>



صفحة 1 من 9 123456789 الأخيرةالأخيرة
النتائج 1 إلى 6 من 50
  1. #1
    الصورة الرمزية zz_boy50
    zz_boy50 غير متصل عضو نشيط
    تاريخ التسجيل
    Jun 2006
    الدولة
    Portland , OR
    المشاركات
    123

    افتراضي تجربة Infiniti G37S موديل 2008


    السلام عليكم



    هذي اول تجربة لي فلذلك اعذرونا عالقصور وقلة الصور لان الجو صراحه ماوقف مطر يالله لقيتها فرصه وقف المطر اليوم وقلت اصور السياره واعطيكم انطباع عنها, والمجال مفتوح لاي اسئله طبعا

    والشكر موصول لاخوي ابو محمد لرفعه الصور على الموقع



    - محرك ذو 6 اسطوانات حجمه 3.7 لتر بقوة 330 حصان.

    - شاشه (تعمل باللمس ايضا) مجهزه بنظام ملاحه يعطيك حركة المرور على الخريطه. (سوف يتم شرحه بالصور)



    الخط الاخضر بجانب الطريق يمثل انسيابيه في المرور بينما الخط البرتقالي يمثل بطء الحركه قليلا احيانا يظهر خط احمر يمثل بطء شديد في حركة المرور

    - مشغل اسطوانات يدعم صيغة MP3 و WMA, هاردسك داخلي بمساحة 4 قيقا بامكانك حرق الاسطوانات لتخزينها, مدخل للاي بود, XM راديو, مدخل للفلاش ميموري.



    - غيار سرعة ذو 5 سرعات (نوعين D القياده الطبيعيه, DS للقياده الرياضيه) بتقنية تبترونيك مع غيار سرعة اضافي على المقود ( Paddle Shifter ) (ال Paddle Shifters خاصه بالنسخه الرياضيه).



    - كراسي كهربائية للسائق والراكب الأمامي ( بـ 8 وضعيات للسائق و 6 وضعيات للراكب الأمامي ) .

    - ذاكرة لحفظ وضعية كرسي سائق السيارة .

    - نظام صوتي من نوع BOSE ب 11 سماعه, السماعات ضخمه جدا وتعطيك جو حلو





    - نظام إضاءة زينون بالاضافه ل Bi-Xenon, ايضا واجهه السياره مختلفه عن ال G37 Journey بتشوفون الفرق بين الصورتين ايضا لاحظوا الجنوط مقاس 18 على الصوره اللي جبتها للمقارنه





    - أضواء خلفية LED .



    - جنوط مقاس 19 (خاصه بالنسخه الرياضيه)



    - المقاعد بتصميم رياضي (خاصه بالنسخه الرياضيه) مجهزه بتدفئه للركاب الاماميين







    - كلمة INFINITI على دواسه الرجول الله يكرمكم تشتغل بنور ابيض عند فتح الابوب (خاص بالنسخه الرياضيه)



    -خاصية البلوتوث وامكانية استخدامه عبر الشاشه باللمس



    -كاميرا خلفيه سهله ومزوده بخطوط للمساعده على الوقوف بسهوله



    وهنا كيف شكلها بالشاشه



    الايجابيات

    1- محرك رهيب قوه وصوت مايحتاج.
    2- انسايبيه جدا وعزل الهواء اكثر من ممتاز.
    3- جسم السياره لايتحرك في المنعطفات او عند التوقف المفاجيء.
    4- التكنولوجيا غير معقده ابدا وسهلة الاستخدام.

    السلبيات

    1- مجهزه فقط ل 4 ركاب, المقاعد الخلفيه مفصوله بحاجز بلاستيكي.
    2- منطقة التخزين الخلفيه (الشنطه) صغيره جدا, في البروشور مكتوب كافيه لشنطتين قولف :)


    3- الجلد حساس جدا مع المطر, اذا لمسه المطر لازم يتنظف عشان تروح اثار الماء او سوف تبقى كخطوط بيضاء عالجلد.
    4- الخيارات محدوده للالوان الداخليه(غالبا جلد اسود), الا اذا بتنتظر 3 شهور وتطلب اللون اللي تبيه.


    هذي كم صوره زياده



    هنا الطبلون جميل مزود باناره زرقاء خلفيه



    هنا تظهر ادوات التحكم من المقود



    صوره زياده للكاميرا الخلفيه


    زر التشغيل



    زر الدخول في مقبض الباب



    دعست عليها مره وحده من 60 ميل الي 130 ميل صراحه بغمضة عين وصلت ل 130 ميل وهي مرتاحه, الى الان لم يصدر شي رسمي بس اتوقع تقدر تطيح ال 335 وهي مرتاحه

    العزل الصوتي ممتاز جدا لكنه لم يصل لمرحلة لكزس, بس الجو الداخلي جوا السياره هاديء جدا الا اذا حطيت رجلك عالدواسه بتسمع صوت المكينه

    البريكات اكثر شي عجبتني بالسياره خصوصا بالتوقف المفاجي جربتها بال test drive قوووي جدااا وايضا لما تظغط البريك جسم السياره ماينزل للامام يظل ثابت زي ماهو ونفس الكلام لما تسوق السيارات بالمنعطفات

    ثبات السياره جربتها باسوء ظروف مطر شديد وطالع جبل مليء بالمنعطفات والطريق ليين رايح وليين جاي, السيارات العاديه بتاخذ المنعطفات بسرعة 40 ميل انت راح تاخذها بدون ماتحس بسرعة 60 الى 70 ميل وماراح تحس بجسم السياره يتحرك اثناء المنعطفات, جسم السياره متوازن جدا يبقيها مستقيمه في اغلب الحالات

    نتقبل جميع الاقتراحات ياشباب

    اخوكم عبدالله
    التعديل الأخير تم بواسطة zz_boy50 ; 13-02-2008 الساعة 01:44 AM

  2. #2
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    بالنسبه لاول تجربه

    شي جميل

    لكنك بس ذكرت مواصفات السياره
    ما ذكرت انطباعك عن السواقه
    الشي الوحيد الي عطيتنا انطباعك عنه هو السماعات

    بس عالعموم لانها اول تجربه جيده

    ما خبرتنا عن تسارعها كيف
    العزل - البريك - الثبات - التسارع . . .

