شباب الشارجة ... دقيقة من وقتكم

:.ظبياني.: · 08-03-2008, 06:01 PM

السلام عليكم

انا عندي سويفت وقررت اني اعدلها ومحتاج مساعدتكم

وين اقدر احصل نفس هذي الاسطابات و البمبر في الصناعية ...

البمبر

الاسطابات

ومشكورين مقدما

صقر الشارجه · 08-03-2008, 10:39 PM

هلا والله اخوي الطبياني ومرحبا بك ويانا في المنتدى
بالنسبة للمبمر تحصله صوب الصناعية وانت ياي من دبي يجيك جسر كارفور تروح يمين باتجاه الصناعية تلاقيه 2 محل على ايدك اليمين اسمه فاني البمبر اظني على 900 درهم

والاصطاب موجود عند محل اسمه سبور في شارع الزهراء وانت ساير من دوار البلدية لين دوار الساعة عاليمين تحصله بس تجاري طبعا

وفي اشياء وايد حلوة نزلت للسويفت منها الجناح والبمبر الخلفي ..

اتمنى اني اكون افدتك وبالتوفيق

:.ظبياني.: · 09-03-2008, 12:58 AM

تسلم يا صقر على الترحيب ... انا ما ادل الشارجة عدل .. بتعبك وياي شوي

بخصوص محل فاني البمبر هو موجود بالصناعيه 2 ؟

وبخصوص محل الاصطابات موجود بين الدوارين ؟ وشارع الزهراء بعيد وايد عن البحيرة?<< المكان الوحيد الي اعرفه في الشارجة

والسموحة منك اذا تعبتك معاي

الزرعوني · 10-03-2008, 06:17 PM

مثل ما قالك اخوي صقر الشارجة

و عندك المحلات اللي اتيك بعد صحارى متجه الى دوار كلية الشارقة ..

يوم بتركبه .. خبرنا من وين و كم السعر و صورلنا السيارة

:.ظبياني.: · 19-03-2008, 12:09 AM

تسلم يالزرعوني على الرد وإن شاء الله اول ما يجهز التعديل بتجوفة بالمنتدى ...... بس للأسف اليوم سرت الشارقة وما حصلت الاسطابات

بس كرستال اما السود ما حصلت

... وإن شاء الله اول الشهر بحاول اسير مرة ثانية ,و إن شاء الله احصلهم ... وبخصوص البمبر عجبني وااايد و إن شاء الله بركبة الاسبوع الياي

دعواتكم

صاحب الامتياز · 28-03-2008, 02:17 AM

يامرحبابك ياخوي
مثل ماقالو اخواني وانت ياي من صوب صحارى محل كبير عنده اشياء واايد حق السويفت

ماشاء الله نزلها اشياء وايد على البركــــــــــــــه اخوي

:.ظبياني.: · 29-03-2008, 08:21 PM

تسلم أخوي صاحب الامتياز على الرد

انت تقصد هذا الطريق ؟

صقر الشارجه · 29-03-2008, 10:42 PM

هي نعم اخوي هالطريق فيه محلات عطرفك اليمين في اشياء وايد للسويفت

alzeraim · 29-03-2008, 11:17 PM

ماشي مكان حق البرادو ؟؟!

اليوم كلمت مال دينا تريد..
قالي ..في شارع الملك فيصل..
محل اسمه ..clifford or cliffori مادري اي واحد منهم

حد يعرف محلات ثانية لاني ادور شبك سبورت حق البرادو

saeed-bmw · 19-05-2008, 01:26 PM

انا مركب حق الياريس روووعه 750 مع التركيب اذا تبغي قووولي انا محصل اسووود حقك اوكي ممكن طرشلي رقمك ع الخاص يوووم بتي الشارجه بوديك السعر مع التركيب وعن الزوائد دسكفري اوكي بعد يفصل