كيف اعرف الرام المناسب لجهازي؟ - الصفحة 3

Silver · 24-07-2007, 12:25 AM

كان سألت المحل ايش كانت المشكلة بالظبط ... علشان تقدر تتفاداها في المستقبل!!!

على فكرة سعر الرام حلو واجد في الموقع إلي فوق سعره 85$ (319 ريال) وبدون شحن ... عندك فكرة كم سعر الـ Kingston HyperX DD2 1GB عندكم ؟

ومبروك عليك الرامات

uae speed · 24-07-2007, 06:14 PM

سألته وقال لي التركيب غلط.

بخصوص سعر الـ DDR 2 تقريبا 180 درهم.

تصدق اني اكتشفت حركة من اصحاب المحلات!
يوم تسألهم عن قطعه معينه وما تكون متوفره عنده، يتصل في محل ثاني قريب منه ويستفسر عن السعر واذا لقاها بسعر حلو يقولك ايوا متوفر دقيقه بجيبه لك، يعني كأنه رايح المخزن يجيب القطعه
بس هو رايح المحل الثاني يشتريها!!

يطلع من محله ويروح المحل الثاني ويشتري القطعه ويرجع يبيع القطعه لك بسعر أعلى!

صارت لي السالفه بس جكيتهم

كل ما أدخل محل أشوفهم يتصلون ويسألون عن السعر.
طبعا ً يتكلمون هندي وانا افهم عليهم شوي بحكم الخبره لووول

وطبعا بعد ما لفيت كل المحلات، اكتشفت ان اسعارهم تتراوح بين 350 او 310.
بالتالي عرفت الاسعار بشكل عام في السوق.
وبدل لا أشتري الرام بـ 350 درهم لقيته في المحل الثاني بـ 310 دراهم وخفضت السعر الى 290 درهم، يعني 60 درهم فرق مب شوي!

اسف على الاطاله.

الهاوي جروب · 24-07-2007, 07:46 PM

مبروك تبغا نصيحتي فك الرام القديمه 256 وركب رام ثانيه نفس التردد كنج استون ولا خلي الجديد بروحه عشان تتفادى المشاكل والتعليقات ورايل الخطأ من تعدد انواع الرامات واختلاف سرعاتهم والله الموفق

uae speed · 24-07-2007, 10:54 PM

اقتباس:

المشاركة الأصلية كتبت بواسطة الهاوي جروب

مبروك تبغا نصيحتي فك الرام القديمه 256 وركب رام ثانيه نفس التردد كنج استون ولا خلي الجديد بروحه عشان تتفادى المشاكل والتعليقات ورايل الخطأ من تعدد انواع الرامات واختلاف سرعاتهم والله الموفق

أكيد ان شاء الله، وبعد ناوي آخذ كرت شاشة 8800 الترا بس مخلص من السوق، حتى في شرف دي جي ما عندهم اللي هو يعتبر أكبر محل الكترونيات في الامارات.

سعره 1800 درهم على كلام الموظف هناك.

ERT · 02:20 AM

مبروك , شكلي بشتري كمبيوتر يديد مجمع حق الالعاب شغل صح كل القطع بطلبها من Amazon

الهاوي جروب · 25-07-2007, 02:11 AM

ممتاز الله يرزقك ويزيدك

Silver · 25-07-2007, 07:26 AM

uae speed
معاك حق ... حتى المحلات إلي هنا الهنود إلي فيها يسوون نفس الحركة يكلم بالتلفون والمحل إلي يبيع القطعة لاصق في محله

بالنسبة لكرت الفيديو ... فما اظن إنك راح تلقى 8800Ultra بـ 1800 درهم لأن أسعارهم مو أقل من 600$ فتأكد من الشركة المصنعة للكرت ... لأن بعض الشركات سمعتها احسن من غيرها ...

وغير كذا فـ ترا الكرت مايركب عندك ... لأنه يحتاج إلى شق PCI Express x16 في المذربورد ... وإلي عندك هو شق AGP

ERT
مبروك مقدماً ... لكن قبل ما تطلب القطع من أمازون ... شوف الأسعار في السوق المحلية وقارنها بأسعار أمازون ... ولا تنسى تحسب تكلفة الشحن

Third Eye · 02-08-2007, 06:01 AM

اقتباس:

المشاركة الأصلية كتبت بواسطة Silver

انا مو خبير هاردوير ... لكن زي ماقال الأستاذ "كيف" فسعة الرام مو كل شيء لازم تراعي السرعة بعد لأنها تأثر على آدائه بشكل كبير

نحتاج منك اخوي معلومات أكثر عن الماذربورد علشان نعرف نوع الرامات إلي تقبلها وسرعتها ... حاول تستعمل برنامج EVEREST Ultimate Edition وتعطينا معلومات عن الجهاز علشان نحاول نساعدك
[ في واجهة البرنامج العربية ... من القائمة الرئيسية اختر "التقرير" > معالج التقرير > التالي> صفحات متعلقة بالهارد-وير> HTML ... البرنامج راح يعطيك تقرير عن الهادر وير للجهاز احفضه ورفعه هنا]
إذا كنت تستعمل النسخة الإنجليزية روح على Report > Report Wizard> Next> Hardwware-elated pages > HTML وأرفق لنا التقرير]

السلام عليكم

ممكن نعرف إيش فايدة هذا البرنامج لعموم المستهلكين؟

في البرنامج إرسال التقرير إلى؟

إيش الفايدة من ارسال التقرير لهم؟

شكرا

Silver · 12:32 PM

هلا أخوي العين الثالثة ... البرنامج يعطيك تقرير شامل عن الجهاز ... تقرير عن الهادروير إلي يتكون منه الجهاز وسرعاتهم وموديلاتهم وإصداراتهم ... كذلك تقرير عن النظام نفسه والبرامج المثبته ... وتقدر به تسوي اختبار قدرة الجهاز

إرسال التقرير لهم ... اظنه كنوع من الدعم الفني ... ممكن يساعدونك لو إنك احتجت مساعدة

اقتباس:

Debug information is important when contacting Lavalys Technical Support about hardware detection issues, so please make sure to enable this option before submitting any reports to Lavalys Technical support.

Third Eye · 02-08-2007, 09:59 PM

شكرا يا أخ سلفر