مقارنة بين AUDI Q7 و ML350 أخوكم محتاج إستشارة منكم

b7reeny · 01-04-2008, 12:16 AM

السلام عليكم ورحمة الله
قوة قوة شباب

أخوكم محتاج إستشارة منكم
بأمانه أنا محتار بين سيارتين وهي

المرسيدس ML350
موديل 2008
سعره حوالي 248 ألف

وبين الأودي AUDI Q7 3.6
موديل 2008
سعره حوالي 250 ألف

ماني عارف أي وحدة أصلح لأخوكم
تطلعاتي للسيارة:
1- تكون في نفس القيمة.
2- ماراح تكون للإستخدام اليومي لأن عندي سيارة ثانية.
3- ولكن راح تكون مخصصة للطلعات البسيطة مع زوجتي أو للسفرات الطويلة.
4- تكون متينة وصلبة من ناحية الأمان والسلامة خصوصاً بأن زوجتي راح تستخدمها لمعضم الأوقات.
5- قيمتها فيها...
6- مو شرط تكون مميزة زيادة عن اللازم... ولكن حبذا لو إكتملت فيها أوجه الرفاهية.

المواصفات الفنية:
المرسيدس
6 سلندر
3.5 ليتر
268 حصان
جير أتوماتيكي 7 غيارات أمامية
نوع الدفع: رباعي الدفع مع زر تحكم

الأودي:
6 سلندر
3.6 ليتر
280 حصان
جير أتوماتيكي 6 غيارات أمامية
نوع الدفع: رباعي مستمر

طبعا الرفاهية من الداخل شبه متقاربة بين السيارتين:

طبلون المرسيدس:

و طبلون الأودي:

*********************

مقصورة الركاب بالمرسيدس:

أما مقصورة الركاب بالأودي:

*********************

في المرسيدس
مفاتيح التحكم في الشاشة تكون هنا

أما مفاتيح التحكم بشاشة الاودي
تكون عند الجير

***************************

طريقة تغيير الجير في المرسيدس من خلف المقود

أما الأودي.. فهو بالشكل التقليدي:

********************************

بالنسبة للرحابة في مقصورة المرسيدس
فهو فقط 5 ركاب

أما في الاودي
فهو 7 ركاب - بسبب الشاسيه الطويل

*****************************

في المرسيدس
مقاسات الاطارات 17 "

أما في الاودي فهو
19 "

************************

فما هو الاصلح في إعتقاد خبراء المنتدى؟
:sm137:
هل المرسيدس؟ أم الاودي؟
وإذا ماكانت السيارتين ينفعون... فأيش الانسب؟؟؟
في إنتظاركم

غريب السيف · 01-04-2008, 01:25 PM

اعتقد ان المقارنة صعبة جدا من ناحية المواصفات والسعر لانها متقاربة بشكل كبير جدا ..كل ما تريده موجود في السيارتين ..

الاودي مثلا رياضية اكثر ونظام الكواترو من افضل انظمة الدفع الرباعي في العالم
تتميز عن المرسيدس بوجود مقاعد اضافية ولكن حتى المرسيدس يمكن اضافة مقاعد خلفية لها ولكن بسعر اضافي ..

المرسيدس موديل 2009 في بعض التغييرات من الامام والخلف والداخل وكلها عملية تجميل ..

الاودى ما تمسك سعر عكس المرسيدس تمسك سعرها

الشكل الداخلي افضل المرسيدس لان ازار التحكم موجود بجانب الشاشة عكس الاودى التى تلهيك عن الطريق بسبب وجودها جنب الجير ...

قطع الغيار ..الاثنين ناااار بس الادوى اغلى شوي

الاعتماديه مرسيدس طبعا ..
وانا ارجح المرسيدس اكثر لان طبيعة الاستخدام عائلي أكثر

عاشق الالماني · 01-04-2008, 04:49 PM

السلام عليكم ...

انا ارشح المرسيدس لعده اسباب ...

