توضيب Ford C4 Transmission

bashar_255 · #1 17-11-2007, 08:14 PM

السلام عليكم و رحمة الله و بركاته

طبعاً القير قير سيارتي

و هذي صور اثناء العمل

الكلتشات القدم منسحلين .. و المفروض أنهم كانو مشخطين بس لو تلاحظو انها اختفت

انشالله ترجع تحفر القار مرة ثانية

اللي يبغي يعرف الطريقة

Redfalken Web - C4 Rebuild and Swap

العمل كان في ورشة الطريق الساخن

زورو الامارات · #2 17-11-2007, 08:40 PM

بشار انت نزلت الجير

في مشكله فيه ولا حبيت تضبطه اكثر ؟

bashar_255 · #3 17-11-2007, 10:07 PM

الكلتشات منسحلين حدهم ... و فيه لوز كثير ما احس له لأن المحرك كان يعطي من الصفر صراحة

لكن المشكلة في الرايش مال الكلتشات يوم دخل الطنجرة خربها لي و سد لي طرمبة زيت القير فلما كنت أطلع قومة الموتر ما كان يقفل سريع .. يعني بكارونة 3.73 اشوفها تمشي لفوق 700 متر عادي !!

المفروض أنه ما تجي 600 متر إلا و قفلت خلاص حدها و مع الغاز 400-450 متر

أحين الله يعيني لأن الموتر بيتحسن مشيه فرق كبير و أنا عندي التراكشن صفر قبل لا أعدله

يعني بيزيد الحرق شي كثير

بعمل تجارب و تعديلات و إن شاء الله حتى أحسن التراكشن و أتمنى يكون بمستوى جيد لأني ناوي اشارك في حلبة جدة اذا كانت السيارة تأهلني

عاشق الالماني · #4 17-11-2007, 11:07 PM

الله يوفقك اخوي بشار

ولكن حسب معرفتي ان كلتشات الفورد بسرعه تخرب . انا ماجربت الموستنج ولكن مجرب الفورد السيدان والحوض . للأسف الجير مايطول خاصه إذا كنت تدعس بعكس السيارات الثانيه .

بالتوفيق ونتمنى نشوف موترك في الحلبه وترفع راسنا جدام اهل الغربيه

تحياتي ....

bashar_255 · #5 18-11-2007, 12:54 AM

هذا قير مال ريس و ما نزل على الموستنج إلا مرة في الستينات

على العموم قيور الأمريكي كلها تحترق كلتشاتها بسرعة اذا استخدامك سئ بسبب وزنها الكبير

بالذات اذا انت تحمل كميات كبيرة طول ما انت تشغل السيارة أو تقسي عليها في البر

مؤيد اف1 · #6 22-11-2007, 06:22 AM

يبغى لك مبرد وترانز جو

bashar_255 · #7 22-11-2007, 02:19 PM

عندي مبرد زيت

بالنسبة للتراز قو اذا تعني شفت كت من شركة ترانز قو عندي شفت كت على القير

أما اذا تعني ترانز بريك

ما له داعي لأنه يدخلني اوت لو

bashar_255 · #8 22-11-2007, 03:55 PM

الطنجرة مال حذاف صغير مو مال كبير فاللي صار أن احنا كنا مرهمين الحذاف على الطنجرة و ما كان جاي سنتر فكان مايل و كل فترة تخترب صوفة أو بوشنق

المهم توصلنا إلى أن أحسن حل هو أني أجيب كرنك و حذاف و أطبق فوقه الطنجرة يعني بتجي على الكرنك سنتر و نطول الحدايد اللي على الطرف حتى تجي محل البلوط الأصلية

و بكذا ركبنا طنجرة حذاف صغير على حذاف كبير و صاير زي الوكالة

Sayedco · #9 22-11-2007, 07:24 PM

مو مخطط إنك تاخذ بعض الأرقام للسيارة ؟

دراق ، داينو ؟ etc ?

bashar_255 · #10 22-11-2007, 07:42 PM

و الله يا سيديكو الوضع عندنا اصعب بحبتين من البحرين مو كل شي حولك

يعني خل السيارة تمشي الأول و نشوف اللي تحتاجه بعدين يصير خير

بنسق في الإجازة مع داينو الأداء العالي في رحيمة و اذا السيارة امورها تمام احتمال اروح نادي جدة اذا ظروفي ناسبت لأنهم بيتكفلو بشحن سيارتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

{موقع الخليج للسيارات}

{روابط سريعه}

		منتدى الخليج للسيارات > منتدى السيارات > القسم الفني
توضيب Ford C4 Transmission