السلام عليكم

كما وعدت بعض الاخوان اللي سألوني عن صرفية الياريس من خلال موضوعي السابق (( اشتريت سيارة للدوام )) فبعد اكمالها للالف كيلو عملت حسبة بسيطة , بتاريخ 3\31 كان خزان الوقود فاضي فعبيتها بترول فل ب 50 درهم وبتاريخ 4\12 فضى الخزان بعد ما مشت 524 كيلومتر خلال 13 يوم فعملت مقارنة صرفيتها الشهرية مع صرفية اللاندكروزر الشهرية اللي كنت امشيها نفس المسافة للدوام يوميا فاستنتجت التالي:-

- صرفية اللاندكروزر GXR الشهرية = 1500 درهم

- صرفية الياريس الهاتشباك الشهرية = 105 درهم





يا بلاش

وعليكم السلام ورحمة الله وبركاته


الحين معقول الفرق حوالي 15 ضعف !! ،، بالتأكيد في فرق بين الصرفيتين لكن كنت اتوقع تكون نسبة معقولة ( 3 إلى 5 اضعاف ) لكن ما توقعت يوصل الفرق الى حوالي 15 ضعف .

اذا سوينا حسبة بسيطة ( 1500 - 105 = 1395 درهم بتوفرها شهريا )

1395 * 12 = 16740 درهم بتوفرها سنويا

16740 * 3 = 50220 درهم بتوفرها خلال 3 سنوات


يعني خلال أقل من 3 سنوات بتكون رجعت حق الياريس ، والله صفقة رابحة جدا

__________________

كنت متوقع انها تمشيك أكثر من 650 كيلو على الأقل.
لأن 524 كيلو قليل جدا مقارنه بحجم المحرك وكبر خزان البترول.

واللي أعرفه ان دوامك في جبل علي صح؟ يعني تدق خطوط أكثر شي، وبالتالي الصرفيه المفروض تكون أقل بكثير
لأن الصرفيه في الخط غير عن المدينه.

بس التوفير مقارنة بين الموترين بصراحه ممتاز، وبومحمد ما قصر عطاك الحسبه بالتفصيل.

__________________

صدق

مره طلعنا بها من راس الخيمه الى دبي و رجعنا بها ما صرفت اكثر من ربع التانكي

طبعا بالاضافه الى المسافه الي مشيناها في دبي

__________________

http://uaexlr.googlepages.com/home

صحيح. وبعدين مو بس الياريس، انا عندي الكامري اذا عبيتها فل ب45 ريال بتمشيني 520كيلومتر في الاسبوع

الواحد

44 كيلو للجامعة الايام من الاحد للخميس

100 كيلو طلعة يوم الخميس

200 كيلو للبحر يوم الجمعة

بس شوف فرق المكينة
اليارس 4V قوة المكينة 84 حصان
أما الاندكروزر 6V محرك بنزين 240 حصان أو 8V محرك ديزل 217 حصان
احسبها و شوف
الله يهنيك بالموتر

__________________

صرفية اليارس بالمدينة اقل (لانة المكينة صغيرة ما تتعب)

صرفية اليارس بالخطوط اكثر (لانة المكينة صغيرة وتتعب )

ماشاء الله صرفيه حلوه خصوصا مع ازدحام دبي تنفع جدا وتوفر عليك بترول وايد

سمعت ان بريكها ضعيف شوي هل هالكلام صحيح ؟

ياليت لو تعطينا انطباعاتك عنها يا سوبرا

__________________

((ربي لا تذرني فرداً وأنت خير الوارثين))

عندي اكسنت 2005 اعبيها فل 18 ريال وهي فاضيه ع الاخر وبتشيغل اللمبه واكثر

وامسك فيها الخط من الشرقية إلى الرياض يزيد عن 450كيلو

وبداخل البلد ما يقل عن ست ايام .. حسب الاستخدام ..

يا رجال .. الواحد لمى يتعود على هذه السيارات الصغيره .. بصراحه يستخسر .. يسوق السيارات اللي بتصرف .!!

__________________

صح اكثر سواقتي خطوط ولكن انا اشوف انه ملاحظة اخوي الظهوري صحيحة


هذا اللي الاحظه وبعدين قبل قلتلكم تصرف 100 درهم في الشهر لكن لما قمت ادوس بها اكثر و امشيبها خطوط بسرعة 120 الى 140 تقريبا يوميا قامت تصرف اكثر لكن بعد المبلغ الشهري ما يزيد عن 250 درهم


لا اشوف بريكها ممتاز

اما عن انطباعاتي فهي سيارة خفيفة ما تحسسك انك تسوق سيارة وحلوة للمشاوير داخل المدينة و لكن عزمها ميت تقريبا وما تصلح للناس اللي دمهم حار


.