واحد من الشباب عنده نيسان يبغي شاشه بس مثل الاصليه

و الله يخليلك موترك

ما شا الله شكله نظيف

بس يباله تسعميات (بوالين)

__________________

http://uaexlr.googlepages.com/home


مسابقة التصميم 2008

الله يبارك في حياتك اخوي وشاكر لك المورو والتثبيت

الشاشه جديده وعليها اقبال كبير لدرجه انها نفذت من المحلات والشركه

بالنسبه هل تركب على الباترول فالجواب نعم وعادي تضبط لأن اطراف الشاشه صغيره والشاشه كبيره في الاند كروزر الفتحه صارت اكبر فلازم تحط قطع على الأطراف عشان جي شوي المسجل باين طالع وفي محلات تضبطها تفصل قواعد بس انا فضلت يكون شوي بارز لأن طبلون الكروزر الجديد شوي على فوق

والله يبارك فيك وشاكر مرورك بالنسبه للبالون وايد حنو علي ربعي بس صعب استغني عن الثبات والأمان في مقابل الشكل

__________________

اول شي بخصوص النفجيشن هو جهاز جارمين مثل الي في الموضوع الأول ويتوصل على اي شاشه وتقدر تحدثه بطريقتين عن طريق كرت ممري او توصيله بالكمبيوتر وهو فيه خريطه لكل دول الخليج

بخصوص زيبارت سويت عندهم خدمه الطبقه الي تحمي السياره من تحت

البلوتوث الي في الشاشه هو خاص من جي في سي واذا كان قصدك الي في الموضوع الأول فعادي يتوصل على اي تلفون فيه بلوتوث والإثنين تقدر تشبك عليهم 5 تلفونات

ومشكور على هذه الطله الحلوه

خوش سستم كم سي دي يشيل وبكم طلع عليك مع النفجيشن

يشيل سي دي واحد بس نظرا ان عندك اليو اس بي والكرت واي بود فماراح تحتاج اكثر وتقدر تحط كل الصوتيات في سي دي ((دي في دي)) وتحط فوق 1000 مقطع

الجارمين في قطر حق الشاشات 2100 ريال تقريبا
والمسجل 2700
والبلوتوث ب500