المشاركة الأصلية كتبت بواسطة النادر

السلام عليكم
وش حالكم شباب
طبعا بما اني كنت مرافق لاخونا عاشق الالماني
وجربت البورش كايين والاودي كيو 7
فمن وجهة نظري انا في البداية نطلع الكيو 7 من المنا فسة وبعدين نلحقها البورش
للأسباب اللي ذكرها اخونا عاشق الالماني والبورش خصوصا طاحة من عيني بسبة عزل الصوت اللي اسوأ من السيء بالنسبة لاسم السيارة

اما عن المكينة ال 6 اسطوانات فهي بسعة 3.0 وهذا الشيء اللي محيرني لأن اداء السيارة كأنه 8 اسطوانات
اما ثبات السيارة فسيارة BMW X5 تتربع على عرش السيارات الاوربية ذات الدفع الرباعي حتى انا مع اخوي عبدالرحيم ما كنا مصدقين
واحنا دخلنا الدوار بسرعة عالية جدا وكانت السيارة ثابته جدا وتحت تصرف السائق

على العموم في مقطعين فيديو راح احطهم قريب ان شاء الله

ومشكور وماقصرت يالغالي
أخوك النادر

المشاركة الأصلية كتبت بواسطة skyline_z07

مشكوور على التجربة

وانا حجزت وحدة للاهل على ان توصل بداية 5

الوكيل في الشارجة عنده موديلات 2008 لكن كلها محجوزة وقال ماشي غير احجز 2009

واللي حجزتها 6 سلندر طبعا سعرهاالحالي 255000 كموديل 2008 وقالي ان 2009 راح تزيد من سبع الى 13 الف والسيارة ممتازة من ناحية المواصفات يعني تقريبا نفس ال 8 سلندر لكن بفروق بسيطة مثل كاميرا الرجوع للخلف(( تقدر تطلبها للسته)) نوافذ خلفية جانبية مظللة وشبك امامي من الكروم كامل (( الستة يكون كروم على الحواف لكن الشبك اسود)) الرنجات مختلفة و ربلات النوافذ اتكون بلون اسود لامع أو كروم (( الستة بلون اسود لكن من دون لمعان يعني ربل اسود فقط )) و غطاء العوادم في الثمانية احلى من الستة هذي الفروق من الخارج اما من الداخل فما لاحظت اي شي غير يعني الاثنين يجون بنافقيشين واستقبال ارضي للقنوات التلفزيونة يعني بالمختصر الفئات الموجودة في الوكالة هي ثلاث

ستة سلندر ((مقاعد علدية)) + تخشيب

ثمانية سلندر ((مقاعد عادية)) -- الفروق بينها وبين الستة ذكرتها فوق

وثمانية سلندر فئة الفخامة وسبع مقاعد تتميز بدخول ذكي ((من غير الضغط على الريموت))
وتشغيل من بعد ونظام صوتي بعدد سماعات اكثر من الفئتين الفوق و شاشة دي في دي خلفية
ومقاعد امامية فخمة مع مساج وتبريد وتسخين للكراسي و تحكم بالمكيف متعدد لكل منطقة على حدة واضافة لذلك وجود شاشة معلومات الرحلة ساقطة على الزجاج الامامي خلف السكان ((فقط في الثمانية ولا يوجد بالستة )) ومدخل للipod و USB هذا اللي اذكره

طبعا السيارة معروفة والوكيل خدمته ممتازة ضمان سنتين
وخدمة تبديل الزيت لخمس سنوات مجانا على ما أذكر

واللي اشوفه انه الستة مناسبة جدا لكن تحتاج لشوية اضافات خارجية والشكل يكون ثمانية

وبعدين لا تنسون انه الثمانية يصرف بشكل خاصة انه البترول ما شاء الله عندنا اغلى من .....

لذلك وقع الاختيار على الستة من قبل الاهل لكن بيني وبينكم الثمانية غير خاصة صوته الرهيب

غيييييييييييييييير

والسيارة جربتها من صاحبي فئة الستة و كانت ممتازة

ومشكوووووووور كثيرا على التجربة

المشاركة الأصلية كتبت بواسطة red_RPM

السلام عليكم
تجربه حلوه وبيض الله وجهك
يعجبي لون الكراسي بس لو ايكثرون الخشب البني الغامق ايكون احلي
أنا جربت قيادة السياره بمحرك السته السلندر و الصراحه كان التسارع مخيب للأمال سيارتي الجيب الأم أل 98 320 أسرع منها , يمكن أحد الأسباب القير هذا علي مافهمته من مالكي هذي السياره من منتدياتهم الأجنبيه طبعا أكرر أنا أقصد محرك السته سلندر
أخوي ممكن تخبرني عن السعر عندكم و هل السعر اللي ذكرته هو عند الوكيل بالسعوديه ولا السعر محول من الدولار الأمريكي MSRP!!
مشكوورر .

المشاركة الأصلية كتبت بواسطة Jaguar R

ماشاءالله عليك, كفيت ووفيت بالتقرير....

الاسبوع الي طاف, سرت وكالة الــ BMW (أبوظبي) وكانت الــ X5 متوفرة وبكميات كبيرة (حوالي 15 سيارة واتوقع اكثر) لاكن كلهم بقيد التسليم...طبعا السيارة متوفرة وبجميع الالوان, وعلى كلام مسؤول المبيعات, انه في دفعة بتوصل هالشهر ودفعة ثانية بشهر 4, يعني الي بيحجز الحين, بيستلم بتاريخ 17-3.. بالنسبة للاسعار.. فطراز القمة V8, 4.2 (7 ركاب + شاشة خلفية + رنجات 20 انش) بــ 396,000 درهم مع التامين (الاسعار فوق) ..

المشاركة الأصلية كتبت بواسطة vtc61

6 ساندر - 8 سلندر المهم انها x5 (معنى الفخامه)