المشاركة الأصلية كتبت بواسطة ليكزي

اووووب .. يا سبحان الله



أنت قطري أو من قطر أخوي (كيف) ؟!

بصراحة ما توقعت كلشش اني الاقي تقرير عن هالسيارة من قطر بالذات .. فاجأتني جدا بصراحة واحسستني ان في واحد بس على الاقل يقدر هالسيارة في الدوحة ..!! وانا عن نفسي يمكن اكثر واحد يتابع الإنفينيتي في الدوحة ودايم اروح الوكالة واعرف موظفينهم (جون وباقي الطخة، بس ذي اللي في الموضوع ما اعرفه صراحة) ..

اقول ذاك الكلام لاني هالسيارة بالذات والإنفينيتي بشكل عام ناااادرة وما يحبونها ولايفضلونها هل قطر ؟!! ما عدا الـ FX ، الإنفنيتي ما لها سوق في الدوحة كلشش !! محد يدانيها للأسف ..!!

هذه الـ M ، انا ما شفت منها في الدوحة الا خمس سيارت بس ، وهذه بعض أرقامهم :-







1298XX
تاريخ استخراجها:- 30 - 1 -2008
2166XX
تاريخ استخراجها:- 6 - 2 - 2008

التاريخ على الترتيب التالي:- يوم - شهر - سنة
وعرفت موعد استخراج هذه السيارات من خلال خدمة (الاستعلام عن المخالفات المرورية - تاريخ انتهاء الاستمارة - في موقع وزارة الداخلية القطرية) ..

XX = إخفاء الرقم للخصوصية

وفي واحد صدته وكان بيتهم وراء التاون سنتر وسيارته نفس اللون اللي في التغطية ..

من كان يسوق هالسيارات ؟!

أجانب (انجليز) واللي هم الوحيدين تقريبا اللي يحبون إنفينيتي عندنا .. وسيارة وحدة بس كان يسوقها شاب قطري (يعني لابس ثوب وغتره) .. وسيارة تسوقها بنت .. يعني مادري هل قطر شبلاشهم من السيارة .. اللي عندهم الموتر، الله يعطيهم خيرها ويكفيكم شرها ..

انزين مب مشكلة ، خلنا نقول مواصفاتها كانت ناقصة قبل، بس عاد الحين ما لهم عذر خلاااااص ، صار فيها كل الموصفات الحين في موديل 2008 .. نفيقيشن ، بلوتوث، 14 سماعة BOSE ، طي المريات ، غسالات الأنوار الأمامية ، DVD خلفي ، عدادت جديدة ..الخ وباقي مواصفات 2007 وفوق كل هذا الشكل متجدد .. ناهيك عن ميزة التحكم الخلفي (وكأنك في لكزس LS أو بي ام الفئة السابعة أو مرسيدس S ) مع انه السيارة تنافس الـ GS و BMW الفئة الخامسة و مرسيدس E كلاس ..!! مادري اشلون ..!!

انا راي ان السيارة ما عليها كلام ويا ما كتبت مواضيع عنها في منتدى نيسان - ارابيا ومنتدى قطر سبيد وفي منتدى تويوتا 4 آرب (اذا تحب بطرشهم لك على الرسائل الخاصة) ؟!

بس انا اشوف ان الشكل (سواء القديم او الجديد) يمكن ما يساعد بسسسس وهذه في الأخير مسألة أذواق مع الجديد وايد حسنوه وعدلوه .. يعني يمكن ما يعجبني ويعجب غيري (مافيها مشكلة) .. وكذلك الإسم مب متعودين عليه و غريب وتحس ما له هيبة في الدوحة (مب يعني لما تقول لكزس مثلا) ، والا هو موتر اشهد له و رووووعة ..



اتمنى تقولي فائدة هالأزرار بالضبط .. من اليمين لليسار ، لو سمحت ؟!



و على فكرة، في الـ GS .. المرايتين ينزلون عندك سواء اخترت المريا اليمنى او اليسرى أما اذا اخترت اللي في النص طبعا ما تنزل ولا وحدة ..



