اكتب استفساراتك البسيطة هنا - الصفحة 3

nazar_2007 · 02-10-2007, 08:40 PM

السلام عليكم
لدي سيارة مرسيدس 300E موديل 85 والسيارة في حالة جيده بس سرعة العزم طعيغة جدا مقارنة بالسيارات الاخرى فما هي المشكلة
كذلك اريد ان اعرف الى ماذا يشير E/S في ناقل الحركة الاوتماتيكي
وفي سيارات المرسيدس ماذا تعني الجروف E/S/C والارقام التي تاتي معها هل هي سعه البساتم وشكرا

grandv8 · 02-10-2007, 08:51 PM

السلام عليكم ورحمة الله وبيركاته

حياك الله اخي الكريم ويانا

بخصوص العزم اخوي ولاتنسى سيارة قديمة ومحركها اكثر من 22 سنة واكيد يباله توضيب.

اما بخصوص الحروف بجانب القير

S يعني قير يكون على شكل رياضي سبورت
E يعني قير يكون خفيف تقريبا واستهلاك اقل للبنزين.

وبالتوفيق

INFINITI M45 · 02-10-2007, 08:54 PM

أخوي بشّار أرسلت لك رسالة خاصة

بس ما ردّيت عليّ ,,

يا ليت لو ترسلي معلومات عن الفلتر

وكم راح يعطيني من حصان ؟

وأخيراً هل تنصحني أركبه أو لا

bashar_255 · 03-10-2007, 06:29 AM

اقتباس:

المشاركة الأصلية كتبت بواسطة nazar_2007

السلام عليكم
لدي سيارة مرسيدس 300E موديل 85 والسيارة في حالة جيده بس سرعة العزم طعيغة جدا مقارنة بالسيارات الاخرى فما هي المشكلة

بدل القطع اللي ما تبدلت من زمان .. يمكن بواجي و فلاتر تحل المشكلة

يمكن البخاخات وصخين

يمكن عندك مشكلة في الإكزوست

هذي اسباب شائعة

أما ويش مشلتك ما ادري لأن لها ولا 10 آلاف احتمال

انت قلت سيارتك تعبانة ولم تشرح الأعراض

DeNaLi : ما عندي رسالة من اسبوعين في الخاص ولا استلمت منك رسالة من قبل

اعد ارسالها مرة ثانية لا هنت أو على الإيميل bashar_255@hotmail.com

uae speed · 14-10-2007, 09:52 PM

بشار بغيت أسألك، عندنا موستنق 6 سلندر، قير اوتو، موديل 95 ..

القير يوم أحطه بالريوس ما يشبك بسرعه، تحس انه فاضي، وبعد عدة ثواني يشبك القير ويرجع الموتر بشكل طبيعي، بس تتكرر المشكله كل شوي ويفضى القير والموتر ما يرجع، يعني كأنك حاط القير على الـ N !

الحين ناويين نبدل القير بكبره، شو تنصحنا قبل شراء القير وقبل التركيب؟

bashar_255 · 14-10-2007, 11:04 PM

6 سلندر تماتيك وارد اليابان و اللون يا فضي يا اخضر و نصهم بدون جناح

شوف حبوب .. اذا المشكلة بس على الريوس لا تغيره .. مشيه على الراحة على ربع الدعسة و شوف التعاشيق الـ4 يجيبهم كلهم بدون مشاكل ؟

ما يتأخر في التعشيق ولا يفضي القير يعني ما تحسه مخور خلاص لا تبدله

خلهم ينظفو لك افياش القير بس و توكل

و هذا رأيي في القير التماتيك

اما اذا نويت التغيير فأنصحك بالقير العادي ( مع ان بلدكم القير العادي ولا بهلل الصراحة و بالذات في الشارقة )

الموستنج تحت الـ 98 هالمديلات 6 سلندر قير عادي بقوة الثمانية التماتيك

red-si · 17-10-2007, 09:24 AM

يعطيك العافيه أخوي على هالموضوع والصراحه ماقصرت .. وعندي استفسار بسيط ..
انا سيارتي هوندا سيفيك si موديل 99 وارد امريكا والمكينه B16A .. وطلع عندي فالطبلون ليت المكينه .. سألت كهربائي وقاللي من سنسر القزوز يمكن مايكون نظيف ..!! هل كلامه صحيح وشو الحل عشان تروح هالعلامه و لازم يتبدل السنسر ولا بس يتم تنظيفه والامور طيبه ؟؟ .. وعلامة المكينه تطلع من شي ثاني غير هذا السنسر ؟ مع العلم ان السياره بحالة الوكاله يعني ماعليها لا فلتر ولا هدرز ولا قزوز .. أرجو افادتي ويعطيك العافيه والسموحه عالاطاله .. ( =

bashar_255 · 17-10-2007, 05:41 PM

أنا ابغي اعرف بس عقدة العرب ويا لمبة الشك انجن !!

لما تشتري موتر ألماني مستخدم مو أقل من لمبتين مولعين في الطبلون اذا مو كلهم مولعين و يمشي لك زي الحلاوة

يجوك كهربائيين يفصلو لمبة الشك انجن و يقولو لك صلحنا الموتر بكبره

هاللمبة تولع على لا شئ .. يتهئ ليي لو صقعت دبانة على الهاي وي ولعت

ما تضر و اذا حبيت تعرف سببها شيك بالكمبيوتر .. واحد من ألف احتمال انه يكون الاكسجين سنسر تعبان او مغطى بكربون او شي من هذا القبيل

red-si · 17-10-2007, 09:21 PM

يعطيك العافيه اخوي بشار والسموحه عالازعاج

Prelude 4 Life · 17-10-2007, 10:36 PM

اقتباس:

المشاركة الأصلية كتبت بواسطة red-si

يعطيك العافيه أخوي على هالموضوع والصراحه ماقصرت .. وعندي استفسار بسيط ..
انا سيارتي هوندا سيفيك si موديل 99 وارد امريكا والمكينه B16A .. وطلع عندي فالطبلون ليت المكينه .. سألت كهربائي وقاللي من سنسر القزوز يمكن مايكون نظيف ..!! هل كلامه صحيح وشو الحل عشان تروح هالعلامه و لازم يتبدل السنسر ولا بس يتم تنظيفه والامور طيبه ؟؟ .. وعلامة المكينه تطلع من شي ثاني غير هذا السنسر ؟ مع العلم ان السياره بحالة الوكاله يعني ماعليها لا فلتر ولا هدرز ولا قزوز .. أرجو افادتي ويعطيك العافيه والسموحه عالاطاله .. ( =

بشار هذي موموستنق

مكاين الفيتك تعتمد واجد على السنسرات وأي مشكلة فيهم يمكن يأثر على اداء المكينة

ويمكن تخنقها بالكربون بسبب سنسر رخيص

عندك عدة سنسرات اي واحد فيهم تصير فيه مشكلة بتشتغل لمبة المكينة موشرط يكون سنسر القزوز

لو كان سنسر الثروتل بودي تعبان عندك وتستمر تمشي عليها بتعدم عليك البخاخات

سيارتك تطلع كربون واجد لما تدوس بنزين؟