والله معرض جميل بس ضيق ، المفروض ياخذ له معرض اكبر شوية وخاصة ان عدد السيارات الي عنده كبير ، وبعدين ذوقه في اختيار الألوان غريب شوية ، صح الواحد يحب انه يتميز لكن يتميز بشي جميل .
بالنسبة لمعرض العربة فهو غني عن التعريف وخصوصاً تعديلاته على الـ GMC عام التسعينات وخصوصاً موديلات 97 و 98 و 99 ويجيب سيارات على مستوى وغير متوفره عند الوكلاء , فمثلاً أذكر إنه جاب مره لينكلون كوبية ( طولت ما أحد إشتراها )
عموماً أنا مره إشتريت منه سيارة وكانت الوحيدة في المملكة العربية السعودية ألآ وهي كابريس معدّل موديل 93 لكن والله العظيم ذبحوني الناس بنظراتهم لدرجة كل ما أطلع أحصل ورقة ع باب السيارة يطلب مني بيعها . . وكنت في ذاك اليوم ماني هاوي سيارات زي هالحين . .
مواصفات السيارة :
اللون لؤلؤي يميل إلى الحليبي ( وهذا اللي كان ذابح الناس )
تغيير الصدام الأمامي بالكامل ووضع محلّه صدام يحمل كشافات ( أنوار ضباب )
تغيير الصدام الخلفي بالكامل وأصبح أكثر جمالاً وهو اللي محلّي الموتر
وجود جناح صغير في شنطة السيارة
رنجات على ما أعتقد مقاس 20 أو 18 لا أذكر بالضبط ( نيكل لمّاع )
تغيير مراتب السيارة بالكامل وإستبدالها بمراتب جلد أبيض مكتوب فيه ( العربة )
تغيير المقود ووضع محلّه مقود مبطن بالجلد وفي الوسط نيكل ( كأنه كلاسيكي )
الطبلون كذلك تم تغييره ..
تنزيلة بالموتر ( ذبحتني المطبات الإصطناعية )
ولا أحد يسألني عندك صوره لها . . لأن هذا الكلام قبل 10 سنوات بالتحديد في عام 98 وقت توقف الكابريس . . !!
كانت عندي صور لها بس الله العالم إنها ضاعت و أبغى أدور عليها ودام الموضوع مثبت فـ إن شاء الله إذا حصلتها راح أنزلها بنفس الموضوع هذا . .
طبعاً السيارة بهذلتني , ليست كثرة خرابات بل من كثر مايوقفني رجل المرور وياما حجزوها وطلعتها بتعهد على أن أقوم بتغيير شكل السيارة لأنها لاتحمل أي علامة تدل أنها تنتمي لشركة معينه , اللهم علامات شركة العربة فقط . .
تم شراء السيارة وهي مستعملة , ماشية تقريباً من 70 - 90 ألف فقط وكان السعر على هالمواصفات بـ 43 ألف ريال
وبعتها بعد سنة تقريباً من إستعمالها ومرمطه مع هالمرور بـ 30.000 ألف ريال كنت أبغى الفكه منها , تخيّلوا بنشر علي كفر ولا حصلته إلا في مركز العربة ( نفسهم ) ولا يباع في أي مكان وكان سعر الواحد بـ 1200 ريال وكنت وقتها أدرس وكانت مكافئتي 1900 ريال تبقى لي 700 ريال فقط . .
أتمنى من صاحب الموضوع الرجوع مره أخرى للمعرض والتصوير لأغلب السيارات الموجودة . .
شاكر لك مره أخرى عالتغطية
تسلم والله بس ياخي ماصورت التشارجر وجيب الدوج الابيض والله ناسي اسمه
عالعموم تسلم على الصور ما قصرت وصدق هالمره جايبين مواتر مليان المعرض انا دايم اروح
ما يمتلي زي كذا الزبده تسلم ويعطيك الف مليون عاااافيه
، صح الواحد يحب انه يتميز لكن يتميز بشي جميل .
العرض العادي
