>



صفحة 1 من 3 123 الأخيرةالأخيرة
النتائج 1 إلى 6 من 14

الموضوع: الغوص...(ج 1 )

  1. #1
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    افتراضي الغوص...(ج 1 )


    السلام عليكم و رحمة الله و بركاته..
    شحالكم شباب؟؟
    بناءً على طلب العضو عاشق الألماني حبيت اعرض لكم ادوات الغوص الاساسيه و بعض الاكسسوارات...

    أول شي هني عندكم ادوات الغوص

    BCD - bouyancy compensating device (أداة معادله الطفو)



    طبعا بالنسبه للـBCD في انواع كثيره منه منها الرخيص و منها معتدل القيمه و منها الغالي و في انواع بسيطه و انواع معقده .. النوع اللي فوق من الانواع البسيطه درجه ثانيه

    الـBCD يعادل الطفو بنفخه.. لان هذا الجاكيت يتوصل في السلندر و يمكن ينتفخ.. و في انواع ممكن تحطي فيها اوزان علشان تنزل ^^

    السعر: من 850 - 5000+ درهم

    Regulator (المنظم)



    نفس الكلام بالنسبه للمنظم انواعه كثيره و اسعاره مختلفه تعتمد على الماركه و الشركه و المحل نفسه.. لكن ما فيه نوع معقد و نوع مش معقد لانه كله نفس الشكل و يقدم نفس الخدمه لكن يعتمد على كواليتي الصناعه.. في هذا لازم الكواليتي يكون عالي شوي لان هذا اهم قطعه عندك و اذا لا قدر الله اختربت عليك و انته غايص.. رحت وطي

    السعر : 1000- 4000 او اكثر (ملاحظه: كل بيب بروحه بسعر خاص و هذا السعر 1000-4000 سعر المجموعه كامله)

    tanks (سلندرات الغاز)



    الومنيوم او حديد.. في منه احجام من 1 لتر الى 15 لتر... حسب خبرة الغواص ممكن يشيل اكثر من 2
    انا شخصيا اعرف واحد يغوص لاعماق كبيره يشيل معاه 6 احيانا

    السلندر ممكن يتعبئ بنوعين من الغاز :
    1- هواء عادي مثل اللي نتنفسه احنا
    2- نوع من الهوا تكون نسبه النايتروجين فيه اقل و هذا النوع يسمح للغواص انه يغوص مده اطول من الهوا العادي

    السعر : 500-2000 درهم لكن انصح بعد شراء سلندر

    Weight belt



    هذا حزام ناسف.. قصدي حزام الوزن.. كل واحد يشيل وزن على حسب حجمه.. يعني اذا كان ضعيف يشيل اقل من اذا كان متين

    السعر: الكيلو وصل 30-35 درهم الحين و الحزام بـ 35-50 درهم

    mask & snorkel


    الكل يعرف شو هذيل

    السعر : 50-500

    fins and boots



    بالنسبه للزعانف فمثل ما شايفين في نوعين يختلفون في طريقة اللبس..
    اللي فيه سير لازم ينلبس له الجوتي اللي تحت في الصوره.. اما الثاني فمب لازم جوتي




    السعر:
    الزعانف من 100-800 درهم
    الجوتي: من 80 - 200درهم

    wetsuit


    هاي البدله في منها انواع سواء ماركات او سُمك البدله (من 0.5 الى 7 ملم)
    يختلف استخدام البدله نظرا لبروده الماء..
    عندنا في الامارات في الصيف ممكن تغوص بشورت عادي لكن انا افضل تلبس البدله اللي سمكها 0.5 ملم علشان تحميك من الدوول (قنديل البحر).. هذي الايام يفضل لبس البدله اللي سمكها 2 او 3 ملم في شهر 1 و 2 و احيانا 3 في ناس تلبس البدل اللي سمكها 3 ملم و ناس تفضل ال 5 ملم, بدل ال7 ملم ما تنفعنا هني لانها وايد سميكه

    السعر: واااااااااااايد اسعار و انواع
    بس تتراوح من 100 - 1000.. و يمكن اكثر بـ شوي حسب سمك البدله و نوعها

    gloves


    قفاز..

