++ لخبراء المرسيدس وخبراء قطع غيارها ++ - الصفحة 2

عاشق الالماني · 07-08-2007, 10:12 PM

اقتباس:

المشاركة الأصلية كتبت بواسطة 560SEL

و الله يا أخوي و بدون زعل ... ورش الشرقيه كلها شغلهم في المرسيدس سيء جداً
لاحظت كثير من أهل الشرقيه يشتكون من قلة خبرة الفنيين و الميكانيكيين في الشرقيه
الموضوع هذا له عدة اسباب

ممكن يكون الكمبيوتر اللي في الصوره هو السبب
ممكن تكون الشريحه الداخليه
ممكن يكون منظم القير أو الصمام

القير اذا كان مخبط ما يسوي كذا ... اذا كان مخبط تلاحظ انه يفضي نفسه
يعني اذا كانت ماشي بالسياره تلاحظ كان السياره رجعت على ال N ثاني

القير يحتاج فحص و لو كنت في الرياض .. كان ممكن أساعدك و أدلك على ناس متخصصين في قيور المرسيدس و يعطون ضمان على شغلهم

حياك الله اخوي .

يمن قال اني بزعل كلامك سليم 100% وعين العقل .

ولكن للأسف قبل فتره كنت بالرياض ووديت السياره عند مجمع يارا ومجمع الفرودس ولا قدرو يحلون مشكلتي ،، الآن لو ممكن تشوف لي محل عنده الكمبيوتر ألي في الصوره تسوي خير .

لأن لابد اركب لها نفس رقم كمبيوتر السياره ألي موجوده صورته فوق

انتظر ردكــــــــــــــــــــــــــــــــــــ

لأني والله العظيم متوهقــ مع هالموتر

bashar_255 · 08-08-2007, 04:35 PM

للأسف ما عندي تلفونهم دورته لك بس مو موجود عندي حالياً

لما تجي سوق الخميس في القطيف على شارع المحيط خلي السوق على ايدك اليمين و اطلع قدام لين ما يجيك تقاطع يصير قدامك مثلث فيه سفينة و مواقف

هذي اشارة البحاري يسموها

لف يمين و بعدها خذ الإشارة يسار

تمشي قدام لين ما يجيك تقاطع يكون السد جاي عرض قدامك و فيه على ايدك اليمين النخلاوي للموبيليا

ما عليك امشي شوي قدام بعد هالتقاطع يمكن 100 متر بتشوف فيه ورشة داخلة لداخل على ايدك اليسار اسمها المغاسلة و حاط لوحة بي ام و جاكوار و مرسيدس

هو ما يصلح الا المرسديس

و هذا الوصف اللي أقدر عليه

kharoosy · 11-08-2007, 01:50 AM

السلام عليكم
انا صارتلي نفس المشكلة تقريبا
بدلت الجير و لما امشي السيارة ما يكون فيها عزم
فبدلت الدفريشن و رجع كل شي طبيعي
اتضحلي ان تسارع الجير مب نفس تسارع الدفريشن
اخوي:
اسأل عن تسارع الجير و الدفريشن
في رقم مكتوب على الجير نفسه صغير يمكن ما تلاحظه بس لو تمعنت بتحصله انشاء الله
شوف نفس الرقم موجود على الدفريشن ولا لأ

عاشق الالماني · 21-08-2007, 01:12 AM

ياجماعه الخير

نبي محلات تبيع قطع مرسيدس مستعمل او جديد مافي مشكله

سواء بالرياض او الشرقيه او الامارات او قطر

هاوي نغم · 21-08-2007, 04:46 AM

السلام عليكم

اخوي تدل صناعية تركية بالقطيف؟ قبل جزيرة تاروت

بعطيك رقم عبد الكريم المزين << لازم تروح له وهوا يدخن زقاره ولا حاط المعسله عند باب الورشه عشان يكون رايق

المهم هذا لو يعرفونه مصنع مرسديس او بي ام كان خذوه يشتغل معهم للتطوير و التزويد مكاين و قيور وكل شي
__
وش قولك اخوي bashar_225 ؟؟؟؟؟؟؟؟؟؟ ورشة المغاسله تمام تمام .. لكن عبد الكريم مزين استاذهم

روح له بسيارتك و خله يشوفها و ان شالله انه يكون مزاجه رايق ( اذا مو رايق ما بيخلص بسرعه ) و يضبطها لك بسرعه.

الله يوفقك و خبرنا وش يصير معك

جواله 0505878434

bashar_255 · 21-08-2007, 10:09 AM

ما شفت الا عابكريم !!

خله يصلح سيارتنا أول مو تاركنها زينة على باب الورشة من أول العطلة

و ورشة المغاسلة أحسن منه بمراحل .. على فكرة 50% من ورش البلد أعرفها عدل و يعرفوني

anas2912 · 06-01-2008, 03:06 AM

الكمبيوتر أخوي ممكن يتصلح ، أنا صلحت نفس الكمبيوتر هذا ب 900 ريال

كانت السياره تقفز من الثالث على الخامس على طووول

شوف اللي يصلحوا مسجلات الألماني ممكن يفيدونك

إكشف عليه وشوف ممكن يكون الآي سي

والرقم لابد أن يكون نفس رقم القير

عاشق الالماني · 06-01-2008, 07:08 AM

اشكرك اخوي على التفاعل

بس الحمد لله انا بعت السياره والله يبارك لصاحبها