بغيت أستشيركم بأحد هالجهازين ...؟

FuLL MoOoN · 30-11-2007, 11:10 PM

السلام عليكم ورحمة الله وبركاته
كيف حالكم شباب
أنا بصراحه من المتابعين لهالقسم على الرغم من عدم مشاركتي فيه وصراحه مواضيعكم وتقييمكم للأجهزه واحدث العاب الفيديو ماعليها كلام

ندخل بالسالفه

بصراحه أنا محتار بين جهاز بلاي ستيشن 3 والاكس بوكس 360
كنت بصراحه معزم على البلاي ستيشن بس يوم شفت الاكس بوكس وجربته لقيت العابه ماتفرق تقريبا عن البلاي ستيشن 3 واللي حمسني له انه يشغل العاب الديفي دي الكوبي يعني بدال مادفع 300 او 350 ريال لكل لعبه اشتري نفسها بعشرين ريال بس مشكلة الاكس بوكس اللي يشغل الكوبي مافيه لعب اون لاين واذا حاولت ادخل اكيد يعطوني باند من موقعهم

علما أني من محبي العاب السيارات والمغامرات والعاب القتال يعني العاب الرياضه ماميل لها كثير
مثل الكوره وشفت اساسين كرد وبرو ستريت على الاكس بوكس وتقريبا مثل السوني مالاحظت فرق بينهم

أنتم وش رايكم ؟
مشكورين ولاهنتم

سياف · 01-12-2007, 12:41 AM

ياخوي عندي الأثنين ... صعبه المقارنه مبينهم بس لاحظت جلرافيكس الأكس بوكس أجمل شوي بس الكونسول تعيس .. أول شي يحر بسرعه حتى مع المراوح و للأسف الحين ثنتين اختربن و ما يتصلحن .. أما السوني فصراحه مال كرف .. ما تقطع و تشتغل ساعات بدون ما تحر و كل شي موجود ما يحتاي تشتريه مثل الأكس بوكس .. بس للأسف لازلت معجب بالأنترفيس مال الأكس بوكس أكثر من السوني + لعبة فورزا ابداع ..

FuLL MoOoN · 01-12-2007, 01:00 AM

قصدك أخوي الجهاز يسخن باللعب المتواصل لساعات ؟ مافهمت عليك
بالنسبه لي تقريبا اميل للاكس بوكس اكثر بس ودي أتاكد من جودة الجهاز وتحمله للكرف

مشكور أخوي على ردك وماقصرت

سياف · 10:57 AM

يا ريت بس يسخن .. يشوط ... مشكلة اللعبه محتاجه تبريد دايما .. و اذا طنشت و كملت لعب يظهر لك ليت أحمر و تخترب خلاص ... هذي شغله .. و الشغله الثانيه الضمان .. عندنا للأسف مافي ضمان عالأكس بوكس ..

أخوي شوف لا تعور راسك .. الأكس بوكس ألعابها و كل شي فيها زين ... بس محتاجه عنايه .. مثلا أنا كانت عندي 2 .. وحده في البيت و الثانيه في الكوفي شوب .. اللي في البيت شغاله تمام لأنه التكييف شغال 24 ساعه .. أما اللي في الكوفي كانت تعلق عقب ساعتين لعب .. و الحين اختربت ما تشتغل بعد ما بدلت البور سبلاي مرتين (تقليد لأنه مافي الأصلي) ...

أخوي بكل بساطه .. شوف أي جهاز فيه ألعاب تعجبك أكثر و اشتره .. و استخير أولا و أخيرا

بس بقولك أخوي لبش شريت الأكس بوكس قبل و ماكنت مقتنع بالبلاي ستيشن .. ألعاب الأكس بوكس أكثر .. أول شي شريت فورزا (لحد الآن أجمل لعبة سيارات لين ما تنزل جي تي 5) و ساينت رو و كوماند أند كنكر .. و الحين نزلت لعبة الكوره PES2008 و أساسن كريد .. طبعا كل الألعاب روعه .. لكن الحين ألعاب البلي ستشن بدت تنتشر .. أتوقع البلي ستيشن محتاجه وقت شوي

Bu_7maid · 01-12-2007, 02:47 PM

انا عندي الاكس بوكس من شهر 12 2005 ولا مرة اشتكيت منها ..

وطبعا الحين الاكس بوكس لها وكلاء في الخليج

ويكون عليها ضمان

وغير هذا العاب الاكس بوكس اكثر واحلى ..

والجرافكس شويه افضل من البلايستيشن ..

في الاخير هذا رايك ..

والبلايستيشن بدت تدخل السوق بقوة هذي الايام ..

وسنة 2008 هي سنة البلايستيشن .. لأن كل العاب البلايستيشن القوية راح تنزل

مثل ميتل جير و جران توريزمو ..

لكن ان قدرت خذ الاثنين

سعر الاكس بوكس ب 1650

وسعر الاكس بوكس اليت واللي هي النسخة المعدلة ب 1950

وفي عروض جديدة في السعودية

الجهاز Elite
+
3 العاب
Forza Motorsport 2
Viva Pinata
+
يد تحكم واحدة الاساسية

السعر : 1999 فقط

العرض الثاني

الجهاز بريميوم ( العادي )
+
3 العاب
Forza Motorsport 2
Viva Pinata
Halo 3
+
2 ايادي تحكم
السعر : 1750 فقط

FuLL MoOoN · 01-12-2007, 04:02 PM

مشكور أخوي بوحميد وماقصرت ومعليش بتعبك شوي
حبيت اسالك وش الفرق بين الاكس بوكس العادي واليت المطور يفرق بالهارد ديسك ولا كيف؟

Bu_7maid · 01-12-2007, 06:03 PM

افا عليك اخوي ..