ويييين يبا !! على كيفك تقص عالعالم ؟! هذا السعر ولا بالخصم الدبلوماسي ياشيخ !!

هذا سعر السيارة بالدليل القاطع


لوحة السعر والمواصفات لـ M45 موديل 2007 (قبل العرض الخاص)

وبعد العرض الخاص نزل 190 الف ريال قطري (مع الاسبيلرات/زوايد)
و 180 الف ريال قطري (بدون زوايد) .. فهل نزل سعرها اليوم لـ 163 الف فعلا ؟!

عالعموم ما علينا من اسعار 2007 .. خلنا نشوف 2008 كم ..



ابكييك .. وحححححش ولد الدوحة ..
ما شاء الله .. روووح والقلب داعي لك ولد بلادي ..
عيال الدوحة ، لازم "ازقرت" بعد ، ها يه يه يه ..
الله يعطيكم خيرها ويكفيك شرها ان شاء الله ..

.
.

انا بصراحة افكر لي في وحدة M في المستقبل بس لما يتغير الشكل كليا ، ويقولون انه بينزل سنة 2010 (يصير خير) .. علشان جذي طلعت لي الـ GS430 الحين مع اني اموووت فيها من زمان فديتها ..

والـ M كنت مفكر فيها بس ما عجبتني في شكلها بصراحة وبالذات "اسطاباتها العودة" لكن مواصفاتها تفجييييير (اقصد 2008) لكن 2007 شفتها ما تسوى علي صراحة بدون النافي والبلوتوث وباقي مواصفات 2008 .. من جذي قلت ازيد شوي واخذ الـ GS430 موديل 2008 (فل اوبشن) ابرك لي والله ، غير اني احلم في السيارة وخاطري فيها من 2005 والحمد لله قدرت اشتريها ..

M موديل 2008 نازل بعد اسبوع ان شاء الله (على كلام الوكالة) ..

آخر سؤال .. هل تنصح بهالموتر لشباب الدوحة واللي هم مب بالعينه بالأساس مثل ما اشوف ؟! والا بس تشوفه ينفع العائلة مثل ما لمحت في موضوعك !!



واشوف ان ربعنا ما يحبون الا الفورويل (الكروزر و الاسكلد والجمس واللكزس فورويل والفتك والرنج والكيان و الـ X5 و بوحوض ومادري وشو) .. واذا قلت لهم ليش؟! قالك شورعنا مكسرة وكلها مطبات هههه ، اللي يسمعه يقول كل الشوراع مكسره أو فيها مطبات و تقول كانه لازم يطب هالشوارع المكسرة الا بالعكس ، الشوارع وايد تعدلت .. وغير كذا ، لانهم يروحون البر و سيلين ..

و الشباب اللي يحبون الصالون "الكشخة" ، طبعا ما يفر راسهم الا الـ IS و الـ GS و الـ CLS و الـ الفئة الخامسة تقريبا .. ويمكن الفئة الثالثة سيدان (بس نادر) ..

السيارات العادية ، الأفالون والكامري والالتيما و الأكود و المكسيما والكرايسلر و التشارجر و الللومينا والكابرس ، هذولا تقريبا ..

واللي اكبر شوي ياخذ له الـ ES والا S كلاس (الحوت) و الفئة السابعة و لكزس LS .. و الـ CL (اذا المزيانية تسمح) ..

واللي يحبون الاسبورت، يطلع له موستنج والا الفئة الثالثة و الـ SLK و الفئة السادسة و الـ M5 و الـ M3 و الـ C6 و الـ ZO6 ، واذا المزانية تسمح ، لمبرجيني طبعا ..

اما الأنفينيتي بكبرة مب داش راسهم كلشش وماله سوق الا يمكن من الأجانب عندنا بسس !! اما تقولي قطري عنده إنفينيتي ، مستحييييل الا الـ FX طبعا هي الوحيدة اللي يشترونها .. اما باقي السيارات ، سلامتك ، راعينهم ينعدون على الاصابع في الدوحة !!

بإنتظار تعليقك على ردي ..

آسف على الإطالة ..

يعطيك العافية ..

تحياتي
ليكزي

المشاركة الأصلية كتبت بواسطة grandv8