وصل اخيرا متسبيشي اوتلاندر الى صالات عرض الحبتور موتورز وكيل متسوبيشي في الامارات
طبعا السياره تم تجديدها بالكامل و هي الحين صارت فعلا افضل من اول
طبعا في السابق كانت تتوفر السياره بمحرك اساسي 2.4 لتر بس
اما الشكل الجديد مع هذا المحرك 2.4 لتر شي خيار اكبر و هو 6 سلندر 3.0 لتر
و المحركين بتقنية مفيك MIVEC
المحرك الاول و هو 2.4 لتر 4 سلندر يولد 185 حصان
اما المحرك اليديد 3.0 لتر V6 يولد 235 حصان
الفرق اعتقد باين 50 حصان تقريبا الفرق
في السياره ايضا زر للتحكم بالدفع الرباعي
الخيار الاول 2WD و هو العادي و فيه السياره تمشي بالدفع الامامي
اما 4WD فهو للاسعمال في الرمل و ها الوسالف
و الثالث هو LOCK او 4WD lock و هو يزيد عزم السياره اكثر ب 1.5 مره من العزم العادي
و هو مخصص للاماكن الصعبه و الخروج من التغريز
ايضا في السياره بريك مع نظام ABS و EBD
و ايضا فيها تركشن كونترول و نظام ASC و هو يمنع السياره من الخروج عن مسارها في الشوارع
الخرسانه.
ايضا في خيار للسياره و هو الجير الي يسمونه البعض جير فراري
الي موجود في لكزس IS300 و انفنتي G35 و بعض السيارات الثانيه
و هو خلف السكان و في ناس يحبون ها النوع من الجيور.
تتوفر السياره بنظام صوتي اختياري و هو من روكفورد و هو مكون من مشغل سي دي 6 دسكات
mp3 و راديو AM\FM و تزيع الصوت على 9 سماعات موزعه في السياره قوتها 650 واط
و ايضا ازرار التحكم موجوده عالسكان.
و في السياره ايضا نظام المفتاح يوم تقترب من السياره بمسافة 70 سم تفتح بروحها
فيي السياره شاشه صغيره بين عداد السرعه و الrpm
و هي شاشه تبين وايد معلومات للسياره منها كم يكفيك البترول و كم قطعت السياره و نظام تذكير السيرفس
و درجات الحراره و غيره من المعلومات
اما بالنسبه للامان فالسياره صلت على 4 نجوم في السلامه في اختبارات ايرو انكاب
GLX و GLS
اما GLX فهو الخيار الاقل و يتوفر بالمحركين 2.4 لتر و 3.0 لتر
اما GLS و هو طراز القمه يعبر برنقات المنيوم و غيره من المواصفات و هو بس ينزل على 3.0 لتر
الداخليه بس تتوفر بللون البيج و ب3 انواع من الخام
جلد او مخمل او مخمل فيه فتحات ما ادري كيف
اما الجسم الخارجي 6 الوان بس اسود او ابيض لؤلؤي او ذهبي او فضي او رمادي و اللون الي في الصور ازرق تقريبا
اخيرا اسعار السياره
هو اعطاني اسعار الفل فقط
ال4 سلندر فل و هي الي في الصوره
طعا الفرش مخمل بس و سعرها 75 الف درهم
اما ال6 سلندر و فرش جلد الفرق و سعرها 85 الف درهم
الاسبوع القادم بتوصل متسوبيشي لانسر 2008 ايضا و كتلوجها موجود عندهم.
وصول متسوبيشي اوتلاندر 2008
العرض العادي
