توضيب Ford C4 Transmission

مؤيد اف1 · #11 22-11-2007, 09:25 PM

اقتباس:

المشاركة الأصلية كتبت بواسطة bashar_255

عندي مبرد زيت

بالنسبة للتراز قو اذا تعني شفت كت من شركة ترانز قو عندي شفت كت على القير

أما اذا تعني ترانز بريك

ما له داعي لأنه يدخلني اوت لو

اجل الجير منتهي حزتها

امزح

مالك الا مبرد ابو مروحة لحاله بدون ماتشبكه بالرديتر...اظاهر طنجرتك صالخه الجير حرارة

واذا مركب مبرد لحاله بدون مايعبر بالرديتر خليه يعبر بالرديتر وركب ثرمومستات 160 درجة

هذي تجربتي حبيت اشاركك فيها

bashar_255 · #12 23-11-2007, 12:43 AM

المشكلة مو هنا

القير كلتشاته تعبانة من أول ما أخذته لأني جايبه من الكويت .. و هناك موستنجاتهم ما شاء الله ما يحتاج أقول

فهو من الأساس كان مكروف

بركبه بنفس النظام .. مبرد خارجي موجود من أول و احتمال اشوف له مروحة صغيرة

ولا يمر في الرديتر

مؤيد اف1 · #13 23-11-2007, 04:25 AM

خليه يمر بالرديتر..

لاتستغرب حرارة الجير توصل اعلى من حرارة المكينه بطنجرة ستالها عالي...جير سيارتي مع الدعس وهو ستوك يوصل حرارته اعلى من المكينه الحين مع مبرد وثرمومستات اقصى شي شفته له 85 درجة..مع الكرف..لكنه اكثر الاحيان في مجال ال70 درجة..

عادي جيرك مع مبرد يوصل فوق ال100 بالطنجرة وعدم مروره بالرديتر ( اذا مركب ثرمومستات رياضي) وجيرك مابيضوق الويل

نصيحة اخويه فقط لاغير

bashar_255 · #14 23-11-2007, 02:23 PM

و الله اذا زيت القير أعلى من حرارة المكينة انت شجعتني الصراحة

شكلي بسويها و اركب ثرمستات 160

Sayedco · #15 24-11-2007, 07:02 PM

بشار بقولك شي و بصراحة يعني و بدون ما تزعل

إنت عندك أشياء لحين على Old School من الناحية التكنولوجية

يعني مثلاً الراديتر أتذكر قلت إنك مركب نحاس كم صفة ، و الحين مبرد القير مخليه بدون ما اللاين يمر في الرديتر

أصلا الماي يبرد أحسن و أكفأ من الهوا ، المبرد مال القير لو كان كل اعتماده على الهوا بيطول وايد في التبريد و إنت بدال ما تقلل من حرارته (الستوك) بتزيد من حرارته (تبريد هوا بس)

البيب اللي جاي حق المبرد ركب فيه T و ود واحد حق الرديتر و الثاني حق المبرد و خل مبرد القير المروحة مالته دايماً شغالة

الثرموستات رخيص و قوي ، لكنه تركيبه (لبعض السيارات نفس الكرايسلر سالفة تشيل ألف شي عشان هالشي)

bashar_255 · #16 24-11-2007, 07:54 PM

طيب اذا كان الماي في الرديتر ما يقل عن 195 كالفن ويش يضمني انه يبرد القير ما يسخنه ؟

معلومة أخوي مؤيد جديدة علي الحقيقة

بخلي الزيت يروح الأويل كولر بعدين يدخل الرديتر بعدين يرجع القير

بالنسبة للثرمستات ما فيه للفورد الا 195 محلياً

من فترة جبت 160 و 180 هاي فلو

بركب 160 و انشالله خير

مؤيد اف1 · #17 24-11-2007, 11:14 PM

لا سوي العكس...يطلع من الرديتر بعدين في الكولر

انا مسوي كذا..

يعني الكولر بيشيل الحرارة الزايده ولو صادته حراره الجير مباشرة بيصير ممتلي حرارة وبيصير وجودة وعدمة واحد..ولو تلاحظ شركة B&M توصي بهالطريقة واكثر السيارات الي شد بلد فيها مبرد تسوي بهالطريقة..الرديتر بشيل اكثر الحراره او على الاقل بيثبتها..وانصحك تركب جيج...اما انا شغلتي سهله لابتوب واشوف كل شي في السياره

ومن هالشي راقبت الجير وكيف يشتغل وحرارته..

وان شاء الله الجير بيطول معاك اكثر مما تحط ليه وقت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

{موقع الخليج للسيارات}

{روابط سريعه}

		منتدى الخليج للسيارات > منتدى السيارات > القسم الفني
توضيب Ford C4 Transmission