حبيت اليوم اقدم لكم موضوع معروف عند البعض وغائب عن الآخرين ..
في الآونه الأخيرة سمعت كلام من شباب خذوا PS3 و لقوا إن الصورة فيه عادية وما فيها تلك الجودة اللي يتوقعونها..
الأسباب بسيطة و هي كالتالي
PS3 في خاصية وهي HD و تدعى High Defenision و معناتها عالي الجودة و في بعض البيوت إلى الآن تفتقر لهذي الشاشات لغلاء اسعارها و ايضاً هناك انواع من الكابلات الذي يدعى HDMI cabel و النوع الأضعف Video Componot اللي يجي على XBOX 360 على ما أظن..
أنواع الشاشات
هناك نوعين من الشاشات وهي Plasma HD و LCD HD و الإثنين يطلعون لك Quality محترم لكن هناك سلبيات لنوع Plasma اللي ما أنصح احد إنه ياخذه لأنها تقنية قديمة و مزعجة للأسباب التالية
- تعكس الضوء
- سخن بسرعه
- الــ Engine مالها يتعب على مر الوقت
- صرف للكهرباء عالي نسبياً مقارنة
فوائد LCD
- خفيفة الوزن
- لاتسخن بسهوله
- لاتعكس الضوء
- صرف الكهرباء قليل
هناك كم نوعين من الشاشات وهي
HD Ready و Full HD
و الفرق بسيط والسعر شاسع ( حلوة هذي ) يعني شاشتي هي HD ready ب 3600 درهم ولو ابا مثلاً Full HD بدفع بعد 2000 ولا 2500 درهم بس عسب تنتقل من 1080i إلى 1080p و بتفهمون هذا الشي من الكلام اللي تحت
HD Ready : شاشات تستطيع تشغيل الريزولوشن الخاص في HD اللي هو
567p : اللي يجي على افلام DVD
720p : أفلام البلو-راي و العاب PS3
1080i : أفلام البلو-راي و العاب PS3
1080p : وتستطيع تشغيل هذي الخاصيه اللي تعطيك صورة وصوت بضعف 1080i
Full HD تجي بخاصيتين هي مجهزة للعمل و ليس فقط بتشغيل 1080p و الكواليتي اللي بالصورة 2 ميجابيكسل وليس واحد اللي يجي على HD Ready ..
نجي للجد الحينه
كيف أستفيد من الوحش PS3
شراء كيبل HDMI وهناك كيبل وحش من إسمه وهو اقوى كيبل HDMI في السوق ورائع ..
ماهو HDMI cabel : تتذكرون ياشباب الوايرات RGB الأحمر والأصفر و الأبيض هذي النوعيه من الكابلات تنقل صوت وصورة مضغوطين
اما HDMI كيبل واحد ينقل صوت وصورة في آن واحد من دون ضغط فتخيلوا مقدار الجودة اللي تطلع منه
و نصيحتي لاتاخذون واحد اقل منه لأن فيه مواصفات رهيبه وهي :
- الكونكترز مصبوغه من ذهب 24K لتقليل الحرارة و تقليل نسبة خسارة الصوت والصورة
- نوعية الشيلد إلى هو الحماية من موجات الراديو والأمور اللي تقلل من قوة نقل الصورة عالية جداً
- نقل بيانات صوت وصورة بسرعة عالية جداً
وهذي صورة تبين مواصفاته
وانا خذيت البارحه شاشة هيتاشي
Contrast 10000:1
2 HDMI PORT ( يعني فتحتين لل HDMI Cabel حق الديفيدي ولا السوني بدل ماتشيل وتركب )
دقة الصورة 1 MB
صنعت و ركبت في اليابان وهذا الحلو فيها وموجوده في Emax الشارقة و الي يبا الرقم بعطيه إياها ولايهمه و الصورة والصوت اللي طلعته رهيب رهيب رهيب بمعنى الكلمة وماتوقعت الكيل هذا بيطلعلي هذي الصورة لأني جربت الباناسونيك
وطلع تعيس للأسف ..
في النهايه احب اقولكم إسمحولي على الإطاله و إن شاء الله تعم الفائدة على الجميع و أي سؤال انا حاضر .
__________________
فما كل مـن تهـواه يهـواك قلبـه ولا كل من صافيته لـك قـد صفـا
اخوي بوحميد عندك احسن Full HD في السوق لين الحينه هي 42 إنش سامسونج و سعرها 8999 درهم ( غالية ) لأنها Full HD 1080p و فيه السوني و فيه LG إنته يوم بتروح محلات مثل شرف دج و إي ماكس بتلاقي واايد شاشات و بتحصل في منهم عليها Full HD و نصيحتي لك ركز على Contrast و كم فتحة HDMI لأنها تكلف يعني كل فتحة HDMI و HD Chips ب 700 درهم او اكثر فلا تستغرب السعر المرتفع..
شوف اخوي بوحميد, انا ما أذم شاشات البلازما و هي زينه ما اقولك فيها شي لكن LCD يوم طلعت غطت على عيوب القديمه و إذا فيها فتحتة HDMI تراها ممتازة وفيه LCD على 5000 درهم وشي 40 إنش بس مب Full HD ...
__________________
فما كل مـن تهـواه يهـواك قلبـه ولا كل من صافيته لـك قـد صفـا
شوف اخوي , أحسن كيبل موجود في السوق هذا وهذا كلفني 2 متر ب 485 درهم و فيه باناسونيك ب 140 درهم , انا جربت الإثنين ولقيت فرق في الإثنين فرق مب هين في الكواليتي وانا انصحك بالكيبل اللي انا عارضنه لأنه ممتاز فعلاً ..
__________________
فما كل مـن تهـواه يهـواك قلبـه ولا كل من صافيته لـك قـد صفـا
أفضل طريقة للإستفاده من PS3 الجديد ..
( حلوة هذي ) يعني شاشتي هي HD ready ب 3600 درهم ولو ابا مثلاً Full HD بدفع بعد 2000 ولا 2500 درهم بس عسب تنتقل من 1080i إلى 1080p و بتفهمون هذا الشي من الكلام اللي تحت 
العرض العادي
