صفحة 1 من 2 12 الأخيرةالأخيرة
النتائج 1 إلى 6 من 12
  1. #1
    bashar_255 غير متصل عضو فعّال جداً
    تاريخ التسجيل
    Jun 2006
    المشاركات
    1,247

    افتراضي تعديلات جديدة على الموستنج


    بسم الله الرحمن الرحيم


    بعد عام من الشحوطة بالموستنج و تجربته كموتر استخدام يومي و تطويره و تكميل أغراضه أقدر أقول أن مشروعي مكتمل بنسبة 95% و ما عندي مشكلة أطلع قومات


    عشان كذا بتسمعو أخبار جيدة عن الموتر بإذن الله :)

    الصيف اللي فات توقفت بسبب المادة حقيقة و الزين أني شغلت السيارة

    كان سستم الاكزوست بكامله شد بلد و بكرة و كويل وكالة و دفرنش و طرمبة بنزين وكالة

    يعني كان الشي المغير هو ما بداخل المكينة و القير بس

    أول تغيير حدث هو بعد عدة أسابيع دق علي واحد من الشباب تلفون قال بيجرب كويل عنده إذا يشتغل لو لا و كان من نوع أكسل .. ركبته و حسيت بفرق حلو .. قلت له نحتاج نفكه أحين لو ويش ؟



    أخذت الكويل و أخذت بكرة من عنده و ركبتهم

    ثاني شي بعدها بمدة 6 شهور دق علي واحد من الشباب عنده هيدرز لونق تيوب من فلوتش و صراحة تندمت أني شريته لأنه بايباته صغيرة جداً و أحسه كتم الموتر شوي

    و بعد فترة صار عندي 2 اكس بيب واحد 2.5 و واحد 3.0 .. بعد مراجعة كثير من الخلطات و الإستشارة ما شفت أنه فيه فرق بس عشان الكمبرشن اللي عندي 12:1 على الأقل فقلت خلنا نبردها و ركبت الـ 3" و يا دبات فلوماستر 3"

    الصوت صار اهدى من قبل و هذا الشي اللي خلى الشاب يستغربو من صوت اكزوزي المفبرك كيف هو سيارته مزودة و صايرة اهدى منا بس عليه صوت تفقيع ولا مدفع رمضان

    البنزين كان قيجه مكسور عندي و كنت مطنش و بعد ما بدلته تبين أني كنت أمشي فيه على 2psi بس و رفعناه الآن إلى 6psi :d

    طبعاً الحرارة كنت مكيف عليها لأبعد الحدود باليالله توصل الربع مع الدعس و الجور و حتى في أول أيام الصيف مع أن رديتري نحاس

    لكن الآن و مع جونا الأروبي و حنا في أوقست و كل ما تفتح الجريدة تقرأ " توقعات بوصول الحرارة 50 درجة مئوية خلال أيام " يا شيخ لو واحد يقول لي الحرارة 60 ما كذبته :mad:

    المهم أن الحرارة عندي في هالجو الأروبي من نص إلى الربع و مع الدعس و المداعس ترتفع فوق النص بشرطة .. المشي على الخط يرفع الحرارة فوق النص و هذا اللي خلى موتري يزعجني بالذت لأني أطر أمشي فيه كل يوم الصبح 9 و الظهر من 12-1 و العصر 3.30

    و واحد من الشباب يقول : لا تمشي فيه في الظهاري و إذا بتمشي تحمل نتيجة أفعالك !!

    صراحة خوفني جداً لأني حسيت الموتر خق فترة لأنه ون وييل بس لما ارصه المفروض اثنينهم يقحصو

    المهم .. صار من كذا اسبوع ما يقحصو الإثنين و هذا دلالة على تردي المستوى

    من كم يوم كنت ابدل غطيان الزيت بغطيان كروم و أكتشفت وايرين مفصولين .. كرهت وايرات الإكسل منها صراحة و المهم انحلت المشكلة

    المهم ما أطول عليكم

    من فترة فليتها و شريت كارونة 3.73 .. قرار الكارونة كان صعب شوي .. الموتر استخدمه كل يوم و ابغي رقم قوي في الدراق و ابغي قومة قوية في الشارع

    بعد التفكير قلت خلني اركب 3.73 و اللي فيها فيها



    طرمبة بنزين وولبرو 255



    القديمة كانت طرمبة كابرس ايه سي ديلكو و تعبانة و صراحة الوولبرو هادية جداً و تعتبر بدون صوت جنب القديمة .. و أنا اللي كنت متخوف من صوتها !

