اول حبيت اقول انا ما اقلل من موضوع اخونا جازورا و هي تغطيته للسياره في الدمام
و انا استغربت ان السياره نزلت في السعوديه قبلنا ب 4 ايام
نحن اليوم اول يوم تنزل عندنا
بصراحه انا اعتبر ها السياره اكبر مفاجأه في هاذي الفتره
لاني ما توقعت ابدا نزول سياره موديل 2009 في الربع الاول من 2008
خبري السيارات اليابانيه خاصه تتاخر علينا شوي مثل الاكورد
طبعا انا ما حطيت ها الموضوع عشان ازيد الصور بس عن صور اخونا جازورا
لكن حبيت استعرض عليكم اسعار السياره في الامارات
السياره تتوفر بفئتين الي هي الصالون و فئه الهاتشباك (سبورت)
فئة الهاتشباك تفرق عن اسعار الصالون ب 2000 درهم تقريبا في كل فئه
نستعرض عليكم الفئات
طبعا الصالون تنزل ب 3 ارقام رقم 1 الي هي الفل ب 93 الف اما رقم واحد بدون فتحه 90 الف اما السبورت او الهاتشباك رقم 1 سعرها 92 الف بدون فتحه و 95 الف مع الفتحه
هااذيل محركهم 2.5 لتر
اما رقم 2 مكينة 2.0 سعرها 70 الف اما 2.5 سعرها 80 الف الهاتشباك 2.0 75 الف و ال2.5 ما ادري بكم ما خذت سعرها
رقم 3 الصالون ب 63 الف اما الهاتشباك 65 الف و كلهم 2.0 ما تنزل 2.5
المحركات مثل ما ذكرت السياره تتوفر بمحركين 4 سلندر الاول 2.0 و قوته ما ادري كم اما الثاني 2.5 قوته 261 حصان حلوه القوه على ها الحجم من المحركات مثارنها بنيسان و هوندا 2.5 ما يتجاوزون 195 حصان
انا وايد عيبتني السياره من داخل و العدادات خطيره و التشغيل بزر و المصابيح عاديه لكن الفل زنون
الخشب الاسود خطير اللون الاحمر و اللون الازرق اكثر ما عجبني
اذا تبون فرقون بين الهاتشباك و الصالون طبعا الفرق ما يبين الا لو جفتو الدبه و السطاب اسطاب الصالون فيه جزء احمر اما الهاتشباك كامل ابيض
هاي الزرقا رقم 3 2.0 صالون
هاي السودا فل بفته هاتشباك
السودا من داخل
اما هاي صالون فل بدون فتحه و جوفو الدبه غير
هاي من داخل
طبعا السياره ايضا تتوفر بسماعات بوس قويه و باب بصمه و مرايا تعتم تلقائيا و اشيا واااااايد
في الاخير حبيت اقول اني خبرت الوكاله اني ناوي اجرب السياره فقالي تعال الصبح يمكن تكون سيارة المدير موجوده عشان تجربها
نزول مازدا 6 2009 في الامارات
العرض العادي
