>



مشاهدة نتائج الإستطلاع: هل انت راضي عن الفحص الفني للسيارات؟ مع ذكر السبب؟

المصوتون
7. أنت لم تصوت في هذا الإستطلاع
  • نعم

    5 71.43%
  • لا

    2 28.57%
صفحة 1 من 2 12 الأخيرةالأخيرة
النتائج 1 إلى 6 من 11
  1. #1
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    Thumbs down الفحص الفني للسيارات في دبي(تقرير + صور)!؟


    السلام عليكم ورحمة الله وبركاته

    معروف الفحص الفني للسيارات موجودة اول مابدأت عن الشرطة وخاصة مركز بردبي وديرة.

    وبعد فترة طويلة تم الغائها ، وفتح مراكز الفحص الفني في محطة بترول ايبكو.

    وبدايتها كانت زحمة والوضع غير مرتب وشكاوي الناس والوقوف بالساعات والانتظار وغيرها.

    وبعد ان استملت هيئة الطرق والمواصلات من العام تقريبا زمام امور الفحص للسيارات.

    تغيرت شوي ولكن سرعة انجاز وفحص المركبة بعدها في تاخر كثير.

    خاصة من فحص المركبة وفي مكان المخصص للفحص، او داخل المكتب لاانجاز معاملتك.

    اليوم رحت عشان افحص سيارتي شفرولية سلفرادو دبل اطار ، ووقفت عند البوابة قبل فحص للمركبة ومركز الفحص هذا منطقة البرشاء في دبي.

    وقام باادخال المعاملة للملكية وقال وقف اي مدخل للفحص ، ووقفت تقريبا من ساعه 1.25 دقيقة الظهر الى 1.55 ، وقام الفاحص ليفحص السيارة وعندما وضع الاطار الخلفي ، قال لي مايستوي وسيارتك اطارها كبير ولازم تسير العوير.

    ليش ماخبرتوني او الذي ادخل البيانات ان سيارتك مانقدر نفحصها عندنا وعشان مااوقف بالدور.

    وتحركت ورحت البيت ومن ارتحت وطلعت على الطول الى العوير، ووصلت مركز ايبكو هناك بجنب معارض السيارات المستعملة التابعه لبلدية دبي.

    قالي روح داخل ودخلت وبعد شوي نادي العامل ، وقال بعد مايستوي على الجهاز وروح مكان آخر.

    وقلت وين اروح مكان آخر ، شو تتمصخرون مع الناس.

    مركز فحص للشاحنات قريب من مركز التنين الصيني.

    ورحت ادور المكان ولين وصلت لمكان تكرير مياه المجاري، وحصلت محطة ايبكو وفحص خاص للشاحنات وكلها شاحنات وسيارات بيك اب.

    انتظرت طويل لين وصل دوري للفاحص ، يعني انتظرت اكثر من 45 دقيقة.

    نزلت من السيارة والجو كان حار وجاف وهذا على وقت صلاة العصر تقريبا.

    وفحص السيارة بالكامل ، وقال لي خذ السيارة وروح داخل على الكاونتر رقم 1.

    رحت داخل وانتظرت حوالي 35 دقيقة وخلاص وانا منتهي وتعبان ، ورحت وقمت وقلت له ماوصل نتيجة الفحص ، وقال نعم والسيارة نجحت بالفحص ودفعت 50 درهم ، وكل المشوار عشان فحص بـ 50 درهم.

    ورحت استفسر عن التأمين قال كم سعر ضد الغير وقالي 880 درهم
    وقلت ليش ، انا العام مسوي التامين شامل والحمد الله مافي اي حوادث ولازم تقدر.

    وبعدها قلت خلاص انا كنت ابغي اخلص ، وقلت له توكل على الله سوي ضد الغير ، وقال لي وين ليسن( الرخصة) ، قلت السيارة بااسم اخوي ، وقال لازم مااقدر اسوي لك تأمين.

    يامصيبة ونزلت عليه شوي ، وقلت شركات التأمبن ماكل كل شي ، وانت بعد ضعيف والمدار كلهم صايرين نفس الدب وشبعانين . وضحك الموظف.

