>



صفحة 1 من 2 12 الأخيرةالأخيرة
النتائج 1 إلى 6 من 10
  1. #1
    الصورة الرمزية MKM
    MKM
    MKM غير متصل مشرف سابق
    تاريخ التسجيل
    Aug 2006
    المشاركات
    1,822

    Talking الفرق بين الزوجه السوريه والأردنيه ...


    مرحبا شباب ..



    اذا وقع زوجها عن الدرج:
    السوريه : ‏ولي على آمتي، سلامتك حبيبي أنشاء الله ، انا ولا ‏انتا ابن (عمى ميته خوف عليه )


    الاردنية : شو مالك دخت ؟ الله ما برمي الناس بحجار خطيتى الله لا

    (يردك بتستناه يموت علشان تورث)


    اذا الزوج بدو يسافر:
    السوريه : انتبه لنفسك ابن عمي، جهزتلك الشنطه، كتّر خيرك على الاغراض
    اللى
    اشتريتها، بيكفوا سنه الله لايحرمنا من دخلتك علينا، أولي على آمتي، تروح
    وترجع بالف سلامه

    الاردنية :أسبوع مبوزة قبل السفر، وكل شوي دموع، ومتى بدك تروح؟ ومع مين
    بدك
    تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها
    بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف
    وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك
    فيها وين ما تروح ( هوايتها نكد )

    إذا الزوج تأخر بره فى شغل او مع صديق:

    السورية : شو إبن عمي ! غلي ألبي عليك تؤبشني يا حءء وكثير شغلتلي بالي،
    تؤبرني
    ما تتأخر عليي كثير مره تانيه عشان بشتائلك أنا ( يؤبرني دلع الشام )


    الاردنية : شرّفت !! وين كاين؟ مهو أنا كاينه حيوانه في الدار، طول نهاري أكنس
    و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي
    إيد قدام وإيد ورا، كويس عرفت إلك دار وروحت ( لا تعليق)


    إذا طلبت شى منه :
    السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك
    تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

    الاردنية : إغلط مرة وجيبلك شغله حلوة معك بقلاوة وللا كنافة بدي أحلي تمّي
    إللي مرّر من هالعيشة إللي بتقرف ( هاى طخها حلال )


    إذا جابلها هدية :

    السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك
    بيعئد تؤبشني بتجنننننننننن الله لايحرمنى منك يا عمري

    الاردنية : والله غاب وجاب، وياما جاب الغراب لمه، من وين جايبها وقديش حقها
    هاي، الله يقطع هيك ذوق مش لو جبتلنا طبخة للدار أحسن ( حسبي الله )

    اذا بدك شي منها :

    السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص،
    شو بعبد سماك انا دخيلو انا شو بحبووو على راسى حبيب ألبي

    الاردنية : مهو حرام نستريح شوي، لازم حياتي تظل تعب ونكد، هو فش غيرك فى
    الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت
    مرارتى من شغل البيت اففففف اففففف.


    لو طلبت منها فنجان قهوة :

    السورية : من عيونى ابن عمى، أحلا فنجان بن من دياتى يستاهل تمك، وبدياتى راح
    شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة
    بس )

    الاردنية : بدك قهوة ؟ هي اخوانك مرميين فى الحوش روح اشرب معهم، وللا أقلك روح
    عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني
    وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

    اذا حكالها (بدك شي؟) وهو طالع :

    السورية :- تسلملى حبيب ألبي ابن عمى، مابدي غير سلامتك مكفينى من كل شى مو
    ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك
    اعملك شى لمن ترجع؟ ( بتكون غبى لو طلعت وتركتها )

    الاردنية : لأأأأ (مع تبويزه طولها شبرين)... بديش إشي، وين بدك تروح؟ ومع مين
    بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك
    حفاظات للولد وإنت جاي.


    الذوق والتنويع فى الاكل:

    السورية : سلطات، تبولة، فتوش، محاشى، شوربات، كبه بأنواعها، محمّر، مشمّر،
    يعني سفرة عامرة من كلّه، والله لو ماعندها بقدونس راح تعملك تبولة هههههههههه
    بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي
    من ايدي، طيب كمان هاي دوءها واحكيلى شو رأيك، طيب هاي كمان وحياتي عندك
    لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

    الاردنية : لو عندها كل أنواع الخضار، والثلاجة مليانة اغراض ولحمه وسمك، هو هو
    فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا
    اذا كنت محظوظ و ما حكتلك فش بندوره و خيار روح اشتري، أو خلص الغاز في نص
    الطبخه، روح جيب غاز اذا بدك توكل.

    طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون
    كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد
    الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره
    يشتري كندره.

    وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني
    عاملة الغنايم ما شالله ) ... خليها تروح يمكن تنفتح نفسك وتاكل زي الخلق .
    ...........

  2. #2
    الصورة الرمزية S 65
    S 65 غير متصل عضو فعّال جداً
    تاريخ التسجيل
    Jun 2006
    الدولة
    عمان
    المشاركات
    1,306

    افتراضي

    والله حلوة هههههههه
    والسورية كل شوي إبن عمي إبن عمي خخخخخخ

    تسلم محمد على الموضوع الحلو (مطول الغيبات جاب الغنايم )

  3. #3
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    افتراضي

    ههههههههههههههههه

    تسلملي ابن عمّي

  4. #4
    الصورة الرمزية ERT
    ERT غير متصل Banned
    تاريخ التسجيل
    Jun 2006
    الدولة
    الشارقة
    المشاركات
    2,441

    افتراضي

    ام عماد السوريه

  5. #5
    الصورة الرمزية بوراس
    بوراس غير متصل عضو نشيط جداً
    تاريخ التسجيل
    Jun 2007
    الدولة
    UAE
    المشاركات
    428

    افتراضي

    سويستلنا باب الحارة الجزء الثالث لوول

  6. #6
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    افتراضي

    اقتباس المشاركة الأصلية كتبت بواسطة بوراس مشاهدة المشاركة
    سويستلنا باب الحارة الجزء الثالث لوول
    سويستلنا = سويتلنا

صفحة 1 من 2 12 الأخيرةالأخيرة

المواضيع المتشابهه

  1. ما الفرق بين الرانج والكايين ؟
    بواسطة حنونه^عسل في المنتدى قسم السيارات العام
    مشاركات: 15
    آخر مشاركة: 16-09-2010, 02:04 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14