للاسف الR32 ماتتوفر تجربة وانا اصلا مستغرب انها متوفرة عندكم للتجربة !!

ماظني عندنا حد من الوكلا بيرفض طلب زبون للتجربه

__________________

EL.3grab@Gmail.com

لانهم مايجبون الا بالطلب لذلك ماتحصل الا تبع العرض وحتى الباسات V6 غير متوفرة للتجربة ، تجرب الاربع سلندر وتقيس عليها هههههههه (مثل الي يزوجون بناتهم بدون مايشوفها العريس يقولك شوف اختها تراها طبق الاصل من العروس ههههههههه)

تصميم السياره وايد حلوو

السلام عليكم يا شباب ترا انا يديد معكم في هالمنتدي و ما احب اني اكون تجيل عليكم
شوفوا يالطيبين, أنا ولله الحمد وصلت في خبرتي في هالسيارتين ال r32 وال GTI الي حد يخليني ممكن اسوي فيهم دكتوراه (خخخخخخ مزح ثجيل).
المهم و بدون تطويل بمناسبة الR32 ترا هادي السيارة طبعا مع احترامي للاخ صاحب التجربه ما بتنزل اوتوماتك ابدا بتنزل من الوكاله جير(F1) اللي هوا كلتشين وله اسم اخر وهو DSG جير بوكس وهادا ايضا بيكون مع ال gti و شي اخر تسارع السياره 5.6 ثانيه من 0-100 مع احترامي ايضا لخالد صاحب التجربه.
احب اضيف معلومه اخري ان هادا السعر تستاهله السياره بكل ما في الكلمه من معني نظرا للتجهيزات الخرافيه اللي فيها المشابهه لحد كبير تجهيزات النيسان GTR الجديد فمثلا نظام اللنش كنترول والdsg جير بوكس و الدفع الرباعي الذكي (قوة الدفع علي العجلات الاربع بتختلف من عجله لاخري حسب الموقف : تسارع او منحنيات او سرعه قصوي) .
مواصفات السيارة من الداخل بالنسبة للفل ابشن روعه: كراسي ريكارو لونها اسود مع تطعيمات من الالمنيوم او الكربون في اجزاء الطبلون والابواب,شاشة نفيجيشن مع 6 سي دي و نظام صوتي من شركة rds مع 10 سماعات وامبليفير تحت كرسي السايق. (السيارة اللي في التجربه مو بالفل ابشن)
بالنسبه للمقارنه مع السيارات الاخري احب اقول ان هادي السياره تطرح بالمرتاح Z350 والانفنتي G35 والبلستيكه هادي الs2000 اللي طالعينلي بيها وهادي الروابط حق الفيديوهات: الاول مع زد والثاني مع انفنتي اليديد والثالث مع s2000 بس الr32 القديم
YouTube - My 2007 VW R32 vs 2006 Nissan 350z
YouTube - My 2007 VW R32 vs 2007 Infiniti G35
YouTube - R32 Vs S2000
اسمع صوته بس وحححححححششش
هادا غير انه يطرح بي ام دبليو (ام 1 ) و البورش بوكستر و اسماء كبيره كثير (طالعوا تقرير التوب جير عنه)
بالنسبه لي ما اعتقد ان في سياره بهاذي المواصفات وبهاذا السعر ممكن تحصلها في اي شركه وهادا رايي فقط
يالحبايب يكفي ان هادا الوحش واخذ اعلي نسب طلب للشراء في بريطانيا و استراليا (الوايتنج لست مدتها سنتين)ههههه
والسموحه يا شباب

هلا عمر

وحياك الله معانا في المنتدى

كلامك صحيح والشباب الي استخدموها امدحوها

مثل ماتعرف من ثباتها وبريكها ونظام الدفع الرباعي تحس انها تحتاج محرك اقوى

ثباتها عالي جداً ورياضية لأبعد الحدود + للاستخدام اليومي

__________________

((ربي لا تذرني فرداً وأنت خير الوارثين))

شكرا لك اخوي عمر عالتوضيح
الصراحه ماتوقعت جذي القولف تعطي الصراحه ماشاءالله عجيبه

وطبعا اهي مكينة اودي تي تي

__________________

كـــل عام والامارات بألف خيــــــــر

العيب الوحيد في السيارة هو الوكيل ...قطع الغيار وصيانتها غالية جدا جدا ..عدا هذا قيادتها رائعه جدا ولكن ليس لمسافات طويلة وثباتها مثل ثبات البورش ...ومع التمرين المستمر يصبح الاداء افضل ..

__________________


( قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا )

تسلم اخوي زورو و بورش
وبالنسبة للمحرك هو ممكن البور هورس مو كثير بس شوف التورك (رهيب)
ممكن اير انتاك واكزوست سستم و شيب كمبيوتر (خفايف) وبتوصل 300 حصان
والسموحه علي التطويل

السيارت بشكل عام حلوه وعملية وقوتها معقوله وتصميمها جدا جميل


وانا شخصيها افضل الـ GTI لاني احسها احلى ..


ويعطيك العافيه على التجربه

__________________

вℓєє∂ιηg ℓσνє