احنا حاضرين لك

الفرق بين العادي والاليت هو الهارددسك .. العادي 20 جيجا والاليت 120 جيجا

ثاني شي الاليت نسخة مطورة عن العادي .. يعني معالجة العيوب اللي كانت في العادي

الاليت فيه فتحة HDMI ..

Xbox 360 Elite console: The console is equipped with an HDMI port, HDMI cable and a black wireless controller. It also comes with three powerful core processors, 16:9 cinematic aspect ratio, anti-aliasing for smooth textures, full surround sound, and DVD playback with upscaling capabilities right outof the box.
Xbox 360 120GB hard drive: The huge 120GB detachable hard drive allows gamers to save their games and store television shows, movies, music, pictures. Also sold separatley.
Xbox 360 Wireless Controller (black): The sleek black finish of this high-performance wireless controller matches the style of the Elite Console. It has a range of up to 30 feet and a battery life of 30 hours on two AA batteries. Also sold separatley.
Xbox 360 headset (black): Now available in black, the headset lets you strategize while playing together online or trade taunts with your opponents. You can also send voice messages to friends on Xbox LIVE.
Xbox 360 HDMI cable: New to Xbox 360, HDMI lets you get HD video (up to 1080p) and multichannel surround sound, all from one cable.

انصحك بالاليت ..

rfee3 el mestwa · 01-12-2007, 07:04 PM

انا من محبي PS3 بشكل كبير و الجهاز نزل تحت ضغط الجمهور والكثير من الشركات اللي إستغربت من تأخر ال PS3 الغريب مع إن التأخر كله صار عند ظهور النسخ الحصرية للشركات التي تعمل على PS3 مثل MGS4 و GT5 و Kill Zone و المشاكل التي صارت بسبب قضية Rumble اللي إختفى و الحينه رجع بعد تصفية الشركة للمشاكل مع التي رافع القضيه للتنازل عن خاصية ال rubmle اللي هي الهزاز , و السوني فيه قوة غريبة و عجيبه إسمحولي ما ابالغ لكن ال XBOX 360 متعب و تعيس جداً في الألوان مقارنة بال PS3 و هذا بيبين يوم بتلعب MGS4 و GT5 اللي الجرافيكس مالهم لازم يكون فوق 90 فريم في الثانية ال XBOX 360 مايوفره و هذا معروف لأن يتعرف على الشاشات 1080i فقط لكن يوم تروح للسوني 1080p و القادم أقوى و يقولك سوني تجهز لهذا الشي اللي هو
1440p يعني نحن متخبلين على 720p على الألعاب اللي تنزل على PS3 و XBOX 360 و مايتوفر هذا الشي لين الحين لكن بعد فتره بيطلع و انا أنتظره بصراحه ...

أخوي الغالي انا انصحك ب PS3 مو لأني احبه لكن الناس كلها تحس إن PS3 نفس XBOX360 وهم مختلفين بإختلافات كثيرة منها إنه يشغل DVD,CD,BD ال BD هو Blue-Ray و هي نوعية الديسكات المتطورة و بتلاقي موضوع بإسمي عنهم و بتشوف شو كاتب عنهم و عندك نظام HOME الجديد اللي بيكون عالم داخلي في الجهاز للتعارف و شراء و التجول بين مناطق العالم بشكل خيالي رائع و عندك من ناحية الجهاز انا ألعب فيه حوالي 4 إلى 6 ساعات مافيه مشاكل لله الحمد و 4 Port USB و الجهاز رائع فيه خاصية Rumble و فيه خاصية SIXAXIX اللي هي مشابهه لل WII ولكن أحلى و أروع لأنه بلوتوث ولكن WII هو بإريل لازم يشتغل و الله عندي الكثير بقوله عن الإختلافات , السوني جهاز رائع وخالي من المشاكل حتى الآن أما الــ XBOX 360 فيه مشاكل يمكن عند Bu7maid مافيه لكن ربعي عندهم قبل السوني XBOX 360 و فيه مشاكل كثيرة و صاحبي خذ وحده جديدة و إختربت وقالوله رجعها للوكيل تخيل ...

انا أرشح PS3 ...

و هذي صور لألعاب حصرية على PS3

منها اللعبه الرائعه اللي انا متخبل عليها الحينه وهي Folklore

و تقدر تدخل على موقع Game Trailers.com و بتشوف كل شي عن PS3

و هذي مقارنه تقنية بين PS3 و XBOX360 ( هذي قديمة شوي قبل نزول PS3 )

Click Here

FuLL MoOoN · 01-12-2007, 08:46 PM

مشكور أخوي صراحه رفيع المستوى على تفاعلك والمعلومات هذي بس أخوي بوحميد ذكر انها العيوب بالاكس بوكس تلافوها بالإليت المطور وفيه اتش دي ام وديفي دي وهالسوالف وانا تحمست له لانه 120 جيجا بالاضافه فيه العاب احبها عليه محتكرينها مثل الفورزا ونينجا جايدن 2
عموما بروح استشير المحل لاخر مره ونشوف وش اللي يستاهل واكيد اللي فيه عروض اكثر وضمانات اكثر بميل له انشالله
ومشكورين أخواني على تفاعلكم وماقصرتو

fALCON · 01-12-2007, 09:42 PM

عندي إليت , أخوي دايما ينساها شغالة , وفي مرة كملت يوم شغالة
ما صار شي فيها

من ناحية الألعاب في المستقبل , سيكون لصالح البلاي ستيشن 3
حاليا أفضل الأكس بوكس