بسم الله الرحمن الرحيم
حبيت اعرض طريقة تحويل لاندكروزر 2003 الى 2007 اخر شكل قبل ماينزل الشكل الجديد
طبعا كنت حريص ان اقلبة قلب كامل واهتم في ادق التفاصيل
طبعا العملية تضبط على موديلات 2003 وفوق اكثر من 2002 وتحت نتيجه ان الطبلون الداخلي مختلف وفي تفصيلات صغيره تنصاد في القدام اضافه الى ان السياره يوم تكمل 7 الى 10 سنوات بدون اهتمام يبهت لونها وماينفع تنقلب
المواد الي تحتاجها
بالنسبة لي الداخليه طبق الأصل لداخلية 2007 سبق ان اشتغلت عليها المشكله في الخارجية
وراح تحتاج الى
لمبات خلفية
لمبات امامية
ستاير وقاعده تيجي تحت المبات الأماميه
شبك
خطوط علوية
خطوط سفلية
دواسة
كفر وينش ((اختياري))
وفي تفصيلات كانت تنقص سيارتي مثل السينير وبعض العلامات الذهبية ركبتها
طبعا كل القطع اصلية غير السينير والدواسه لأن استخسرت ادفع مبلغ كبير وفي بدايل ماتفرق
عشان الشغل يكون 100 في 100 صبغت الصدام الأمامي وازلت الخدوش الي على السياره في محل اسمه جلاس في الدوحه شغله ممتاز جدا وشال لي الخطوط بالحراره وسويت بوليش خفيف
في البداية ازلت الخطوط وفي بعض القطع مركبة بس الوجه قديم شكل السياره قبيح جدا
بعدها وديت السياره حق حمزه ((من اكبر تجار محلات قطع الزينه باكستاني الجنسية عده طقم عامل متخصص في الاندكروزر)) طبعا دخلت معاه في نقاشات حاده على السعر لأن كل شغله تركيب بس انا محتاجه لأن عنده ناس تشتغل اوكي طبعا كالعاده يفهمني ان انا عميلة وصديقه بس مشها
الي ركب الخطوط هو المطوع المتخصص
بوعارض متخصص سينير
وفي طقم مثل الي في الفورملا1 لتركيب الوجه
وهذه النتايج النهائية قبل وبعد
قبل
بعد
قبل
بعد
بالنسبة للتكاليف القطع كلفت حوالي 3000 الاف ريال والتركيب مع الصبغ ومع بعض النثريات تقريبا2000 ريال الإجمالي اقل من 5000 ريال وسعر ممتاز مقارنه ان هذه المبلغ ممكن يكون صدام سياره منافسة مابي اقول اسمها
اتمنى عجبكم الموضوع
تحويل لاندكروزر 2003 الى2007 اخر شكل بالتفصيل
العرض العادي
