>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    الصورة الرمزية rfee3 el mestwa
    rfee3 el mestwa غير متصل عضو متميز
    تاريخ التسجيل
    Jun 2006
    الدولة
    25
    المشاركات
    2,683

    Unhappy مشكلتي مع المشروعات التجاريه ..


    السلام عليكم ورحمة الله وبركاته ...

    حبيت اعرض عليكم مشكلتي سابقاً ولله الحمد تخلصت منها اليوم ...

    عندي هوندا اكورد موديل 2005 و لله الحمد ماشيه معاي 51 ألف ولله الحمد والشكر لم أشتكي منها أبداً مع إني أقطع بها مسافات طويله يومياً و غير اللف والدروان ...

    مشكلتي بدت يوم شليت بعمري و يا السيارة على الوكاله عشان افحصها على الــ 40 ألف و دخلت للأسف عند واحد مواطن إماراتي كنت أحترمه و أروح عنده كل ما عندي حادث ولا موضوع في الوكاله وجيت عنده يوم 40 ألف قلتله ابغي افحص السيارة و قلتله عندي مشكله صوت يوم أرجع بالسيارة للخلف و خاصه عند الضغط على البريك قالي مب مشكله و دخل على الكمبيوتر و قال بس إنته ماجبتها على 30 ألف ولا 10 آلاف و قلتله هذا الكلام( انا جيت لكم السيارة على 14 ألف قلت ابغي اسوي السيرفس مال 10 آلاف قالو لي جيبها على 20 ألف و قلتلهم الضمان مابيطير قالوا لا ) قال مايصير و جي عيل الضمان طار عليك كيف يطير الضمان !!! , ( الضمان اللي عاطينيي الشركة 3 سنوات من دون تحديد الكيلومتر ) قالي طار عليك اخوي قلت له والله حسافه إن الواحد يضمن كلام الوكالات و طلعت من الوكاله معصب و حتى إتصل في مدير الخدمه و قاله موضوعي قالي السالفه فيها جير وما اعرف شو ( قيم و عرف شو بالسيارة من دون مايشوفها المهندس ) المهم ما ادري إلي كلمه المدير و لا واحد عادي قال الضمان طار عليك , طلعت من الوكاله..

    وقبل البارحه سرت الوكاله أبغي أفحصها و أشوف شو اللي يباله تغيير و بدفع لهم وما بتريا شي على الضمان لأني خلاص شليت من بالي هذي الفكره , رحت عند الهندي وكلمته و قالي فالك طيب ( على قولته مافي مشكله ) قالي ماسويت فحص 40 ألف قلتله السالفه قال الضمان مايطير عليك بهذي السهوله لأنك جبت السيارة و بغيت تفحصها , المهم قلتله سولي الفحص و إذا فحصتها بيرد الضمان قالي بيرد و الحمدلله ماقصر و سويت الفحص و ردلي الضمان من دون اي كلام ولف و دوران مثل ماسوا أخو العرب , اللي زعلني يا إخوان إن الهندي صار أحسن عن المواطن في مراعاة الزبون .. الله لايبليكم بالمشاكل يارب و يبعد عنكم كل سوء , إسمحولي على الإطاله ..

  2. #2
    الصورة الرمزية EL_3grab
    EL_3grab غير متصل عضو فعّال جداً
    تاريخ التسجيل
    Jun 2006
    الدولة
    23
    المشاركات
    1,808

    افتراضي

    الحق ما يضيع .. وهذا "المواتن" ما أقوله الا ان الله يمهل ولا يهمل ..

    ولاتنسون دعوة المظلوم مستجابه .. ما أوصيكم .. :D

    الصراحة توني أدري انه الضمان يطير منك اذا ماكنت متابع التجييك ..(لو صدق)

    والله ييسير أمور جميع المسلمين يالله ..

    صح .. السيارة طلع فيها شي ؟؟
    التعديل الأخير تم بواسطة EL_3grab ; 21-08-2006 الساعة 06:46 AM

  3. #3
    كيف غير متصل عضو فعّال جداً
    تاريخ التسجيل
    Jun 2006
    الدولة
    UK-Cardiff
    المشاركات
    1,891

    افتراضي

    معليك منهم صارت لي هالسالفه من زمااااااان كان عندي اوبل وما أسوي الصيانه بالوكاله وكان بالسياره عطل قالي انت ماتشيك بالوكاله قلت له انتوا حراميه تشييكم غالي وانا اشيك على السياره برع بس صلحوها غصبن عليهم

  4. #4
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    اخوي

    انت اي وكالة ويدت السيارات بدبي ولا الشارقه؟

    الضمان اخوي موجود على المواطن او غير مواطن ، مهم انت سيارتك تسويها فحص دوري بالكامل مايضيع حق الضمان.

    مب شرط اودي سيارتي كل 5000 اذا عندك مشكلة ، وكل 10 الف هذا احسن شي.

    وحط لك زيت محرك بــ 10 الاف كلم وانت مرتاح، الصيانة عندهم حلوة ، انا تعاملت بدبي معاملة احسن مافيه من هوندا ولا جيب ودوج ولاكلريلزر؟

    اصلا هم مب خسرانين لان السيارة تجي من اليابان وعليه ضمان 6 سنوات وكل شي يخترب الوكالة تستبدله وترجعه لليابان.

    عندك المدير وعندك المركز الاقليمي للمشروعات التجارية بسيتي سنتر او جبل علي.

    وحتى خدمة الهاتف من الشركة يوم يتصل عليك وخبرهم الوضع.

    بالتوفيق

  5. #5
    الصورة الرمزية that me
    that me غير متصل مشرف سابق
    تاريخ التسجيل
    Jun 2006
    الدولة
    الرياض
    المشاركات
    2,438

    افتراضي

    يا اخوي مو شرط ان الوافد افضل من المواطن .. بالعكس ... اكثر الاوقات المواطن باسلوبه افضل من الوافد ... وبعدين اصابع يدك مو وحدة ...
    اما الوكالات فمثل هالقصه صارت لي مع ساماكو ((وكيل VW & بورش & اودي)) لما اختربت سيارتي البولو الله يذكرها بالخير وكان الخراب على الضمان جلسوا يماطلون بي اكثر من 4 شهور مرة يقولون على الضمان ومرة على حسابي الخاص ... بالاخير كلمت مواطن كان مسوؤل الصيانة استعجل بالموضوع وما جلست اكثر من يوم الا وهي طالعه كانها البخت ...

  6. #6
    الصورة الرمزية UAE SPEED
    UAE SPEED غير متصل مراقب عام
    تاريخ التسجيل
    Jun 2006
    المشاركات
    6,436

    افتراضي

    والله ياخوي الله يعينك ..

    تصدق بالنسبه لي وديت موتري عندهم في تشييك الألف كيلو بس ( المجاني ) ..
    ومن عقبها مسولهم طاف ، وكله أبدل الآيل في المحطه الكبرى !
    بس ناوي اودي موتري لتشييك الـ 40 الف ، وبخليهم يسوولي فحص كامل ..

    على فكره تقدر تتفق معاهم مثلا انك تودي موترك كل 40 الف وتسوي للموتر فحص كامل ..
    بهالطريقه الضمان ما بيطير عليك ، لأنك بتراجعهم كل فتره وفتره .. :)

صفحة 1 من 2 12 الأخيرةالأخيرة

المواضيع المتشابهه

  1. مشكلتي مع سيارتي
    بواسطة soul eater في المنتدى قسم السيارات العام
    مشاركات: 0
    آخر مشاركة: 14-09-2010, 07:27 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14