>



صفحة 1 من 3 123 الأخيرةالأخيرة
النتائج 1 إلى 6 من 15
  1. #1
    الصورة الرمزية غريب السيف
    غريب السيف غير متصل مشرف عام
    تاريخ التسجيل
    Jun 2006
    المشاركات
    6,763

    افتراضي اخيرا رجعنا......من صلاله الخضراء


    السلام عليكم اخواني وربعي وناسي ...
    اخيرا رجعنا من السفر صارلي فترة ما دخلت المنتدى بسبب السفر والحمد لله رجعنا من الارض الخضراء
    صلالة الجميلة اللى جوها بارد وما تطلع فيه الشمس والرذاذ على مدار الساعة والبحر الهائج والرائع
    وقرصات البعوض اللى ما نسيناها وجبنا معانا عدد لابأس من البعوض في السيارة

    الصراحه الجو هناك ما يتفوت واللى ما سار لين الحين عنده وقت
    الشوارع من منطقة عبري وحتى منتصف الربع الخالي تغيرت وصارت افضل وان كان فيه بعض الحفر
    في المناطق اللى لم يتم تغيير الشارع فيها ..بس كان فيه ملاحظه عدم وجود الاطعمه الكافيه في بعض محطات البترول على الدرب وطوابير السيارات اللى الواحد ينتظر اكثر من نص ساعه لما يجي دوره

    اسعار الشقق ارتفعت بشكل كبير عن السنوات الماضية والمطاعم اسعارها ارخص من الامارات بشكل كبير (صحن لوبستر ب 30 درهم ) ..ولاحظت ان صلاله صارت عائلية هذي بشكل فظيع السنه هذي والشباب قلوا بشكل كبير

    الكورنيش اخترب بعد ما تم ردم جزء كبير من البحر وما عدنا نشوف الامواج وهي تضرب الكاسر

    ونسيت اخبركم عن السيارات الموجودة هناك ...شفت سيارتين جيب SRT8 رقم بوظبي وكورفت وS500 موديل 2006 نوع برابوس رقم بوظبي ؟؟؟!!! مستغرب كيف جاي فيها صلالة وسيارة بنتلي رقم دبي
    والكثير من سيارات اليوكون والتاهو موديل 2007 معظمها من السعودية ...للاسف ما صورت الا الكورفت لان باقي السيارات اما لمحتهم من بعيد او فيها عائلة...

    طبعا اكثر سيارة موجودة هناك هي اللندكروزر اما الصالون فاكثر شي كنت اشوف اللكزس 400 موديل 96 الى 2000 ومعظمها من الامارات

    اكثر صالون يستخدمه العمانيين هو السوناتا الجديد صار اكثر من الكورولا منتشر بسبب سعره وشكلها ومواصفاته ...

    حاولت اني ازور بعض الوكالات ولكن ربعي اللى معاي كانوا بيذبحوني (حتى في السفر ما ترتاح )

    بعض الشباب كانوا يعملون حركة بارقام سيارتهم لما يكون عليها طين ..وهي انهم ينظفون بس رقم واحد واسم المدينة فتبدو االسيارة وكان رقمها احادي ...خخخخ...طبعا هذي مخالفة واحدى الصور توضح هالشي

    [BIMG]http://i22.photobucket.com/albums/b340/GHAREEB/DSCN0378.jpg[/BIMG]

    [BIMG]http://i22.photobucket.com/albums/b340/GHAREEB/S5.jpg[/BIMG]

    [BIMG]http://i22.photobucket.com/albums/b340/GHAREEB/S4.jpg[/BIMG]

    [BIMG]http://i22.photobucket.com/albums/b340/GHAREEB/S3.jpg[/BIMG]

    [BIMG]http://i22.photobucket.com/albums/b340/GHAREEB/S2.jpg[/BIMG]

    [BIMG]http://i22.photobucket.com/albums/b340/GHAREEB/S1.jpg[/BIMG]

    [BIMG]http://i22.photobucket.com/albums/b340/GHAREEB/DSCN0528A.jpg[/BIMG]

  2. #2
    الصورة الرمزية EL_3grab
    EL_3grab غير متصل عضو فعّال جداً
    تاريخ التسجيل
    Jun 2006
    الدولة
    23
    المشاركات
    1,808

    افتراضي

    روعه .. والله روعه .. كان بخاطري اسير صلاله هالسنه ..

    حاولت اقنعهم .. محد راضي ..

    أن شاء الله السنه اليايه .. وأكيد بالأستيشن .. :D

    الحمدالله على سلامتك عزيزي ..

    سلامي

  3. #3
    الصورة الرمزية UAE SPEED
    UAE SPEED غير متصل مراقب عام
    تاريخ التسجيل
    Jun 2006
    المشاركات
    6,436

    افتراضي

    الحمدالله على السلامه اخوي علي ..

    صلاله بصراحه جنة ما شاء الله ، الشمس ما تشوفها مول ، والخضره و الجبال والانهار فكل مكان ..

    ما خبرتنا كم أسعار الشقق والغرف في الفنادق ؟

  4. #4
    Bu_7maid غير متصل عضو فائق التميز
    تاريخ التسجيل
    Jun 2006
    الدولة
    الامارات-دبي
    المشاركات
    6,000

    افتراضي

    اولا : الحمدلله على سلامتك

    وشكرا على الصور الحلوة

    ننتظر جديدك

  5. #5
    الصورة الرمزية غريب السيف
    غريب السيف غير متصل مشرف عام
    تاريخ التسجيل
    Jun 2006
    المشاركات
    6,763

    افتراضي

    مشكورين شباب على الردود ...والله اللى ما سار فاته ...لا شمس لا رطوبه لا حر

    اسعار الشقق كل يوم سعرها يتغير ونحن حصلنا شقة في مكان جدا نظيف عبارة عن غرفتين وحمام وصالة ب 320 درهم في اليوم وبعد مكاسر في السنوات السابقة كنا نحصل نفس الشقق ب 200 درهم باليوم وفيه بعض الشقق سعرها 400 درهم لان الوقت الى سرنا فيه هو وقت ذروة الموسم وصعب ان الواحد يلقى له شقة نظيفة

  6. #6
    أبو محمد غير متصل مراقب عام
    تاريخ التسجيل
    Jun 2006
    الدولة
    الإمارات
    المشاركات
    5,398

    افتراضي

    ما شاء الله تبارك الله ،، صور جميلة والله ..


    ما قهرني الا راعي اللكزس الي مسوي النافذة الخلفية لوحة اعلانات ..



    الحمدلله على سلامتكم ،، ونورت المنتدى من جديد

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14