طلب من الاخ كـيـف او راعي V8

Nas1 · 31-07-2006, 08:37 PM

السلام عليكم و رحمة الله و بركاته

شحالكم اخواني

ما عليكم امارة بغيت الطريقة الصحيحة للتصوير بطريقة السيلويت

لأني جربت اصور بهذه الطريقة كذا مرة لكن للأسف المحاولات كانت فاشلة جدا

في انتظار ردودكم اخواني

كيف · 31-07-2006, 09:21 PM

شنو نوع كاميراتك ؟
الطريقه المثلى لتصوير السلويت هو اخذ القراء من مصدر الضوء نفسه ولكن يجب تكون حريص بأكثر من شغله اولا تكوين الموضوع الي بتصوره الوقت الي بتصور فيه يفضل مع غروب الشمس بدقائق قليله
وهذي صوره سولت التقطتها ايام بطوله خليجي الاخيره الي صارت بقطر

ra3y_v6 · 31-07-2006, 09:23 PM

حياك الله اخوي وان شاء الله اشرح لك اياها وفالك طيب

..

اولا من الطبيعي تحتاج اضاءه قويه خلف الجسم المراد تصويره مثلا : غصن شجره .. مبنى .. او عصفور ..

وتضبط الكاميره على فتحه عدسه صغيره (اكبر رقم) ..

وتجرب تصور .. والطريقه الثانيه يكون فيها سرعه الغالق سريع جدا بحيث تدخل اضاءه الشمس او الجسم المضيئ ويتم الجسم المراد تصويره بسواد ! ..

وانصحك بعد التصوير على برنامج الفوتوشوب او اي برنامج ثاني تزيد ال contrast في الصوره وبتحصل احسن النتايج

..

ومثل ما قال اخوي كيف تأخذ اضاءه الجسم المضيئ اذا كانت وضعيه الكاميره على ال auto

ارجو اني افدتك .. والي عنده اي معلومات ثانيه او تصحيح لمعلوماتي ..استقبله برحابه ان شاء الله

..

تفضل مثال من تصويري ,,

كيف · 31-07-2006, 09:31 PM

اقتباس:

المشاركة الأصلية كتبت بواسطة ra3y_v8

حياك الله اخوي وان شاء الله اشرح لك اياها وفالك طيب

..

اولا من الطبيعي تحتاج اضاءه قويه خلف الجسم المراد تصويره مثلا : غصن شجره .. مبنى .. او عصفور ..

وتضبط الكاميره على فتحه عدسه صغيره (اكبر رقم) ..

وتجرب تصور .. والطريقه الثانيه يكون فيها سرعه الغالق سريع جدا بحيث تدخل اضاءه الشمس او الجسم المضيئ ويتم الجسم المراد تصويره بسواد ! ..

وانصحك بعد التصوير على برنامج الفوتوشوب او اي برنامج ثاني تزيد ال contrast في الصوره وبتحصل احسن النتايج

..

ومثل ما قال اخوي كيف تأخذ اضاءه الجسم المضيئ اذا كانت وضعيه الكاميره على ال auto

ارجو اني افدتك .. والي عنده اي معلومات ثانيه او تصحيح لمعلوماتي ..استقبله برحابه ان شاء الله

..

تفضل مثال من تصويري ,,

امممممم نوب مب على الاوتوماتيك لو على هالوضيعه ماتقدر لازم منيول او على الAV او الTV

ra3y_v6 · 31-07-2006, 10:12 PM

اسمحلي ياخوي .. جل من لم يسهوا

افهم من كلامك ان ال av و tv هي نفسها الوضعيات a , s

لكن فيه اختلاف في الكاميرات

Nas1 · 01-08-2006, 06:49 AM

مرحبا اخوي كيف

كيف حالك

كاميرتي "المرحومه" كانت نيكون D50 و انسرقت و الحمدلله انه ما عندي لا عدسات ولا اكسسوارات
و حاليا ناوي استوي كانوني و ناوي على كانون D350

فـ التحكم باعدادات الكاميرا بيكون سهل جدا بالنسبة لي

الفكرة وصلت و ان شاء الله بنفذها بمجرد اني اشتري الكاميرا الجديدة

راعي V8

شرحك واضح جدا
و ان شاء الله بحاول اطبق هذه الاشياء في اقرب فرصه

شكرا لكم اخواني على تفاعلكم معاي