استفسار ضروري

وجدان الروح · 11-04-2008, 08:33 AM

السلام عليكم ورحمة الله وبركاته

عندي استفسار ضروري وطالبة مساعدتكم وان شاء الله انكم تفيدوني ..
أنا حابة أطلع سيارة جديدة ومحتارة بين سيارتين .. لينكولن MKX و جاكوار XF ..
أولا أنا حابة الجاكوار أكثر أحسها فخمة وقوية ..
لكن خايفة من الأعطال اللي الكل كلمني عنها ..
ولا عمري استعملت لينكولن فما أدري ياليت لو تعطوني نصيحه لوجه الله قبل لا اشتري السيارة ..
وشكرا على مساعدتكم مقدما ..

grandv8 · 11-04-2008, 01:25 PM

السلام عليكم ورحمة الله وبركاته

بخصوص السيارة جاكور والوكيل في دبي ممتاز وخدمة ممتازة ماشاء الله.

بخصوص جاكور الشكل ان انصح لك احسن من لينكولن.

بالتوفيق ان شاء الله

صقر الشارجه · 11-04-2008, 06:24 PM

جاكوار خدمات الوكيل جيدة في دبي ..وسيارة جديدة وفخمة

وجدان الروح · 11-04-2008, 08:23 PM

الإخوان grandv8 وصقر الشارجه أشكركم على الرد وفعلا ساعدتوني بإجاباتكم .. ولكم جزيل الشكر ..

غريب السيف · 16-04-2008, 08:50 AM

السلام عليكم ..بحكم تعاملي الدائم مع الوكيل الطاير ...الخدمه ممتاز جدا سواء لللينكولن أو الجاكوار ..

اللينكولن سعرها 140 الف درهم مع التأمين ..وهذا النوع جاهز للتسليم فورا ولا يوجد فترة زمية للانتظار ...

وهي سيارة جملية وفخمه وسعرها جيد ..

اما الجاكوار أكس اف ..فهي جديدة بالكامل ومواصفاتها جدا روعة وتختلف جدا عن اللنكولن كونها صالون وبريطانية فخمه ..وسعرها بالمحرك 6 سلندر 230 الف ..ولكن يجب الانتظار فترة لاتقل عن 4 شهور لان طلبات الحجز كثيرة ..
وحتى سعرها يختلف عن اللنكولن ..

في النهاية اذا كانت الميزانية قوية فالجاكوار خيار ممتاز ومفضل
اما اذا كانت الميزاينة اقل على اللنكولن توكلي

zz_boy50 · 16-04-2008, 10:12 AM

عندي لك نصيحه ليه ماتشوفين غيرهم؟؟

في سيارات كثيره بنفس السعر وافضل جوده منهم واقل خرابات

شوفي اللكزس والانفينتي كلهم افضل جوده من لينكولن وجاغوار

Only Fj · 16-04-2008, 12:28 PM

والله انصحك بلكزس ولا انفنتي نفس ماقال اخوي zz_boy50 بتعمر عندك و قطع غيارها معقوله

و اذا ناوي بس بين الهنتين الجاغور تستاهل بصراحه تصميم حميل على الطبيعه اجمل حتى من الصور بس اول شي اسأل على خدمة الوكيل اذا انت من برع الامارات