    أمس الساعة التاسعة ليلاً أمام ورشة أبو اللول هوت رود انتركونتننتل كومبني أورقيونايزيشن

    طلع الموتر و مغير الكارونة و الطرمبة دفعة وحدة


    صراحة عزم الموتر جبار بس توقعته أكثر من كذا ما ادري ليش

    يمكن لأنه يضرب سفاتي في مكانه فمو عارف أبدل نمر و يمكن لأنه جديد علي ;)

    التواير المركبين 245-50-15

    بس يا اخي احسهم مال تفحيط الله يذكر الـ 225 بالخير :)

    التواير الجدد اللي ما ركبتهم للحين و هم من نوع ميكي ثومبسون ET Radial مقاسهم 255-50-16





    متحسف اركبهم خاصة أني امشي بالموتر يومياً في شوارعنا السنعة و أنا ما فيه زرنوق ما ادخله لكن بس ارتب قومة لو تست بركبهم اكيد و بسوي تصوير قريب

    بحاول أدخل تست في حلبة البحرين لعلى و عسى نجيب 12.5و نازل :)

    و بحاول أشارك في جدة و الرياض اذا فتحو حلبة الريم

    بالنسبة للتطويرات القادمة !!

    بس .. ما بزيد شي .. اذا صارت عندي امكانية المرة الجاية بعدل محرك جديد و بحاول أني اعمل شي جديد على مستوى المنطقة الا اذا تغير تفكيري

  2. #2
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,780

    افتراضي


    ماشاء الله تبارك الرحمن على التعديلات

    و سيارتك الله يعينها صايره فار تجاربك :D :D

    و الله يعطيك خيرها و يكفيك شرها .. عاد لازم تقرا عليها كل يوم ترى الشعب الخليجي ابدآ ما يحسدون و عيونهم بالمره مش حاره :D

  3. #3
    bashar_255 غير متصل عضو فعّال جداً
    تاريخ التسجيل
    Jun 2006
    المشاركات
    1,247

    افتراضي


    سلمت على الرد :)

    السيارة لا فار تجارب ولا حاجة .. كل شي مخطط له و مدروس :)

  4. #4
    الصورة الرمزية فهد
    فهد غير متصل عضو نشيط
    تاريخ التسجيل
    Jun 2006
    الدولة
    K S A
    المشاركات
    70

    افتراضي


    ماشاءالله تبارك الله .. أحيي فيك حماسك وحبك للتطوير المستمر

    الله يوفقك حبيبي

  5. #5
    bashar_255 غير متصل عضو فعّال جداً
    تاريخ التسجيل
    Jun 2006
    المشاركات
    1,247

    افتراضي


    الله يسلمك :)

  6. #6
    الصورة الرمزية الهاوي جروب
    الهاوي جروب غير متصل مشرف سابق
    تاريخ التسجيل
    Jun 2006
    الدولة
    28
    المشاركات
    3,900

    افتراضي


    سبحان الله حكم قالها الحكيم بشار

    1- جونا الأوربي

    2- شوارعنا السنعه

    3- لوقالي واحد الحراره 60 صدقته

    هههههههههههههههههه

    ماشاء الله تطوير مررررررررره حلو اخوي بشار

    على فكره الصور ماظهرت ماادري ليه

    سؤالي ليه ماتظبط البي ام وتخليها لأستخدامك اليوم وتخف الحمل على ذي وتخليها للدراق والقومات الشرسه

صفحة 1 من 2 12 الأخيرةالأخيرة

المواضيع المتشابهه

  1. الموضوع الخاص بأجهزة ANDROID
    بواسطة بو علي في المنتدى استراحة شباب الخليج
    مشاركات: 434
    آخر مشاركة: 09-12-2011, 10:01 PM
  2. لكزس تطرح في المنطقة LS 600hL أول سيارة هجينة بالكامل فاخرة
    بواسطة Patrol 5.6 VVEL في المنتدى أخبار السيارات
    مشاركات: 12
    آخر مشاركة: 13-09-2010, 05:25 PM
  3. AC Schnitzer يقدم تعديلات على الفئة الخامسة من بي ام دبليو
    بواسطة AMG في المنتدى أخبار السيارات
    مشاركات: 7
    آخر مشاركة: 11-09-2010, 11:30 PM
  4. لكزس تحافظ على مكانتها كأكثر الماركات الفاخرة بيعا للسيارات
    بواسطة Soud alshaiba في المنتدى قسم السيارات العام
    مشاركات: 5
    آخر مشاركة: 09-09-2010, 12:46 PM
  5. الملخص الكامل والتحليل لحدث آبل للموسيقى
    بواسطة Brhoom في المنتدى استراحة شباب الخليج
    مشاركات: 1
    آخر مشاركة: 05-09-2010, 04:23 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14