    والمكان لهئية الطرق والمواصلات المخصص للشاحنات تقول فوضى ، وكله باكستانيين وسيخ وهنود اصحاب الشحنات وشغل الموظفين بطئيين جدا

    وهذه الصور؟

    وحبيت انزل الموضوع نتناقش بخصوص مراكز الفحص للسيارات ، بصراحة مركز الفحص لمحطات الامارات اسرع وانظم وارتب واكثر من ايبكو

    وهذه الصور لمركز الفحص بالبرشاء والثانية المخصصة للشاحنات



















    يتبع اخواني الكرام
    الصور المرفقة الصور المرفقة          

  2. #2
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    تابع الصور للفحص الفني ، الفحص الفني للشاحنات ( صور)







    ونتظر مشاركاتكم ومناقشتكم للموضوع.
    الصور المرفقة الصور المرفقة    

  3. #3
    الصورة الرمزية UAE SPEED
    UAE SPEED غير متصل مراقب عام
    تاريخ التسجيل
    Jun 2006
    المشاركات
    6,436

    افتراضي

    موضوع ممتاز بصراحه لأن الفحص الفني عليه كلام كبير!

    بس اذا بغيت الصراحه يا بوجاسم تراهم منظمين الفحص والاجراءات، يعني قبل لا يسوون نظام تسجيل في المحطات، كانت السالفه فوضى وتأخير وعدم اهتمام!

    بس الحين أشوفهم اختصروا اجراءات التسجيل والفحص، بس الشي الوحيد هو الازدحام اللي كلنا نعرفه، يعني تنتظر دورك أول شي في الفحص، وبعدين تدخل داخل وتسحب ورقة وتنتظر دورك بعد عشان تكمل تسجيل السيارة وتستلم الملكية والأرقام، أما الاجراءات ماشي أسهل منها.

    بس لو ماشي زحمه صدقني كلها نص ساعه وانت مخلص الفحص والتسجيل والتأمين.
    وأفضل وقت انك تسير الصبح قبل الساعه 9 أول ما يفتحون، على طول بتخلص :)

    شكرا بوجاسم.

  4. #4
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    اقتباس المشاركة الأصلية كتبت بواسطة uae speed مشاهدة المشاركة
    موضوع ممتاز بصراحه لأن الفحص الفني عليه كلام كبير!

    بس اذا بغيت الصراحه يا بوجاسم تراهم منظمين الفحص والاجراءات، يعني قبل لا يسوون نظام تسجيل في المحطات، كانت السالفه فوضى وتأخير وعدم اهتمام!

    بس الحين أشوفهم اختصروا اجراءات التسجيل والفحص، بس الشي الوحيد هو الازدحام اللي كلنا نعرفه، يعني تنتظر دورك أول شي في الفحص، وبعدين تدخل داخل وتسحب ورقة وتنتظر دورك بعد عشان تكمل تسجيل السيارة وتستلم الملكية والأرقام، أما الاجراءات ماشي أسهل منها.

    بس لو ماشي زحمه صدقني كلها نص ساعه وانت مخلص الفحص والتسجيل والتأمين.
    وأفضل وقت انك تسير الصبح قبل الساعه 9 أول ما يفتحون، على طول بتخلص :)

    شكرا بوجاسم.
    معرسنا الجديد

    بخصوص الفحص يتأخرون وايد
    اما داخل شغلهم سريع صاير صح.

    بس التنظيم بعده شو متخلف.

    انت روح جرب الفحص الفني لمحطة الامارات ، وحاطين كاميرة وتلفزيون بصالة الجلوس للعملاء ويجفون كل واحد سيارته شو يسون فيه.

    تنظيهم حلو، وبس ماعندهم مصنع الارقام.

    حياك الله

  5. #5
    الصورة الرمزية BahrainLove
    BahrainLove غير متصل عضو نشيط
    تاريخ التسجيل
    Jun 2006
    الدولة
    البحرين
    المشاركات
    174

    افتراضي

    احنا اذا السيارة عمرها أقل من 10 سنوات يكون الفحص سهل وما ياخذ ربع ساعة والتسجيل في مكاتب البريد

  6. #6
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    افتراضي

    و ليش ما سويت الفحص في ايبكو الشارجه و كملت الاجرائات في دبي ;)

    روح ع الساعه 2 بتلاقي عدد قليل جدآ من السيارات

    2 ولا 3 و بس


    و هم ياخذون السياره اول ما توصل و يودونه الفحص و ييبولك اياه للباركات .. انت اللي عليك تدخل داخل و تنتظر نتيجه الفحص و تاخذ الورقه و كملها في دبي ;)

صفحة 1 من 2 12 الأخيرةالأخيرة

المواضيع المتشابهه

  1. مشاركات: 0
    آخر مشاركة: 08-09-2010, 01:27 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14