تجربة مرسيدس CLS 350 (حصريا) - الصفحة 3

راعي الرنج · 25-06-2007, 07:22 PM

مشكور أخوي على الموضوع

السعر وايد مبالغ فيه ولو انه السياره جميله بس بسعرها بشتريلي سياره محركها اكبر عن المحرك الموجود فيها

محبكم ومغليكم · 25-06-2007, 09:00 PM

ماشاء الله جهد رائع والسيارة أكثر من رائعة من ناحية التصميم الغريب والغامض والذي يوحي بالقوة

Sayedco · 26-06-2007, 03:04 AM

تجربة موفقة ، بس مادري ليش هالزمن الناس ليش ينسون ثلاث أشياء

1- فيديو التسارع
2-ال RPM على سرعة 100 و 120
3- الأنظمة الخاصة بالسيارة مثل السبيدترونيك و باقي التكنولوجيا

بس تجربة حلوة خفيفة مشكور عبد الله

Mr.Cayenne Turbo · 26-06-2007, 04:42 PM

مشكووووور الغالي عالتجربه الحلوووه

وبصراحه السياره كل شي فيها حلوووو الا السعر وايد مرتفع بشكل مبالغ فيه..

وفي انتظار جديدك

Black Knight · 26-06-2007, 10:40 PM

مشكور اخوي على التجربه الحلوه
وانا احس انه قيمة السياره مبالغ فيه بشكل كبير يعني اعتقد انه يستحق 280 الى 260 الف درهم

uae speed · 28-06-2007, 11:50 AM

اقتباس:

المشاركة الأصلية كتبت بواسطة grandv8

السلام عليكم ورحمة الله وبركاته

ماشاء الله عليك اخيو بوحميد

بخصوص شك الموتر انا مادخلت راسي موول ، وماحبيتها.

والسيارة مانزلت وشكله اصبحت قديمة.

وحتى بالشوارع ماتحصل وايد.

والسعر وكالة قرقاش ، مسوين قرقشة بجيب كل واحد ويدفع

وعليكم السلام ، معاك حق بوجاسم السعر غالي جدا.
بس من ناحية الشكل أخالفك الرأي ، شكلها ممتاز بصراحه.
حياك الله.

اقتباس:

المشاركة الأصلية كتبت بواسطة الهاوي جروب

اخوي في صور مااشتغلت في اول كتابة الموضوع ارجوا تعديلها لأرد بسكينة ووقار خخخخخخخخخخ

لووول ترى عدلت الصور 3 مرات ، شوف الحين واتاكد

اقتباس:

المشاركة الأصلية كتبت بواسطة الزعيم

يعطيك العافية أخوي عبدالله تجربة موفقة

أنا جالس أقرا الموضوع وكل شي في السيارة عاجبني وحتى شكلها الخارجي يعجبني أحس فيه تميز .... السيارة رائعة بمعنى الكلمة

بس لما وصلت للسعر صار وجهي مثل أبو الشباب >>>>

بصراحة السعر وااااااااااااايد

بس ياخي صرف البترول عجيييييييييب بس 10 لتر كل 100 كلم

والله ياخي الكامري اللي عندي 4 سلندر تصرف أكثر

هلا والله زعيمنا المفدى، صرفية البترول حلوة ، بس يقولون التانكي صغير .

اقتباس:

المشاركة الأصلية كتبت بواسطة ولد الشارجة

هالسياره الوحيده اللي تعيبني من مرسيدس بعد الcl اليديد

لكن بهالسعر اشتري بي ام الفئه السابعه فرق السما والارض

الcls500 كم سعرها عيل 700 الف ؟

الف شكر لك اخوي عبد الله على هالتقرير الغاوي ومره ثانيه صور فيديو

الـ CLS 500 سعرها تقربيا 450 الف درهم .
وتراني صورت فيديو بس طلع أي شي، ما يستاهل اني أحطه.

