__________________

والسلام عليكم ورحمة الله وبركاته

يا سلام عليك يا اميبالا

يعني بالعربي انته تبغي سيستم احترافي

سؤالك اقدر اجاوبه بأكثر من جواب,, بس في البداية ابغي اسألك كذا سؤال علشان اعرف ايش نوع السماعات الي تناسبك و ايش نوع الووفرات الي تحتاجها و ايش نوع الصندوق الي بنستخدمه
و بالنسبة للميد بيس تراه اكبر غلط انه يخرج من السبووفر,, الميد بيس لازم يخرج من السماعه الي في الباب,, السبووفر للموجات المنخفضة فقط و ليس لتشغيل الميد بيس

اولا كم المبلغ الي تقدر تدفعه ؟؟
ثانيا ايش نوع الاغاني الي تسمعها؟؟
سيستم زي هذا يحتاج على الاقل 5-6 الاف كـ ادنى حد لأنه مثل ما مبين في سؤالك,, فاهم و عارف ايش الي تبيه بالضبط و هذا الشي بيساعدني كثير


بما انك تحتاج الى ساوند ستيج فهذا معناه انك لااااااااااااازم تنسى شيء اسمه سماعات خلفية
لأنه كلمة ستيج تعني مسرح و الصوت في المسرح دائما يكون امامك و ليس خلفك

و هذا هو اساس الاحتراف في عالم الصوتيات
(( انسى شيء اسمع سماعات خلفية, لأنه سماعتين في الامام مع power جيد راح تغنيك عن السماعات الخلفية ))
و بالنسبة للصندوق,, انصحك بنوعين فقط و هم الـ seald اي المغلق او الـ ported و ما انصح بالانواع الاخرى الي ذكرتها لأنها تحتاج الى قياسات دقيقه جدا جدا لتصل الى مستوى البورتيد و السيلد

يعني بالعربي -الله يعزك- صوتهم زباله

المخرج الضوئي مش مهم جدا,,
اي مسجل بمخارج من 4 فولت و اكثر تعتبر ممتازة


جاوب على السؤالين

و ان شاء الله برتبلك احلى سيستم و اذا تبغي ممكن اني اوفرلك الي تبغيه من دبي
و عندنا ماركات محترمه جدا في دبي مثل JLaudio "ملوك السبووفرات" و DLS الي سماعاتهم تعتبر من افضل السماعات و و و الكثير غيرهم

مساء الخير جميعاً

سؤال موجه لاخونا NAS ولايهونون بقية الاخوان

ابي اعرف النظام الصوتي المستخدم في البي ام موديل 1996-2000 Dynamic System Processor

ابي اعرف قياس االسماعت فيه بالواط والا بالأوم؟؟ هل بالامكان اركبه على سيارة ثانية؟؟

مواصفات هذا النظام وسعره وهل هو نفسه مازال مستخدم بالموديلات الجديدة؟؟؟

ياجماعه اذا الاخ NAS1 نده القدره انه يجاوب ويفيد الاعضاء في اسئلتهم

ياريت لو تثبتون الموضوع لانه بيفيد الجميع خاصه موضوع الصوتيات والساوند سيستم

يكون بشكل متجدد والجميع يحتاج يسئل بشكل متجدد ومتكرر ,,,

طبعا هذا اقتراح لان الواضح ان جميع الاعضاء مهتمين بالصوتيات,,,

اخوي NAS ياريت لو عندك بعض المواقع الي فيها صور او اغراض تبيعها

من صوتيات وساوند سيستم وغيره تنزلها في الموضوع

عشان يكون متجدد باستمرار طبعا اذا عندك القدره

وهذا اقتراح مش اكثر ولا اقل

بالمناسبه اخوي انـا دخلت موقع كار دومين وحصلت نوع من المسجلات

الي اسعاره مرتفعه نوعا ما مع انه صغير مش عريض على حجم فتحة المسجل بالكامل

ياريت تذكر مميزاته لنا والشاشه الخلفيه الي فيه تتغير ولا كصوره ولا مثل شاشة التلفزيون تتغير

الله يكرمك أخوي NAS1
إجابة على السؤالين:
1- الميزانية خلينا نقول ماكس 7500 أو أقل...
2- أنا أسمع غربي وتحديدا pop, dance, techno, hip-hop

بس عندي لك طلب الله يكرمك وهو أني أبغى العدة تكون كلها دايركت فت...ما أبغى أقص وأعدل وأحوس السيَّارة...

وعلى طاري الساوند ستيج... فعلا صوت السماعات الخلفية لازم يكون غير محسوس بالنسبة لك بس كمان الراكب الخلفي خليه يعيش شوي...بس فعلا لابد توزن السيستم بحيث ما تحس بوجودها...

