Dibba Rock 7-3-2008

DiverUAE · 08-03-2008, 09:18 AM

سلاااام علييكم
شحالكم شبااب
بمناسبه عودة موسم الغوص بالنسبه لي حبيت اعرض عليكم هالكم صوره اللي صوريتهن البارحه في دبا ^^

حاله البحر البارحه:
الحراره 27 عند السطح
22 على عمق 8 متر
تيار متوسط القوه (قوي للمبتدئين)
الرؤيه نص نص (5 متر تقريبا)

عاشق الالماني · 08-03-2008, 03:19 PM

والله اني كنت مشتاق للهصور

من زمان ماشفنا شي

ماشاء الله الصوره الاولى احلى شي ..

وش هذا الابيض والاصفر ... نوع من الحيوانات ولا مرجان ولا شنو سالفته ..

تحياتي ...

DiverUAE · 10:49 PM

اخيرا حد تكرم و رد علَيْ

سلمك الله هذا الابيض و الاصفر ما اعرف شنو اسمه لكن هذا نوع من الحيوانات البحريه ^^

زورو الامارات · 08-03-2008, 10:02 PM

سبحان الله البحر عجيب

سيف الارضية جبليه ولا رمل ؟

صقر الشارجه · 08-03-2008, 10:21 PM

ما شا لله عليك اخوي صور حميلة وهادئة وتريح النفس

DiverUAE · 08-03-2008, 10:51 PM

اقتباس:

المشاركة الأصلية كتبت بواسطة زورو الامارات

سبحان الله البحر عجيب

سيف الارضية جبليه ولا رمل ؟

الارضيه مختلفه و كانت مقسمه و تشوف هني رمل و هناك حصى و صخور و الصوب الثاني مرجان لكن يوم ياهم جونو عفس الدنيا هناك

Silver · 09-03-2008, 12:23 AM

ماشاء الله شغل عدل ...
غريبه تقول "الرؤيه نص نص" مع أني اشوف الصور هذي أوضح من بكثير من السابقة ... وخاصة الأول والأخيرة ... جميلة جداً

ممكن فكرة عن المعدات إلي استعملتها في التصوير (الكام/العدسة/كيف دخلتها البحر؟)

يستاهل 5 نجوم

C A D I L L A C · 09-03-2008, 03:17 AM

ما شا الله عليك

و الله حلوه الصور

بس ها الي فالصوره الاولى شكله غريب

يمكن كائن فضائي
هههه

fALCON · 09-03-2008, 06:58 AM

السلام عليكم
هذا راسه مثل حصان البحر , بس رقبته طويله عنه

uae speed · 09-03-2008, 04:00 PM

صورة السلحفاه حلوه والله، ولكم باك مان.