تجربة قيادة بي ام دبليو BMW X5 V6 2008 - الصفحة 2

Ra3i Al StaTiOn · 23-02-2008, 11:59 AM

كم سعرها ؟

الزرعوني · 23-02-2008, 01:22 PM

تقرير اكثر من رائع اخوي عاشق الالماني ..

بصراحة ما كنت اعرف ان الاكس 5 اتيي بـ 3 مكاين !!!

كنت احسب بس 4.8 و 3.0 للـ 6 سلندر .. اثاري خلوها 4.0 !!

that me · 23-02-2008, 01:26 PM

الاكس فايف الجديد عليه طلب .... الاسبوع اللي فات راح عمي علشان يشتري قالوا لازم حجز والدفعه الجاية كلها محجوزه علشان كذا لازم تصبر للدفعة اللي بعدها ...
مواصفات السيارة حلوه ..... عيبها الوحيد الوكيل ((الناغي)) تعاملهم مايليق بسمعة الشركة ..

عاشق الالماني · 23-02-2008, 03:37 PM

اقتباس:

المشاركة الأصلية كتبت بواسطة راعي الرنج

مشاء الله أخوي موضوع جميل

بصراحه افضها عن الكاين

حياك الله ياراعي الرنج ..

انا بصراحه قبل كنت افضل الكايين ولكن بعد ماجربت البي ام غيرت رايي

اقتباس:

المشاركة الأصلية كتبت بواسطة Saloo7

تسلم يا الغالي على الموضوع و المجهود الرائع ...

الله يسلمك يالغلا ... وهذا اقل مجهود نقدمه للمنتدى

اقتباس:

المشاركة الأصلية كتبت بواسطة C A D I L L A C

الاكس فايف سياره خطيره

احسها هي خذت المنصب من بعد الرانج روفر سابقا كافضل جيب اوروبي
مع اني مؤمن ان الشركات الاوروبيه اصلا ما تصلح لها الفئه

بس الاكس فايف فنانه

خاصه المحرك الكبير 4,8
وايد قوي

هلا فيك بوعلي ...

كلامك سليم الاوربي ماينفع للرمل ولكن احس الاكس فايف افضلها .

وبصراحه تمنيت اني اجرب المحرك الكبير .. لكن ماشي تجربه منه واغلب الجديد منه محجوز

اقتباس:

المشاركة الأصلية كتبت بواسطة Ra3i Al StaTiOn

كم سعرها ؟

هلا فيك ..

سعرها 165 الف ريال سعودي

اقتباس:

المشاركة الأصلية كتبت بواسطة الزرعوني

تقرير اكثر من رائع اخوي عاشق الالماني ..

بصراحة ما كنت اعرف ان الاكس 5 اتيي بـ 3 مكاين !!!

كنت احسب بس 4.8 و 3.0 للـ 6 سلندر .. اثاري خلوها 4.0 !!

حياك الله يالزرعوني ..

هذا من طيبك والله .

على حسب كلام الموظف هم حبوا يكثرون من الخيارات للعملاء

اقتباس:

المشاركة الأصلية كتبت بواسطة that me

الاكس فايف الجديد عليه طلب .... الاسبوع اللي فات راح عمي علشان يشتري قالوا لازم حجز والدفعه الجاية كلها محجوزه علشان كذا لازم تصبر للدفعة اللي بعدها ...
مواصفات السيارة حلوه ..... عيبها الوحيد الوكيل ((الناغي)) تعاملهم مايليق بسمعة الشركة ..

والله حنا مانتشر كثير لكن الوكاله نفس الشي يقولون عليه طلب وفعلاً الثمانيه سلندر مخلص

والسته اغلب الالوان مب موجوده .

الوكيل تحسنت معاملته .

الرئيسي · 23-02-2008, 07:56 PM

تقرير اكثر من رائع .. يعطيك العافية ..
عن نفسي .. ما استسيغ السيارات الكبيرة اللي تيي ب 6 سلندرات !!