والميد بيس كلامك صحيح يبغالها سماعات أو ووفرات مد رينج، مو سب ووفر...

بالنسبة للتركيب كيف؟؟ لأنه مرة مهم...يعني نص الشغل عالتركيب...

تحية لك...

عموموا أنا منتظر الرد منك

__________________

والسلام عليكم ورحمة الله وبركاته

نديم اللطيف

بصراحه ما عندي جواب لسؤالك,,,

لأنه سماعات الوكاله عادة ما تُعرض موصفاتها التقنية
حتى الشركات الصانعة لها ما تعلن عن هذه الموصفات لأنها ببساطه مصممه للعمل فقط في بي أم دبليو الفئة السابعه او لسيارة معينه دون غيرها

و في النهاية خل في بالك نقطه مهمة جدا و هي انه اكثر من 90 % من سماعات الوكاله هي عبارة عن سماعات ورقية و مهما كان صوتها جيد مستحيل توصل لمستويات حقيقية من الجوده

و بما فيها سماعات البي ام و جميع منتجات bose الخاصة بالسيارة
يمكن نستثني من هذه السيارات رولز رويز و مايباخ و لامبورغيني و السيارات الرياضية الغير مشهورة و سيارات جاكور الي تستخدم ارخص موديل من alpine

الي يجعل الصوت جيد في هذه السيارات هو التركيب الصحيح و المضبوط و صدقني لو نقلت السماعات الى سيارة اخرى ما بتحصل نفس النتيجة "الخيالية" الي كانت في البي ام

السر الاكبر

المسجلات هذه شاشاتها مثل التلفزين لكنها مش تلفزيون

انا استخدم الموديل السابق من البايونير الي وضعت صورته و ما شاء الله جودته من افضل ما يمكن

بالنسبة للفرق بين المسجل الكبير و الصغير او ما يسمى 2 din و 1 din

الكبير مميزته انه يحتوي على كاسيت
و ما فيه غير هذه الميزة

المسجل الصغير يشغل شيء واحد كاسيت فقط او سي دي فقط

لكن بشكل عام,, جميع المسجلات الاحترافية هي من النوع الصغير و ليس الكبير لأنه الكاسيت اصلا بدأ ينقرض يوم عن يوم

7500 ممتازه جدا لتركيب سيستم رائع

اذا ما تبغي تحس بوجود السماعات الخلية خلي سماعات الوكاله الخلفية في مكانها وتوزن الصوت بحيث انه 80% منه في الامام و 20% للخلف


اعتقد انه الموستيغ الجديد سماعاته بحجم 6,5 اذا ما كنت غلطان
اذا كانت 6,5 فهذا شيء جيد,, و اذا كانت مثل باقي سيارات فورد تستخدم قياسات شاذه فهذه بتكون مشكله

و سؤالي الاخر هو,, بما انه الاغاني الي تسمعها تعتمد على البيس بشكل كبير

هل تفضل انه يكون عندك سبووفر واحد ولا سبووفرين

انا حاليا مفصل لك في مخي سيستم كويس بس اول شي براجع المحل و بتأكد من الاسعار و ان شاء الله بقولك اليوم,, او بكره

السلام عليكم
اخوي nas1 وين اختفت ردودي بهالموضوع ؟ والله حاجة غريبة

المهم ماعلينا
بالنسبة للعوازل الله يعافيك اذا يمديك تحط لي صورة للشنطة وكيف شكلها النهائي بعد تركيب العوازل

انا بس يهمني اشوف كيف ركبت العوازل في غطا الشنطة لان غطا الشنطة في الاكورد يجي بدون قماش وهذا الشي قاهرني
وشكرا لك

هلا اخوي NAS1
بالنسبة للسبووفرز أن أفضل صوت سب ووفرين 10 أحسن من واحد 12...لأن صوت البنش حقهم أقوى ...صحيح يمكن الـ 12 يكون أعمق بس أنا ما يهمني العمق والـ Extreme low Bass كثيرا...

أيضا أكرر يهمني إن التركيب يكون مرتب جدا يعني ما أبغى أتبهدل في نقاط التفتيش....والله أول عسكري ثور حاشاك يحسب السيستم متفجرات من زود الوايرات وبهدلني تفتيش ومو راضي يقتنع...
ما أبغى أي شي يكون ظاهر للعيان...كل شي مخفي ومرتب ومعزووووول....

بالنسبة للهيد يونيت أعتقد إن اللي يجي على الموستنج جيد ويشغل MP3...ولا ايش رايك؟؟

في الإنتظار على أحر من الجمر...

__________________

والسلام عليكم ورحمة الله وبركاته