رجفة في السيارة

max911 · 15-02-2008, 11:21 AM

أخوي عنده مشكلة في سيارته و هي شفروليه أوبترا موديل 06

المشكلة هي بعد ال100 كم تبدأ السيارة ترجف و صوت المكينة يكون عالي

و يوم تقعد في الكرسي الخلفي تسمع صوت التواير

احس ان السيارة مافيها عازلية

افيدوني ارجوكم.

grandv8 · 15-02-2008, 01:57 PM

السلام عليكم ورحمة الله وبركاته

اخي الكريم

السيارة كم ماشية الحين.

اكيد في عده اسباب منها:

انتهاء صلاحية الاطار

مسح اطراف الاطار.

ميزانية للاطارات

اما صوت المحرك عالي اكيد محرك 4 سلندر وقوته ضيعفة واكيد بتحس ان المحرك يكون صوته مزعج.

حياك الله

max911 · 15-02-2008, 02:04 PM

مشكوووور أخوي على ردك

بس صوت المحرك مايتعدل
و خاصه في السرعات العالية بعد ال150 كم يزيد

و أما الااطارات فكلها جديدة و من نوع فالكن

الزرعوني · 15-02-2008, 03:38 PM

والله غريب ياخوي ..

جيكت على كراسي المكينة ؟

bashar_255 · 15-02-2008, 04:11 PM

العزل الصوتي في الأوبترا تعبان.. ويش كنت تتوقع من دايو ؟

شيك على المساعدات و كراسي القير و المكينة و ان شاء الله بسيطة

max911 · 15-02-2008, 04:33 PM

اقتباس:

جيكت على كراسي المكينة ؟

لا كراسي المكينة ماعتقد لان مرة استوتلي في مكسيما

اقتباس:

شيك على المساعدات و كراسي القير و المكينة

يمكن المساعدات يبالها تضبيط

و مشكوووورين على مساعداتكم

فــيــاجــرا 600 · 15-02-2008, 11:24 PM

صارت عندي نفس المشكلة
وطلع العيب في الإطارات وكرسي المكينة
وضبطت ميزانية الرود

والحين الحمد لله كل شي تمام

max911 · 17-02-2008, 06:09 PM

مشكوووورين

و مثل قال بعضكم ميزانية الاطارات
و خلاص صلحت السيارة و طلعت مشكلة في الميزانية