هالفترة قمت وايد افكر بالاكس 5 4.8

لكن الوكالات اللي عندنا قاصينا قص بالاسعار

طرشت ايميل لشركة بي ام في امريكا اشتكي من ارتفاع اسعار السيارات مقارنة باللي عندهم
وردوا علي في نفس الوقت

وهذا جوابهم

Dear Mr. Alraeesi:

Thank you for contacting BMW of North America, LLC regarding the pricing practices of BMW UAE. I was sorry to hear of your disappointing sales experience with this authorized BMW center. On behalf of BMW of North America LLC, I apologize.

BMW centers are independently owned and operated and responsible for their representations, sales, policies, and procedures. Each BMW center determines the details of their own sales transactions, including selling price. I suggest discussing your concerns with BMW UAE management.

We strive to be attuned to our valued owners and appreciate the feedback our customers provide to us. Please be assured your comments have been forwarded to the management at BMW UAE. Again, we thank you for taking the time to notify us about the situation you experienced.

If you have any further questions, please respond to this e-mail or contact the Customer Relations and Services Department at 1-800-831-1117, Monday through Friday from 9:00 A.M. to 9:00 P.M., Eastern Standard Time. Again, thank you for contacting BMW.

Sincerely,

Laurie Burkland
Customer Relations and Services
Representative

grandv8 · 23-02-2008, 09:53 PM

السلام عليكم ورحمة الله وبركاته

تجربة حلوة وموفقة منك اخوي.

حبذا لو كان التصوير بالنهار لطلعت الصور اجمل مع عرض تصوير فيديو منها.

من خلال مشاهدة المحرك 6 سلندر.

الشكل الخارجي حلو جميل وله هيبة قوية.

ولكن من الداخل طغى عليه اللون الاسود ، واعطئ السيارة من الداخل بالكـأبة.

لون الكرسي حلو ويعجبني اللون هذا ولكن مع الكونسول والعدادات لم تكن موفقة.

حركة القير حركة جديدة من بي ام دبليو وطبقتها اول شي على اكس 5.

بخصوص محرك 6 سلندر لم تكن هناك سيارة رياضية نفس محرك 4.8.

اخوي عبدالرحيم بخصوص القومة كيف كانت؟

وصرفية البنزين وهل هي مانسبة مع المحرك؟

جزاك الله خير

عاشق الالماني · 24-02-2008, 01:41 AM

فيه فيديو للتسارع + فيديو قومه مع تاهو LT ترقبوها

غريب السيف · 24-02-2008, 08:38 AM

هلا اخوي عاشق الالماني ..مستواك في الطرح تطور كثيرا بالمقارنة مع تجربة الكاديلاك السابقة
وتستحق الشكر والثناء على مجهودك الرائع ..لكن تمنيت لو كان التصوير في منطقة بها انارة كافيه حتى تظهر الصور اكثر وضوحا...

السيارة تطورت كثيرا والجميل فيها الخيارات العديدة التي توفرها الشركة من محركات واكسسوارات خارجية ورنجات والديكور الداخلي مما يجعل الزبون يختار مايشاء من مواصفات ..

لكن لي سؤال ؟؟ كيف هو أداء المحرك هذا في الشارع وكيف صوته ؟؟؟
سيارة التجربة بخمس مقاعد وتوجد فئة ب سبع مقاعد ..اذا كان سبق لك مشاهدتها
هل تؤثر المقاعد الاضافية على الصف الثاني ؟؟
وكيف اداء مكيف الهواء ..

بخصوصا سيارة التجربة بصراحه الداخلية كئيبه جدا ومغرقة في اللون الاسود والقليل من الفضي
ولو كان اللون افتح والخشب منتشر لكانت اجمل بكثير ..

من المحزن عدم توفرها بنظام ملاحه رغم هذا السعر المرتفع

في الامارات السعر 270 الف درهم بدون نظام الملاحه
والبورش كايين ب 215 بدون نظام الملاحه
اما الكيو7 فهي 230 الف مع نظام الملاحه

الاسعار لوكالة البي ام بحاجه للمراجعه من المكتب الاقليمي
حيث يبلغ سعر الفئة الثالثة 320 بمحرك 2.0 لتر 150 الف والكوبيه 320 ب 175 الف بمواصفات عادية ..لكن ما في امل ..الناس تحب تتعود على الاسعار ولاتوجد خطوات جادة من وزارات الاقتصاد ..

