[color="Black"]السلام عليكم و رحمة الله وبركاته

اعرض عليكم اللي صارلي من يومين بخصوص الوصلة اللي طلبتها من حوالي أسبوعين و أنتظرتها بفارغ الصبر لين ماتوصل حتى اوصل IPod على السيارة.

اول شي ببدا بالوصله و كم كلفتني



الوصلة نفسها : 442 درهم
الشحن : 65 درهم
الإجمالي : 506 دراهم

رحت عند محل في الشارقة والكل يعرفه هو Kenwood اللي في جبرات الشارقة و إنحط موضوع عنه سابقاً , و بدا الفني بالتركيب و لا القطعه ماتركب ليش مسجل الهوندا اكورد الخليجي ( الأماراتي خاصة ) مافي وصلة AUX يعني ما اقدر اركب لا CD Changer ولا وصلة IPod قالي الريال روح شوفلك مسجل 2006 ولا 2007 بيركب على طول , رحت البارحه و قعدت ادور في كم سكراب اعرفهم حصلت و احد قالي بعطيك المسجل كامل مع الــ cover ب 1200 درهم قلتله غير 800 مب عاطنك و عقبك مكاسر و عوار راس عطاني بس changer ب 600 درهم و ضمان يومين يعني إفهمها مش شغال و رحت و طلع مب شغال ورديته عليه و نفسه الهندي طلع لي مسجل ما ادري من وين ب 450 درهم و ضمان 6 شهور و أخذ ال changer القديم اللي مب نافع لشي و تم تركيب الوصله ولله الحمد شغاله 100% وماعليها كلام و الصوت ممتاز ...



أنصح كل واحد عنده اكورد 2005 لازم يشوف المسجل عنده قبل هل فيه فتحه لل AUX ولا غير موجوده قبل ماياخذها ...[/COLOR]

يا أخي ليش كل هاد التعقيد والمصاريف الي من غير فايدة أنا ركبت مسجل من SONY فيه مبدل اسطونات وبيشغل DVDوبيشغل MP3 وانواع صوتية ما ادري شو هي وبعد في بلت ان امبليفير وفتحة AUX من الأمام يعني ما تحتاج توصيلات كثير ولا خرابيط وعليه صوت نقي وعالي يخلي السيارة تهز هز وكم سعرو 420 درهم امراتي يا أخي مو لازم يكون المسجل حق الوكالة عشان ما يشوه شكل السيارة

يا هلا فيك اخوي بس الله يهديك ليش ما كلمتني قبل ما اتسير عند شهزاد ؟ انا اللي منزل الموضوع و جان خليته روحه اييب المسجل