اقتباس:
المشاركة الأصلية كتبت بواسطة grandv8
هلا اخوي ماخبرتنا شو المشاكل وهل محرك 6 سلندر ولا 4 سلندر.
عطنا نبذة عن المشكلة اخوي ونحن بموضوع حواري واحبين نأخذ معلومة ومن اي ولاية امريكية تقريبا اشتريت السيارة من هناك.
جزاك الله خير والله يعينك على المشكلة |
هلا عمي grandv8
طال عمرك السيارة 4 سلندر
اشترينها من معرض سيارات مستعمله
في عمان بس قدرت أعرف منو الوكيل
اللي المالك الاول الامريكي اشترى من
عنده السياره عن طريق جولاتي بالنت
و طلع هذا عنوان الوكيل :
Schaefer & Strohminger Honda Bel Air
1800a Bel Air Rd
Fallston , MD 21047-2726
(410)893-0600
نروح للمشاكل
المشكله الاولى :
على كلام راعي المعرض و احنا نتفحص
السياره قبل لا نشتريها قال انه فيها حادث
قلنا ما عليه هذا شي متوقع .
جربنا السياره شفناها اوكي
طبعا لاننا بحاجه ماسة لسيارة
بالبيت اضطرينا نشتري السياره
صاحبها اللي مشتري السياره
من الامارات على ما اظن دخلها
الوكاله للتشييك و خذ قائمة
بالقطع اللي يحتاج تبديلها او
تصليحها . طلعت التكلفة في
حدود 5 ألالاف درهم و يمكن
أكثر .
هذه أقل و مقدور عليها
المشكله الثانية و الاهم
الهرن بالسياره مره شغال
و مره مو شغال شالسالفه
اكتشفت انا و الوالد ان السياره
حادثها قوي و الدليل في قطعة
ورا المقود بالضبط على شكل
كيبل هذا الله يسلمك يشغل
الهرن و الكروز كنترول و الايرباج
طلع ملعون حاله تصليح شغل
بنجاليه في صناعية الشارقة يمكن.
لحام الوايرات بالرصاص و هذا أصلا
ما ينفع لازم تبديل الكيبل .
سألنا عن القطعه طلعت تكلف
حدود ألف درهم .
بشكل مؤقت عابلنا بالسيارة
انا والوالد و سوينا هرن مؤقت
لين ما ندخلها الوكاله للتصليح
تصدق ليومك هذا السياره
الايرباج فيها ما يشتغل .
و المشكله الثانيه :
المحرك يقوم يتنافض
عليك بين فترة و فترة
تقول واحد روحه بتطلع
ولا فيه صرع .
يعني بشكل عام هذه
هي المشاكل اللي واجهناها
انا اللي فهمته من واحد من الشباب
يقول السيارة توصل الشارقة على
حالتها و تتصلح هناك و بعدين تعرض
للبيع .
عاد اعذرني طولت عليك
السيارات المستوردة المستعملة والمصدومة والفيضانات من امريكا للخليج (تقرير + صور)
العرض العادي