    السعر : 70-200 !!

    comp+watchs


    في ناس تحب تخزن كل غوصه تقوب بها (مثلي ) ف تستعمل ساعه فيها كمبيوتر مثل اللي في الصوره او نوع ثاني عباره عن كمبيوتر من غير ساعه..
    هاي الساعه او هذاك الكمبيوتر يحفظون لك كل بيانات الغوصه من العمق و المده و درجة الحراره

    السعر : 1800-5000

    (الي في الصوره مثل ساعتي بـ 3500 بس انا محصلنها بسعر خااااااااااص )

    speargun


    في ناس سفاحين (كنت واحد منهم مب احين سفاح صغير ) لازم يستعملون هذا
    المسدس في منه انواع و ماركات و احجام و قوى مختلفه و كل هذا يأثر على السعر

    السعر : 150- 6000


    الاسعار تقريبه و ليست بالضبط لاني من زمان ما سألت عن الاسعار بس بتكون في هذي الحدود
    هذا بالنسبه لمعدات الغوص...
    الصور المرفقة الصور المرفقة           
    التعديل الأخير تم بواسطة DiverUAE ; 22-10-2007 الساعة 10:40 PM

  2. #2
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    ماشاء الله عليك اخوي سيف

    شرح حلو ووافي

    بس قيمة الاسعار للمعدات واللبس كم يقدر؟

    هل كثرت الغوص وتأثير الاكسجين على الشخص؟

    هل واجهت لك صعوبة في التنفس او الخوف بقاع البحر؟

    والله يحفظك اخوي ونتظر جديدك

  3. #3
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    افتراضي

    اقتباس المشاركة الأصلية كتبت بواسطة grandv8 مشاهدة المشاركة
    السلام عليكم ورحمة الله وبركاته

    ماشاء الله عليك اخوي سيف

    شرح حلو ووافي

    بس قيمة الاسعار للمعدات واللبس كم يقدر؟

    هل كثرت الغوص وتأثير الاكسجين على الشخص؟

    هل واجهت لك صعوبة في التنفس او الخوف بقاع البحر؟

    والله يحفظك اخوي ونتظر جديدك
    تسلم على المرور اخوي
    بالنسبه للاسعار شوف فوق ^^


    و انتظر الاجابات في المواضيع القادمه
    التعديل الأخير تم بواسطة DiverUAE ; 22-10-2007 الساعة 10:22 PM

  4. #4
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    ريل عمتي يحب البحر و الغوص

    كل ما اسير بيتهم اجوف هذا في الحوي و ازيغ(يوم كنت صغير)


  5. #5
    الصورة الرمزية EL_3grab
    EL_3grab غير متصل عضو فعّال جداً
    تاريخ التسجيل
    Jun 2006
    الدولة
    23
    المشاركات
    1,808

    افتراضي

    الصراحه عيبني المسدس .. يطلع الحس الأجرامي بالواحد ..

    يسلمو ثيف .. ونتريا الحلقات اليايه .. :)

  6. #6
    أبو محمد غير متصل مراقب عام
    تاريخ التسجيل
    Jun 2006
    الدولة
    الإمارات
    المشاركات
    5,398

    افتراضي

    والله موضوع مميز


    بس انا عندي سؤال واحد يدور في راسي من زمااااااان وبصراحة تكاسلت ادور على الإجابة ، ويوم شفت موضوعك قلت اكيد عندك فكرة عن الموضوع ، السؤال هو :


    - قريت أكثر من مرة ان الطلوع الى السطح بعد الغوص لازم يكون تدريجي عشان ما تتكون فقاعات نيتروجين في الدم ، يا ريت تخبرنا اجراءات الصعود الى السطح وشو المخاطر الي ممكن تصير لو طلع الواحد بسرعة ؟؟



    والله يعطيك العافية

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14