واخيرا يعطيك العافية على التجربة ..

وارجو من بقية الاخوان عدم وضع ردود لاتفيد الموضوع

عاشق الالماني · 24-02-2008, 03:08 PM

اقتباس:

المشاركة الأصلية كتبت بواسطة غريب السيف

هلا اخوي عاشق الالماني ..مستواك في الطرح تطور كثيرا بالمقارنة مع تجربة الكاديلاك السابقة
وتستحق الشكر والثناء على مجهودك الرائع ..لكن تمنيت لو كان التصوير في منطقة بها انارة كافيه حتى تظهر الصور اكثر وضوحا...

السيارة تطورت كثيرا والجميل فيها الخيارات العديدة التي توفرها الشركة من محركات واكسسوارات خارجية ورنجات والديكور الداخلي مما يجعل الزبون يختار مايشاء من مواصفات ..

لكن لي سؤال ؟؟ كيف هو أداء المحرك هذا في الشارع وكيف صوته ؟؟؟
سيارة التجربة بخمس مقاعد وتوجد فئة ب سبع مقاعد ..اذا كان سبق لك مشاهدتها
هل تؤثر المقاعد الاضافية على الصف الثاني ؟؟
وكيف اداء مكيف الهواء ..

بخصوصا سيارة التجربة بصراحه الداخلية كئيبه جدا ومغرقة في اللون الاسود والقليل من الفضي
ولو كان اللون افتح والخشب منتشر لكانت اجمل بكثير ..

من المحزن عدم توفرها بنظام ملاحه رغم هذا السعر المرتفع

في الامارات السعر 270 الف درهم بدون نظام الملاحه
والبورش كايين ب 215 بدون نظام الملاحه
اما الكيو7 فهي 230 الف مع نظام الملاحه

الاسعار لوكالة البي ام بحاجه للمراجعه من المكتب الاقليمي
حيث يبلغ سعر الفئة الثالثة 320 بمحرك 2.0 لتر 150 الف والكوبيه 320 ب 175 الف بمواصفات عادية ..لكن ما في امل ..الناس تحب تتعود على الاسعار ولاتوجد خطوات جادة من وزارات الاقتصاد ..

واخيرا يعطيك العافية على التجربة ..

وارجو من بقية الاخوان عدم وضع ردود لاتفيد الموضوع

اشكرك اخوي على هالاطراء الجميل وهذا بفضل الله ثم بفضل ملاحظاتكم وارشاداتكم .

بالنسبه لأداء المحرك بصراحه فاق تصوراتي كنت اضن السياره بتكون ثقيله ولكن فعلاً السياره ماشيه بشكل حلوو وصوتها عادي حتى مع السرعات العاليه الصوت مب واضح وهذا بفضل العزل الصوتي الممتاز بصراحه .

اما بخصوص السبع مقاعد للأسف ماشفتها حتى بالمستودع غير متوفره

اداء المكيف ممتاز بالرغم اني ماجربتها في الظهر عساس اقدر احكم عليه 100% ولكن اداءه في الليل ممتاز .

انا ولله الحمد جربت الثالث سيارات ألي انت ذكرتهم وبعطيك بعض العيوب ألي فيهم .

1- البورش كايين بصراحه خيبه أمل صوت الهواء مزعج فيه وهذا شي ماكنت متوقعه للأبد وعلى فكره انا جربت كايين S وجربت كايين تيربو وكلهم نفس الشي .

2- الاودي Q7 جربت السته سلندر منه وجربت الثمانيه سلندر بصراحه السياره كبيره من برى شوي وتعطيك طابع عائلي شوي ولكن محركها حلوو وصوتها احلى والوكيل يساعده توفير بودي كت بإكثر من شكل .

الله يعافيك اخوي ...

INFINITIv6 · 24-02-2008, 09:34 PM

تسلم عاشق الالماني

بس عندي سؤال:
هل إنت مثل ماأنت؟ أو تغيرت بعد تجربة الاكس فايف..؟

صديقك:عبدالله