>



صفحة 1 من 2 12 الأخيرةالأخيرة
النتائج 1 إلى 6 من 12

الموضوع: الغوص... (ج 2)

  1. #1
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    Talking الغوص... (ج 2)


    السلام عليكم و رحمه الله و بركاته

    عدنا من جديد مع الغوص

    أستكمالاً للموضوع السابق

    الغوص...(ج 1 )

    هاي المره حاب اخبركم عن دورات الغوص و شو مميزات كل دوره..

    اول شي بعرض عليكم جدور فيه دورات الغوص بالنسبه لشركة



    كل شخص حاب يتعلم غوص انا انصحه بأخذ اول دورتين مع بعض Open Water Diver (OW) and Advance Open Water Diver (AOW) شو مميزات هالدورتين

    1- دورة الـ Open Water أو الغواص المبتدئ تتيح لصاحبها الغوص لأقصى عمق و هو 18 متر بس .. و ممنوع عليه كل شي ما عدا التصوير طبعا اذا حاب يصور.. لكن ممنوع يغوص عند حطام سفينه و ممنوع يغوص غوصه عميقه 20+ و ممنوع يغوص في الليل و ممنوع... و ممنوع .. و كل شي ممنوع
    (بعض المراكز اذا عندك بس هاي الدوره ما تاخذك معاهم)


    2- دورة الـ Advance Open Water أو الغواص المتقدم و في هاي الدوره تفتح لك ابواب كثيره.. اكثر من 85% من اللي ممنوع عندك في الدوره الاولى مسموح لك هني و لكن بعدك مقيد ببعض الشروط..
    طبعا اول شي مميزات هاي الدوره: تسمح لك بالغوص لين 30 متر و بحدود هذا العمق ممكن تشوف كل شي اما اعمق من هذا فالحياة هناك وايد اقل و معظم الاماكن عباره عن سيح فاضي لان الضغط يكون عالي شوي.. و طبعا مسموح لك تغوص بالقرب (وايد) من حطام السفن و مسموح لك بالغوص الليلي ....

    بعد دوره الغواص المتقدم ممكن تأخذ دورات تخصصيه مثل غوص الحطام و الغوص العميق و الغوص الليلي و الملاحه و البحث و الانتشال و غيرها مثل ما مكتوب في الجدول فوق..

    بعد الغواص المتقدم في دوره الاسعافات و الانقاذ و بعدها دوره الـDive Master و بعده يأتي مرشد الغوص و ثم المدرب...

    بما ان الموضوع قصير شوي حبيت ازيد عليه بعض نقاط السلامه و اجاوب على بعض الاسئله من الموضوع الأول..

    السلامه...

    1- الفحص الدوري للعده.. خاصة الـ BCD جهاز معادلة الطفو و الـ Regulator المنظم و اللي عنده سلندر بعد لازم يفحصه

    2- الابتعاد عن الغوص في جميع حالات المرض سواء زكام خفيف ولا شو ما يكون في الشخص

    3- الـ Body check و طبعا لكل غواص شخص يغوص معاه و ها النقطه تعني ان كل واحد يتأكد من عدة الغواص الثاني لان احيانا الشخص ينسي مثلا انه يفتح السلندر ماله (وايد صارتلي ) ولا ينسى حزام الوزن.

    أثناء التواجد في الماء

    4- الابتعاد بمسافه الأمان عن كل جسم مجهول

    5- عدم كتم النفس

    6- التأكد من عداد الهواء كل شوي و لازم تسأل الغواص اللي معاك عن الهواء اللي باقي عنده و الخروج من الماي اذا وصلت حد الوقت المسموح لك في هذي الغوصه (يعتمد على عمق الغوصه) او وصل مؤشر الهواء عندك الى 50بار او 750 psi تقريبا

    7- سرعه الصعود الى السطح 1 قدم في الثانيه لان اذا صعدت اسرع ممكن لا قدر الله يأثر على الرئه

    8- وقفة الامان safty stop اذا كانت الغوصه اكثر من 20 متر يختلف طول المده و العمق بس هي بين 3-5 دقايق و بعد 3 الى 5 امتار..

    9 - ممنوع تركب طياره قبل مرور 24 ساعه عن الغوصه عالاقل.. يعني اذا بتسافر يوم الجمعه ما تغوص يوم الخميس.

    (هذا اللي اذكره الحين )

    في اعراض ممكن الشخص يتعرض لها اثناء الغوص.. << اجابه لأسئله بوجاسم و بو محمد

    اقتباس المشاركة الأصلية كتبت بواسطة grandv8 مشاهدة المشاركة

    هل كثرت الغوص وتأثير الاكسجين على الشخص؟

    اقتباس المشاركة الأصلية كتبت بواسطة أبو محمد مشاهدة المشاركة
    بس انا عندي سؤال واحد يدور في راسي من زمااااااان وبصراحة تكاسلت ادور على الإجابة ، ويوم شفت موضوعك قلت اكيد عندك فكرة عن الموضوع ، السؤال هو :

    - قريت أكثر من مرة ان الطلوع الى السطح بعد الغوص لازم يكون تدريجي عشان ما تتكون فقاعات نيتروجين في الدم ، يا ريت تخبرنا اجراءات الصعود الى السطح وشو المخاطر الي ممكن تصير لو طلع الواحد بسرعة ؟؟


