السلام عليكم ..
شباب لقيت مكان جديد مختص بتلميع السيارات وازالة الخدوش والتنظيف الداخلي وتنظيف المحرك واضافة لما اضافية للسيارات ...
المهم لقيتهم حاطين الاعلان على باب بيتنا ....
سوبر شاين لتلميع السياراتقلت بجرب لانه مكتوب عرض محدود خصوصا ان عندي موارنو فقد الكثير من لمعته وفيه الكثير من الشحفات
اتصلت فيهم وخذت موعد عندهم ولما وصلت تفاجأت بمستودع عادي جدا وقلت السعر رخيص يمكن لهذا السبب ..ما شفت الا سيارة وحدة وكان عندهم ثلاث اجهزة خاصه بالتلميع ..تفحصت المعدات وادوات التلميع وشفتها من الانواع الجيدة جدا ونفس اللى تستخدم في المحطة الكبرى لخدمة السيارات المشهورة في دبي ..
قلت للهندي ها انتوا تستخدمون نفس المواد ..قال هيه وفيه اشياء احسن وانه كان يشتغل 15 سنه في المحطة الكبرى وجمع له مبلغ وفتح هالمكان ..قلت من متى مفتوح ؟؟؟قال من ثلاث شهور .!!
المهم خليت السيارة عندهم وراويته اماكن الشحفات وقلت له اذا قدرت تشليها زين لاني حاولت مع مكان ثاني وفشل فيها ...تركت السيارة وقال لي باكر بتخلص
المهم اليوم الثاني سرت استلم السيارة وانا منصدم كليا فيها ... اللمعة الباهتة راحت وصارت السيارة كنها جديدة واحلى من لون الوكالة ..درت حول السيارة لابحث عن الشحفات اللى كانت اغلبها صبغات من سيارات ثانية وبقع الاسمنت وكلها زالت ..والمحرك صار لامع جدا ...ومن الداخل النظافة في كل مكان والرائحه اللى كنها رائحه الوكالة ..
عاد اهني قررت اني اجلب سيارات البيت كلها سيارة ورا سيارة وحاليا عندهم السيارة الثانية
وكل هذا بملبغ 350 درهم صالون او فورويل
اما االتلميع الخارجي فقط ب 150 درهم ..
مع العلم ان الاسعار الحالية للامكان الاخرى القريبة في المنطقة تتراوح بين 700 الى 1100 درهم للصالون فقط والفورويل سعره اغلى ..
الموقع القوز الصناعية الاولى الجسر الثالث على شارع الشيخ زايد ..خلف وكالة الفولكس واجن ..هناك معرض كوارتر مايلز الشهيز ..يوجد مستودع مقابل المعرض ..داخل المستودع يوجد ال(supershine )
ورقم هاتف الحجز 0097155742402
كنت اتمنى احط لكم صورة قبل وبعد ..بس ما فكرت فيها قبل ..
والموضوع كله للافادة اخواني وليست دعاية لهم لان بصراحه السعر رخيص جدا ..بالشارقة ارخص مكان حسب علمي 450 درهم
هل ادلكم على مكان لتلميع السيارة (دبي)
يا شباب في مكان في القصيص اسمه الشرقي,ويلمع حتى الكروم الي في حلا و الليت المصفر 
العرض العادي
