اكتب استفساراتك البسيطة هنا

bashar_255 · 06-09-2007, 05:14 AM

بسم الله الرحمن الرحيم

اللهم صلي على محمد و على آل محمد

فتحت هالموضوع عشان نقلل من التشتت الموجود في القسم و حاضر إن شاء الله أنا و باقي الشباب في الرد على اي استفسار أو مشكلة

قبل أن تطرح اي استفسار نرجو ملاحظة :

1- ذكر نوع و مديل سيارتك و حجم محركها

2- اذا انت ما خسرت نفسك 5 أول 10 دقائق عند بنشري أو كهربائي أو مكنيكي أو أي محل مختص بمشكلتك احنا ما نقدر نفيدك

3- إقرأ كتيب دليل المستخدم للإجابة على العديد من التساؤلات منها نوع الزيت و الوقود الملائم لمحركك و فترة صلاحية القطع الإستهلاكية في سيارتك

INFINITI M45 · 06-09-2007, 03:32 PM

السلام عليكم ورحمة اله وبركاته

أخوي انا أملك INFINITI M45

وواحد من الشباب إقترح عليّ تركيب فلتر رياضي ,,

هل الفلتر الرياضي على المدى القريب له أضرار ؟

وما تأثيره على المدى البعيد ؟

وأحد الشباب قالي على المدى البعيد راح يضرّ السيارة

بسب دخول نسبة هواء كبيرة وخروج نسبة أقلّ

وأحد الشباب عارض كلامه وقال الإكزوزات الأربعه تكفي وما تأثّر ؟

يا ليت لو تفيدوني ,, ويا ليت لو تقولون لي الفلتر الرياضي الأفضل " إذا ما عليه أضرار "

وكم يعطي من حصان ؟ ,,

شاكر لكم إخواني وآسف على كثرة الأسئلة (^_^)

Prelude 4 Life · 06-09-2007, 05:30 PM

اخوي الفلتر الرياضي ماله اي اضرار لا على المدى القريب ولا البعيد بالعكس يخلي تنفس السيارة افضل

اهم شي تشتري من شركة معروفة ولا تاخذ نوعية مضروبة تدخل لك غبار للبخاخات

وحاول لما تركبه يكون بعيد عن حرارة المكينة (كلما كان الهوا بارد افضل لعملية الاحتراق)

الماركات المعروفة منها K&N ... AEM وغيرها

انا شخصيا استخدم Simota ومقتنع فيها

Prince · 06-09-2007, 05:51 PM

الف الصلاة والسلام عليه

الله يعطيك العافية اخوي بشار على موضوعك الاكثر من رائع

واللي راح يستفيده منه الكثيرين

عزيزي .. انا عندي مشكلة بسيارتي

الا وهي .. صوت يطلع بالكنداسة (او القزوز) مادري ايش اسمها بالضبط المهم

هالصوت يطلع لما ادوس ع البنزين (مو القصد اني اسرع .. بمجرد الدعس يطلع الصوت)

السيارة كومارو 98
6 اسطوانات

الصوت مثل الخرخشة

واحد من الشباب قال انه في حاجه طايحه من وسط الكنداسة واحتاج اني ارجع اعلقها بس !!!!؟

ياليت تفيدني لانه هالصوت ضايقني كثير

INFINITI M45 · 06-09-2007, 05:56 PM

في البداية مشكور أخوي على الردّ السريع

اقتباس:

وحاول لما تركبه يكون بعيد عن حرارة المكينة

بصراحة ما فهمت هالنقّطة هذي ,,

bashar_255 · 06-09-2007, 07:50 PM

Prelude 4 Life : اشكرك على التفاعل و الرد

اقتباس:

المشاركة الأصلية كتبت بواسطة Prince

واحد من الشباب قال انه في حاجه طايحه من وسط الكنداسة واحتاج اني ارجع اعلقها بس !!!!؟

ياليت تفيدني لانه هالصوت ضايقني كثير

روح أقرب محل شكامين و شيك عليه

DeNaLi : لما نركب فلتر نركبه و نحاول قدر الإمكان أنه ما يكون لصيق بالمحرك

اذا مديل سيارتك 2006 هذا يصلح لك

SP1996BLK

Injen

INFINITI M45 · 06-09-2007, 07:56 PM

سيارتي موديلها 2007 (^_^)

وتعرف أخوي وين ألقاه ؟ ,, وبكم سعره علماً إنيّ بالرياض

bashar_255 · 06-09-2007, 08:05 PM

تبغي زيه راسلني على الخاص

EL_3grab · 06-09-2007, 08:16 PM

أنا Anti-فلتر

أنته لو تشل فلتر الوكاله وتشوف الغبار اللي وراه ... فما بالك بفلتر ينسم أكثر ..

جونا فشل يا شباب .. المطر ما يطيح الا مره ومرتين بالسنه .. الغبار بالشارع 363 يوم

تجربتي مع الفلتر (بالأستيشن) أنتهت بأني فجيت الثروتل بدي ونظفته من الرمل .. ريس المكينه كان على 2000 معلق

رمسنا واحد يسابق بالـGTI ماله بالـGTI Cup بدبي .. على المواسم الأولى كانوا مركبين فلاتر على السيايير لين ما بدلوا التيربوات .. لأنهن راحن من الرمل .. ورجعوا فلتر الوكاله

bashar_255 · 06-09-2007, 08:18 PM

ويش هالفلتر اللي تستخدمه !!

انا استخدمت فلاتر اصلي و تقليد ولا صابتنى مشكلة زي ذي .. و انا ما صار عندي الا سيارة وحدة بفلتر بلادها