    تأثر النيتروجين في الجسم.. في حال الشخص غاص اكثر من الوقت المسموح له قد يتعرض لا قدر الله لشئ اسمه سكر الاعماق..
    تعريف سكر الاعماق: كلكم تعرفون كيف يتصرف الشخص السكران.. و في هاي الحاله (سكر الاعماق) يتصرف الشخص تقريبا نفس السكران و يشيل المنظم من فمه و يسوي حركات من غير وعي و هذا معناته ان النيتروجين زاد عنده في الدم و لازم يخضع لإسعافات اوليه و بسرعه

    و في حال صعود الشخص بسرعه الى السطع عادي جدا يصير في كسر في الضلوع او تنفجر رئته لان الضغط داخل الجسم و الضغط خارج الجسم يختلفون بسرعه...


    طولت عليكم ؟؟

    يالله مب مشكله بخلى الباقي للموضوع القادم ^^
    التعديل الأخير تم بواسطة DiverUAE ; 24-10-2007 الساعة 08:07 AM

  2. #2
    تاريخ التسجيل
    May 2007
    الدولة
    23
    المشاركات
    5,600

    افتراضي

    كلام جميل جداً


    موضوع ثري بالمعلومات


    كل ماتتكلم عن موضوع الغوص يزيد حماسي وإعجابي في الغوص . انا حصلت لي غوصه بسيطه في ماليزيا بس الضروف ماسمحت لي .

    هم هناك يعطونك بعض التعليمات البسيطه وتغوص مع مجموعه والعمق مايتعدى 2 متر .


    المهم بالنسبه للصعود بسرعه للسطح يقولون انه قد لاسمح الله تسبب كسر للعامود الفقري .


    اشوفك فوق تذكر اكثر من مره ان الغوص بالقرب من حطام السفن ممنوع ليه ؟؟ وش المشكله ؟؟ هل في مخاطر معينه من حطام السفن ؟؟



    موعدنا في الموضوع الجاي



    كان الله في عونك

  3. #3
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    افتراضي

    اقتباس المشاركة الأصلية كتبت بواسطة عاشق الالماني مشاهدة المشاركة
    كلام جميل جداً


    موضوع ثري بالمعلومات


    كل ماتتكلم عن موضوع الغوص يزيد حماسي وإعجابي في الغوص . انا حصلت لي غوصه بسيطه في ماليزيا بس الضروف ماسمحت لي .

    هم هناك يعطونك بعض التعليمات البسيطه وتغوص مع مجموعه والعمق مايتعدى 2 متر .


    المهم بالنسبه للصعود بسرعه للسطح يقولون انه قد لاسمح الله تسبب كسر للعامود الفقري .


    اشوفك فوق تذكر اكثر من مره ان الغوص بالقرب من حطام السفن ممنوع ليه ؟؟ وش المشكله ؟؟ هل في مخاطر معينه من حطام السفن ؟؟



    موعدنا في الموضوع الجاي



    كان الله في عونك
    حياك الله اخوي

    بالنسبه للغوصه اللي انته غصتها في ماليزيا فهي غوصه تعريفيه بس.. بعض المراكز في الامارات عنهم هذا النوع من الغوص لكن شوي اعمق من 2 متر

    و بالنسبه لغوص الحطام ففي له بعد الاجراءات و بعض التصرفات اللي لازم و غير لازم تصير لان معظم المراكب الغرقانه اللي الناس تغوص عندها صار لها سنين في البحر و هي عباره عن كثله حديده فإذا صار في اي تصرف خطأ من الغواص اذا حاول يدخل داخل السفيه من اي فتحه ممكن لا قدر الله تنهار السفيه عليه لان الصدأ بيكوم ماكلنها... لا تقولون كيف صدأ و ما في هوا.. ماي البحر كفيل بكل شي

    و معضم الاوقات في اسماك تكون سامه تتخذ من السفن مكان تختبأ فيه مثل الـ lion fish و الـbox fish و غيرهم من الاسماك اللي تحتوي على شوك سام ^^

    ان شاء الله وضحت لك الفكره

  4. #4
    الصورة الرمزية الزعيم
    الزعيم غير متصل مشرف سابق
    تاريخ التسجيل
    Jul 2006
    الدولة
    مملكة البحرين
    المشاركات
    952

    افتراضي

    الله يعطيك العافية على الموضوع الرائع

    يستحق التثبيت

    وأسمحلي أخوي أعدل على موضوعك وأحط فيه رابط الجزء الأول

    وكثر من هالمواضيع المفيدة

  5. #5
    الصورة الرمزية fALCON
    fALCON غير متصل مشرف عام
    تاريخ التسجيل
    Jul 2006
    المشاركات
    3,976

    افتراضي

    معلومات جديدة , المفروض تنزل الموضوع من زمان :)


    كسر في الضلوع او تنفجر رئته
    يا ريال .. لا تخوفنا , ما بدش ترا


    نتريا ج3

  6. #6
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    ول

    تنفجر الرئه مره وحده


    بصراحه الغوص خطير عيل مب اي واحد ايي ويغوص

    لازم يتلعم

    شكرا عالمعلومات المفيده

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14