السلام عليكم ورحمة الله وبركاته

أرى أن السياره الأولى في الترتيب وهي الكابريس 2004 أنها مناسبه من ناحية السعر ولكن بالنسبه للنظافه فهي مسؤليتك أخي العزيز وهي مناسبه للسفر حسب تجربتي الخاصه

وأتمنى أنني أفدتك برأيي

بالتوفيق أن شاء الله

النسبه للسيارات لازم تفحص كل وحده فحص كامل قبل الشراء لان السيارات مستعمله وماتضمن اذا مسويات حوادث او اي شي صاير لها

__________________

((ربي لا تذرني فرداً وأنت خير الوارثين))

__________________

السلام عليكم ..

اخوي الغالي بصراحه ما انصحك بالمرسيدس عشان موديله قديم شوي وقطعها بتكلفك

وانصحك بالكابرس لأنه مايسرف بنزين في السفر ومريح وبإذن الله ماراح تشوف منه مشاكل .

انصحك تسوي فحص للسياراتين وتبدل الحاجات الاستهلاكيه من فلاتر وسيور وبواحي وبريكات وسفايف .

وتاخذ معك قطع احتياطيه للطريق

ولا تنسى صلاه الاستخاره .


بالتوفيق

__________________

اللهم إجعلني أخشاك كأنني أرآك

مشكورين يالربع جميعكم على المرور والكلام الطيب والي أسعدني وأسرني

وأنا بعون الله معزم على الكابريس لكن بعد الاستشارة والاستخارة

وتقبلواتحياتي وياليت أسمع آرائكم جميعاً

__________________

فالك طيب

على هالخشم

إبشر إن شاء الله تشوف الي يسرك


وتقبل تحياتي

طريق السلامه, انا رأيي من راي الشباب بس اذا كنت بتبيع السياره بعد ما ترد من السفر فأنصك بالافالون, لان سعره ما ينزل اذا بتبيعه بعد فتره بسيطه ,و غير هذا الكابريس و بس

أشكرك أخوي العفريت

بس أنا استخرت على الكابريس والله مايسر لي

والحين حصلت أفالون من رجال يستخدمها يعني مو من المعارض

وهي موديل 2003 وارد الخليج ماشية 70 ألف كم رقم واحد مع كامل المواصفات فيها دعمة بالبدي ومصبوغة وطالب علي 40 ألف

شرايك بالسعر ، علماً إن الرجال قال إن سيارته نظيفة ومكفولة بالنسبة للشاصي والمكينة والجير

بغيتكم تساعدوني يالربع تراني ما أعرف مرة بالسيارات

شرايكم بالسعر معقول ولا لأ..؟