ممكن تفيدوني بالشيروكي

ترآنيم المطر · 17-09-2007, 11:13 AM

السلام عليكم ورحم الله وبركاته ارجوكم يامنتدى الخليج انا توهقت لي في شيروكي موديل 2001سبور اخذته ب24000 ريال وجلس معانا فترة تمام مع العلم بان الدبل خربان المهم اذا وقفت عند الاشار تقوم الحرار وبنص الخط العام تطق طق بقوة من تحت وتكون فيها رجه مو طبيعيه وديته الوكاله تشييك طلعولي بلاوي وهذي بعض منها
1-ربلات المقصات
2-صوف العكس
3-هوز الدركسون
4-كراسي الماكينة
5-سير الماكينة
6-فحمات الفرامل
7-قماشات خلفية
8-المساعدات
9- كرسي القير
10-وجه البلوف تهرب زيت

فالله يخليكم الي يعرف في الشيروكي ينصحني الله يحرم النار على وجوهكم ويدخلكم الجنه ان شاءالله

انا قالوا لي الوكاله اصلاحها بسعر ضربه صراحه وانا ماني ناوي اخليه عندي ودي اصلحه وابيعه

تكفون ترى تكفى تهز الرجاجيل ابي منكم نصيحه وش اسوي مع هالبلوى احد يعرف ورش صح

وامينيين في الرياض لان الوكاله معروفه بتدبيل الاسعار انا محتاج السيارة وفي نفس الوقت ودي اصلحها تحت ايدي امينة

ارجو الافاد باسرع وقت ممكن وجزاكم الله كل خيييير

لاللشيروكي

bashar_255 · 17-09-2007, 11:36 AM

لا بلاوي ولا شي .. كلها امور عادية و بسيطة جداً

بتدفع لشغل اليد قد ما بتدفع للقطع .. شوف لك ورشة زينة و ان شالله سهالات

راعي 511 · 20-09-2007, 02:33 PM

امرها بسيط
بخصوص الحرارة اكيد البويه عندك مفصوله اذا مفصوله ركبها واذا موجودة بدلها وشيك على كلتش المروحه ونظف الرديتر هذا اولا
اما بخصوص الطقطقه هذا الصوت ما يطلع الا لما السيارة اتحر او تمشي مسافه وهذا الصوت من الاكسلات الخلفية فيها انحناء بسيط فبدل الدفريشن وركب دفريشن كابريس وريح عمرك والموضوع مجرب واذا حاب اتشوف الصور راسلني على الايميل berjawe@hotmail.com

Prelude 4 Life · 23-09-2007, 08:41 PM

اخوي الشيروكي معروفة مشاكله في عمود الشيفت

اتوقع الطقة والرجة من العمود

شوف لك ورشة زينة وخلهم يشوفوا السيارة

ترآنيم المطر · 25-09-2007, 02:10 AM

الله لايهينكم ماقصرتوا جزاكم الله خير وحفظكم وحفظ مواتركم من كل سوء بس وين الورشه الامينة

الي يعرف ورشة شغلها نظيف في الرياض ينصحني وماراح انساه بدعوه في ظهر الغيب وكثر الله خيركم