اقتباس:

المشاركة الأصلية كتبت بواسطة )"(*الــبرنس*)"(

الله يعطيك الف عافيه ...على التجربه الرااااائعه منك

بس حبيت اسئل ...الفئه هذي اصغر مقاس...وهل تأتي السياره بــ مقاس 500

تقبل مروري مره اخرى

نعم أخوي تنزل بفئة 350 و 500 و 63 AMG

اقتباس:

المشاركة الأصلية كتبت بواسطة الزرعوني

تسلــــــــــم يا بو العبد ع التقرير الرائع

و بصراحه انا من محبي البي ام بس عيبني هالموتر وايد و خاصه يوم اييك عليه زوايد AMG

هلا بوشهاب، طبعا ً فئة AMG أحلى من ناحية الرنقات والشكل، ولا تنسى القوة

اقتباس:

المشاركة الأصلية كتبت بواسطة راعي الرنج

مشكور أخوي على الموضوع

السعر وايد مبالغ فيه ولو انه السياره جميله بس بسعرها بشتريلي سياره محركها اكبر عن المحرك الموجود فيها

الناس يشترون الأسم أخوي ( مرسيدس )
الماركه تلعب دور في السوق.

اقتباس:

المشاركة الأصلية كتبت بواسطة محبكم ومغليكم

ماشاء الله جهد رائع والسيارة أكثر من رائعة من ناحية التصميم الغريب والغامض والذي يوحي بالقوة

شكرا لك عزيزي

اقتباس:

المشاركة الأصلية كتبت بواسطة Sayedco

تجربة موفقة ، بس مادري ليش هالزمن الناس ليش ينسون ثلاث أشياء

1- فيديو التسارع
2-ال RPM على سرعة 100 و 120
3- الأنظمة الخاصة بالسيارة مثل السبيدترونيك و باقي التكنولوجيا

بس تجربة حلوة خفيفة مشكور عبد الله

حياك سيد، للأسف ما قدرت أصور تسارع السيارة بسبب وجود المندوب.
اذا كنت بروحي في الموتر وعندي وقت طويل، جان سويت لكم فيديو كليب وفلم كامل
شكرا سيد .

اقتباس:

المشاركة الأصلية كتبت بواسطة Mr.Cayenne Turbo

مشكووووور الغالي عالتجربه الحلوووه

وبصراحه السياره كل شي فيها حلوووو الا السعر وايد مرتفع بشكل مبالغ فيه..

وفي انتظار جديدك

شكرا لك أخوي

اقتباس:

المشاركة الأصلية كتبت بواسطة Black Knight

مشكور اخوي على التجربه الحلوه
وانا احس انه قيمة السياره مبالغ فيه بشكل كبير يعني اعتقد انه يستحق 280 الى 260 الف درهم

معاك حق، والسعر الي ذكرته هو المعقول.
شكرا لك.

ZSpeed · 03-07-2007, 12:35 AM

يعطيك الف عافية على التجربة اخوي

بالنسبة للسعر صحيح غالي لكن السيارة شكلها مميز جدا وسبور في نفس الوقت

وفيها اكثر من ميزة تغنيك عن غلاوة السعر

MKM · 03-07-2007, 10:59 AM

ماشاء الله تجربه روعه

وسياره بمنتهى الروعه

وصاحب التجربه انسان مبدع

الله يعطيك 0 0 0 0 0 0 1 مليون عافيه ياعبدالله

والله مايحرمنا من تجاربك الحلوه ..

تقبل مروري

PORSCHE · 03-07-2007, 04:27 PM

تسلم ايدك على التجربه الروعه

والسعر حيل مبالغ فيه واقدر اشتري اودي او باسات فل اوبشن وفيها مواصفات اكثر من هاذي

انا بشكل عام ما احب المرسيدس وافضل البي ام + الشركتين اللي ذكرتهم فوق لان اسعارهم معقوله جدا عالميا

مؤيد اف1 · 07-07-2007, 11:44 PM

مشكور اخوي على الجربة والتصوير الرائعين..

بس حبيت اعلق على مساحة السياره من الداخل...السياره تعتبر كوبيه رغم انها 4 ابواب فيعني السياره مساحتها اكثر من ممتازة رغم انها كوبيه..

تحياتي