    وايد اشياء ما خبرتنا عنها اتمنى تفصل اكثر لو سمحت :)

  3. #3
    الصورة الرمزية zz_boy50
    zz_boy50 غير متصل عضو نشيط
    تاريخ التسجيل
    Jun 2006
    الدولة
    Portland , OR
    المشاركات
    123

    افتراضي

    والله وانا اخوك التسارع رهيب جدا

    دعست عليها مره وحده من 60 ميل الي 130 ميل صراحه بغمضة عين وصلت ل 130 ميل وهي مرتاحه

    العزل الصوتي ممتاز جدا لكنه لم يصل لمرحلة لكزس, بس الجو الداخلي جوا السياره هاديء جدا الا اذا حطيت رجلك عالدواسه بتسمع صوت المكينه

    البريكات اكثر شي عجبتني بالسياره خصوصا بالتوقف المفاجي جربتها بال test drive قوووي جدااا وايضا لما تظغط البريك جسم السياره ماينزل للامام يظل ثابت زي ماهو ونفس الكلام لما تسوق السيارات بالمنعطفات

    ثبات السياره جربتها باسوء ظروف مطر شديد وطالع جبل مليء بالمنعطفات والطريق ليين رايح وليين جاي, السيارات العاديه بتاخذ المنعطفات بسرعة 40 ميل انت راح تاخذها بدون ماتحس بسرعة 60 الى 70 ميل وماراح تحس بجسم السياره يتحرك اثناء المنعطفات, جسم السياره متوازن جدا يبقيها مستقيمه في اغلب الحالات

  4. #4
    الصورة الرمزية OFF ON
    OFF ON غير متصل عضو نشيط جداً
    تاريخ التسجيل
    Nov 2007
    المشاركات
    391

    افتراضي

    ما شاء الله
    الله يهنيك فيها اخوي
    تقرير حلو وصور ممتازة
    شكرا جزيلا

  5. #5
    الصورة الرمزية غريب السيف
    غريب السيف غير متصل مشرف عام
    تاريخ التسجيل
    Jun 2006
    المشاركات
    6,763

    افتراضي

    يا هلا والله باخوي ..والله انت على الوعد وحطيت الموضوع اسرع مما توقعت ...
    ورغم انت كنت مستعجل شوي بس ذكرت اشياء حلوه في السيارة ...

    وقد تم تثبيت الموضوع لانه حصري وسباق حيث انها التجربة الاولى في جميع المنتديات ...

    بس ودي منك شي لو تقدر .. صور زيادة من زوايا مختلفة وصور للمقاعد الخلفية مع صور المساحه المخصصه لارجل ركاب الخلف ..عشان ناخذ انطباع اكثر عن مدى وسع السيارة ...

    ومبروك عليها ..وبصراحه افتخر اني اول شخص نصحك فيها ..وانشالله ماتندم والله يكفيك شرها

  6. #6
    الصورة الرمزية zz_boy50
    zz_boy50 غير متصل عضو نشيط
    تاريخ التسجيل
    Jun 2006
    الدولة
    Portland , OR
    المشاركات
    123

    افتراضي

    اقتباس المشاركة الأصلية كتبت بواسطة غريب السيف مشاهدة المشاركة
    يا هلا والله باخوي ..والله انت على الوعد وحطيت الموضوع اسرع مما توقعت ...
    ورغم انت كنت مستعجل شوي بس ذكرت اشياء حلوه في السيارة ...

    وقد تم تثبيت الموضوع لانه حصري وسباق حيث انها التجربة الاولى في جميع المنتديات ...

    بس ودي منك شي لو تقدر .. صور زيادة من زوايا مختلفة وصور للمقاعد الخلفية مع صور المساحه المخصصه لارجل ركاب الخلف ..عشان ناخذ انطباع اكثر عن مدى وسع السيارة ...

    ومبروك عليها ..وبصراحه افتخر اني اول شخص نصحك فيها ..وانشالله ماتندم والله يكفيك شرها
    لو تلاحظ بالصور السياره كانت وصخه من المطر عشان كذا ماتحمست اصورها واجد من برا

    بس ان شاء الله يتحسن الجو ننظفها من برا واسوي البوم كامل

صفحة 1 من 9 123456789 الأخيرةالأخيرة

المواضيع المتشابهه

  1. مطلوب لكزس GS300 موديل 2008
    بواسطة نسمةهوا في المنتدى قسم البيع والشراء
    مشاركات: 6
    آخر مشاركة: 06-09-2010, 12:29 PM
  2. تجربة قيادة شفرولية سلفيرادو 2008 Chevrolet Silverado Test Drive
    بواسطة grandv8 في المنتدى تجارب السيارات
    مشاركات: 68
    آخر مشاركة: 19-03-2009, 06:03 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14