>



النتائج 1 إلى 5 من 5
  1. #1
    الرئيسي غير متصل عضو نشيط
    تاريخ التسجيل
    Feb 2008
    المشاركات
    90

    افتراضي انطباعي عن يوكن دينالي 2007


    بسم الله الرحمن الرحيم



    في البداية احب اشكر القائمين على هذا الموقع والاعضاء على جهودهم ..
    حبيت ابتدي مشواري معاكم بهذا الموضوع ..

    طبعا اختياري للون العنابي لندرته في الشوارع .. حيث اني ما شفت حد عنده دينالي عنابي الا من اسبوع بس !! هههه

    معلومات عن السيارة :

    الاسم : GMC Yukon Denali
    الموديل : 2007
    اللون : عنابي او RED SPORT
    المحرك : Vortec 6.2L V8 على طول
    العجلات : 20 انش المونيوم
    السعر : 180 الف درهم ( مع الفايدة 200 الف)
    الضمان : 5 سنوات او 100 الف كيلو ( عرض العيد )
    لا تحتوي على : النفجيشن و الكيمرا الخلفية (لازم ادفع 15 الف دهم) – الدواسات ثابتة
    الوكيل : الوطنية للسيارات – الشارقة
    تاريخ الشراء : شهر 11 من عام 2007

    بعد مرور 3 اشهر على استلامي للسيارة .. هذي بعض الامور اللي واجهتها و الانطباعات اللي طلعت بها

    الايجابيات اللي شفتها :
    السيارة لها هيبة وقوة جبارة سواء في الشارع او البر

    ثبات على الطريق وراحة تامة اثناء القيادة لمسافات طويلة ( يوميا اقطع مسافة 150 كيلو )

    رحابة من الداخل وكبر المساحة

    النظام الصوتي فيها اكثر من ممتاز

    نظام تدفئة الكراسي اثبت فعاليته خصوصا اثناء موجة البرد اللي اجتاحت البلاد !!

    فتحة AUX الخاصة بالipod

    لا تمل من قيادتها


    السلبيات اللي احبطتني :
    الجودة السيئة لقطع السيارة .. قبل ما اكمل 1500 كيلو .. مقبض السايق انفلت و انخشع !! وديتها الوكالة وركبوا وحده يديدة الين ما كملت ال8000 كيلو .. انخشع المقبض الراكب الخلفي !!!

    عداد البترول مخرف .. اعبيه فل وبعد ساعة يعطيني ان باقي النصف !!

    (ملاحظة : المشكلتين اللي فوق واجهت اخوي اللي شاري دينالي اسود 2007 من بن حمودة في ابوظبي .. هالمشاكل من المصنع )

    موضع طفاية الحريق سيء للغاية

    خدمة ما بعد البيع عند الوطنية للسيارات سيئة جدا لدرجة اني اتصلت على المكتب الرئيسي في دبي واشتكيت عليهم

    عدم وجود زينون مع ان سيارات قيمتها 120 الف واقل فيها زينون

    استهلاك عالي للبنزين في نظري .. الفل : 135 درهم .. تمشيك في المدينة 400 كيلو تقريبا .. والخطوط حوالي 550 كيلو ..

    عدم وجود CD-CHANGER (يمكن لاني ماخذ بدون نفجيشن)

    عدم وجود بلوتوث اللي تقدر تلاقيها حتى في ارخص السيارات !!

    نصائح ..
    اي شخص حب يشتري يوكن .. ياخذه من بن حمودة لانه ارخص من الوطنية وبمواصفات احسن
    .. يطلب من الوكالة اول شيء اعادة تركيب جميع مقابض الابواب عشان تتفادي المشاكل في المستقبل.. ثانيا اعادة برمجة عداد البترول واللي ياخذ يوم كامل عند الوكيل !!
    تغيير مكان طفاية الحريق .. الاستعلام عن المنظرة اللي تحتوي على بلوتوث ..
    [/COLOR]

    ملاحظة اخيرة .. سعر السيارة حاليا يتعدى ال205 آلاف درهم

    اخيرا .. اذا عندكم اي سؤال انا حاضر ان شاءالله ..
    اخوكم ^_^

  2. #2
    الصورة الرمزية AMG
    AMG
    AMG غير متصل مراقب عام
    تاريخ التسجيل
    Jun 2006
    المشاركات
    13,173

    افتراضي

    مشكور الغالي على التقرير المفيد وهذا عيب الأمريكي الجودة فيه تعيسة

  3. #3
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    خالي ماخذ نفس الموديل و نفس للون بس XL

    خخخخخخ

    يعني مب بس انت الوحيد

  4. #4
    الصورة الرمزية غريب السيف
    غريب السيف غير متصل مشرف عام
    تاريخ التسجيل
    Jun 2006
    المشاركات
    6,763

    افتراضي

    والله انا كنت مفكر فيها بجدية ...بس بعد اللى عندهم قالوا فيها شيئين كريهين ..

    صرف بترول موطبيعي ابدا ..والثاني تتخلخل بسرعة من داخل ...

    واحد من معارفي طاحت عنده القطعه البلاستيك اللي تجي جنب باب السايق ..والثاني يسمع اصوات البلاستيك تصاوي لما يطلع من القرقرة ...

    بصراحه حرام فيها السعر هذا ..
    بس بشكل عام قوية ومريحه ولها حضورها في الشارع

  5. #5
    الرئيسي غير متصل عضو نشيط
    تاريخ التسجيل
    Feb 2008
    المشاركات
    90

    افتراضي

    AMG

    معاك حق .. الحمدلله اني ماخذت اسكاليد ولا كنت صدق بتغصص .. في الوكالة سعرها 260 درهم تقريبا !!! على سيارة امريكية !!!!

    C A D I L L A C

    انا ما قلت اني الوحيد
    بس هاللون مب منتشر شرات الاسود والابيض !!
    عالاقل في الشارجة اذا شافوا السيارة يعرفون اني راعيها لوووول

    غريب السيف

    بالنسبة للصرفية .. على اساس انه احسن من الموديل القديم بوااااايد
    لكن اذا تحب .. خذلك اليوكن العادي .. لانه فيه نظام يخلي المحرك يشتغل على 4 سلندر في المدينة و 8 عالخطوط وسعره 160 الف درهم تقريبا .. والحين بينزل اصدار الهيبيرد اللي اقتصاديته للبترول كبيرة بشكل ما تتصور !! ( هاللي خبروني عنه )

    اما بخصوص الجودة التعيسة .. للاسف هالشي متعودين عليه في اغلب السيارات الامريكية



    اشكركم على مروركم

المواضيع المتشابهه

  1. انطباعي عن cts-v
    بواسطة jeep-co في المنتدى قسم السيارات العام
    مشاركات: 15
    آخر مشاركة: 15-09-2010, 08:46 AM
  2. جديد : دينالي هوائيات وبرمجة vs جيب vs srt8 بي ام دبليو x6 .. (( السعودية ))
    بواسطة Brhoooom2009 في المنتدى قسم السيارات العام
    مشاركات: 4
    آخر مشاركة: 25-08-2010, 12:58 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14