يا اعضاء ومشرفين منتدى الخليج ابي الفزعه

بانوراما · 10-09-2007, 01:30 PM

السلام عليكم ورحمه الله وبركاته

اخواني اعضاء منتدى الخليج

انا عندي بي ام دبليوم م 96 740 امريكي

المشكله اني ضربت لي كفر بالخط وكسر ثلاث ريش بالمروحه

وبعدها غيرت المروحه من الناغي وكيل بي ام بالسعوديه

وبعدها بشهر فجأه ارتفعت الحراره وانفجر الرديتر من الطبله من

الجهه اليمنى سألت يقولون صـارت مع شباب واجد

المهم جبت الرديتر من الناغي

وركبته وبعد يومين ارتفعت الحراره

وهالحين مادري شسوي خايف امشي عليها

وينفجر الثاني

مشكلتها اتوقع ضغط هوا مو طبيعي

شلون افرغ الهوا

جربت طريقه اللي جنب فتحه الرديتر

مانفع

انا خايف الراس فيه شي

وهالحين تركتها بالشارع واقفه والله

تكفون يالربع ابي الفزعه

الزرعوني · 10-09-2007, 01:39 PM

و عليكم السلام ورحمة الله و بركاته

انا مالي خبره في الراديترات .. بس عندي لك سؤال

بما ان الراديتر ماخذه من الوكيل .. هل مركبنه من عندهم ..؟

لان اذا مركب عندهم المفروض يعطونك عليه ضمان .. و لازم الوكيل يبدلك اياه و على حسابه المره .

بانوراما · 10-09-2007, 01:42 PM

يسلموو يامشرفنا على الرد

بس

لا والله اخذته من عندهم

بس ماركبته عندهم

وهالحين الرديتر مافيه شي

بس هالحراره والهواء

مو طبيعي

عاشق الالماني · 10-09-2007, 02:37 PM

السلام عليكم ...

يالغالي .

جرب شغل السياره وخل الغطاء حق قربه الراديتر مفتوح وشوف المويه تقلب ولا لا .

يمكن مشكلتك من طرمبه الماء او غطاء الراديتر .

وبإذن الله يكون الراس سليم .

ولكن اتمنبه تمشي على السياره والحراره مرتفعه .

بالتوفيق ..،،

bashar_255 · 10-09-2007, 04:03 PM

ويش الماي اللي ركبته ؟

أول مرة لما رفعت حرارة رفعت لوين ؟ و قد ايش الفترة ؟

1100R · 10-09-2007, 04:49 PM

بالاضافة الي نصائح الاخوان اعلاة تاكد من ان المروحة الي ركبتها شغالة..لان مودلات 2000 وفوق نظام المروحة يختلف عن 96-97 بالرغم من نفس شكل السيارة وتركب محلها بس ما تشتغل..فمن المحتمل انة عطاك مروحه 2000

بانوراما · 10-09-2007, 06:46 PM

صراحه اول مره ادخل منتدى واحصل التفاعل هذا

الله يعطيكم العافيه

اخوي عاشق الاماني

المويه اذا شغلت السياره تطلع على طول

ومايبقى منها شي

اخوي بشار

الماي الي ركبته

علبتين ماي من الوكاله

والباقي ماي صحه

بس انكب الماي اللي معي

وحطيت ماي صحه

اخوي 1100r

والله مادري بس المروحه شغاله معي 100 %

بس ما ادري اذا تضره او لا

مع اني شريتها من الوكاله

grandv8 · 10-09-2007, 10:11 PM

السلام عليكم ورحمة الله وبركاته

اخي الكريم حياك الله ويانا

اخوي حاول تفحص المروحة يمكن مركبين المروحة بالعكس ، او مروحة مب شغالة زين.

وبدل ثرموستات للحرارة.

ان شاء الله يتعدل سيارتك

بالتوفيق لك اخوي

bashar_255 · 10-09-2007, 11:10 PM

اسحبها لورشة .. فيه احتمالات كثيرة جداً لازم يطلع عليها مكنيكي الأول

bashar_255 · 10-09-2007, 11:12 PM

اقتباس:

المشاركة الأصلية كتبت بواسطة بانوراما

المويه اذا شغلت السياره تطلع على طول

ومايبقى منها شي

يا الثرمستات مسدودة

أو الراس مشعور

حلت القضية