التصميم الداخلي للمرسيدس اجمل ..

الراحه للركاب افضل بالرغم من اتساع الاودي ولكن الراحه تجدها في المرسيدس .. وخااصه في المرتبه الثانيه .

مواصفات المرسيدس افضل ..

بالنسبه للمحرك سته سلندر ثقيل شوي على الاودي وتحتاج محرك ثمانيه سلندر عساس تنطلق فيها بشكل اسهل لأن السياره كبيره شوي ..

اما محرك المرسيدس سته سلندر كفيل بنقل السياره وتحريكها بشكل سهل ويعيطك شعور رياضي بعد ..

بالاخير اقولك لازم تجرب السيارتين بنفسك ولاتنسى صلاه الاستخاره ..

AR/\/\@/\/! · 01-04-2008, 06:48 PM

من الفخامه الموترين ما عليهم كلام

و بعد ف الاستخدام اثناتهم بعد اوكى و يتحملون

بس يوم اتي اتبيع سعر المرسيدس فيه بس الاودي بيقصك قص
(اربيعي عنده ال V8 S-line والله انه ما كمل سنه, سرنا انسوم كم اييب الريال نقص من سعره 70 الف)

ونفس ما قلت اخوي الموتر تبا حج البيت انا اجول المرسيدس

والله يوفجك انشاء الله > بالبركه مقدما =) <

GS430 · 01-04-2008, 08:45 PM

وعليكم السلام

والله أنا شخصيا

كشكل خارجي وداخلي و مواصفات

المرسيدس

الأوي نهائيا ما عجبتني وخصوصا الداخلي كله متشابه Q <A6 >A4<A3

من الداخل نفس التصميم ما في ولا تغير

وعندك خيار ثاني وثالث

لكزس LX570 مواصفات وسعره جدا ممتاز محرك جبار 382 حصان 4 كيمارات شاشه في الخلف ...الخ

وفي خيار أحلي من 3 في نظري

X5

والله يوفقك إن شاء الله

3mr_golfmk4 · 04-04-2008, 04:11 AM

اول سيارة في العالم استخدمت الفورويل للسيارات التجارية أودي
أنا أفضل الأودي من حيث التصميم والأمان(16وسادة هواء) و بعدين المكينة اقوي والسياره أوسع

عاشق الالماني · 06-04-2008, 01:21 AM

اقتباس:

المشاركة الأصلية كتبت بواسطة 3mr_golfmk4

اول سيارة في العالم استخدمت الفورويل للسيارات التجارية أودي
أنا أفضل الأودي من حيث التصميم والأمان(16وسادة هواء) و بعدين المكينة اقوي والسياره أوسع

اخوي مب شرط تكون اول سياره صنعت تكون قويه ...

بالنسبه للقوة المحرك فقوه محرك المرسيدس اقوى وخااصه v6 لأن حجم ووزن الاودي اكبر واثقل

تحياتي ...

dubaii_m5 · 06-04-2008, 01:59 AM

الصراحه افضل المرسدس بس ليش ماحطيت في بالك x5 v6

FuLL MoOoN · 06-04-2008, 04:44 AM

^^^^^

مثل ماقال أخوي تقدر تضيف سيارات حلوه من نفس الفئات مثل البي ام x5 والبورش كايين والطوارق ...

عموما تقدر تلف على الوكالات وتشوف هالسيارات يمكن تحدد ميولك أكثر أو تحتار أكثر ههههههههه

ربي يوفقك أخوي وأنصحك أنك ماتستعجل تجرب السيارات وتاخذ لك لفه على الوكالات منت خسران شي

Mr.K H A L E D · 06-04-2008, 11:22 AM

انا انصحك بالاودي
شكل ومساحتها من الداخل افضل من المرسيدس

بس اهم شئ لاتستعجل اخوي واستخـــر

وعندك خيارات كثيره نفس الفئه عندك ال بي ام X5 الجديد